اضمك وين مابيه
انته بروحي ويشوفوك
دگه بوجه عربية.🦋
_قراءة مُمتعة..♥️
حَفزوني ع مود البارت القادم🦆💔؟!!
______________________________________
شعوري بلحظتهه مثل الي انغرزت بنص گلبه سچينة لايگدر يتنفس ولا بيه يطلعها ويتعداها گعدت بسرعة انداريت عليه بعيونه نظرات خوف وعَطف نزلت دموعي الچانن عالگات برموشي يانَاس امي..
امي حتى ما دافنيها ليش
ضحكت وكُل أنش بجسمي يرجف گعد بخوف احتضن وجهي بأديه ومسح دموعي
دفعته بسرعة وگمت بِلا وعي گمت اركض مالي وجهه وماعرف شداسوي كُل الاعرفه رايحة لاُمي اخذت السويچ من الميز ونزلت بتراكي الستن وشعري مفتوح ركضت طلعت لِبرا ايسر يركض وراي ويصيح-: ريم ابوية وين رايحه
رديت بنشغة-: رايحه لاُمي
اجه عليه بسرعة شبگني وگال بغصة-: مو هسة نروح انتِ مريضة والدنيا ليل
ريم-: لا لا اخذني لامي
باوع بعيوني بچيت بصوت عالي ودست عالبصمة فتحت السيارة بسرعة ومشيت صعدت بقه واگف صافن مشه فتح الباب واجه صعد شغل السيارة لميت رجليه لصدري واشهك بقوة مو چانت هاي امنيتي الوحيدة موچنت ادعي يومية اعرف وين دفنوها ليش هسة اترددت ليش خفت ونار اشتعلت بصدري اووف ياحسرتي..
وصل الشارع العام طول الطريق ماوگفت دموعي مثل الي استوه ماخذ امه يدفنها كُل ما يطول الطريق اقرب صوبها وجمرة تشتعل وسط روحي عُبرنا فوضة السيارات صار الطريق شبه فارغ يمرن سيارة او سيارتين شارع عام ع جهته نهر دجلة ومن جهته الثانية حديقة محترگة درت وجهي عن النهر باوعت عليه ايده ع الگير ترجف ع جهة فارغة وگف السيارة ونزل مكان مابيه بشر غيرنا صخور وتراب من الشارع وينزل لمن تصير دچة عالنهر من بعيد يجي صوت صياح ونباح چلاب لزم ايدي سحبني لصدره نزلني
هنا أمي؟!
لزم ايدي ونزلنا للنهر نمشي عالصخر حتى م لابسين شي برجلينا وصلنا ع اخر شي وگفت گدامه ونزلن دموعي يچون خدي همست بكَسرة-: ماما انتِ هنا؟
گعدت بالگاع وصرخت بوجع ولجججج يممممممة ليييشش عفتيينييي ليييشش مووو چنتيييي تگوليلييي فررحححة عمررري لعددد ليششش تعوفينييي شسويييتتت وتعاقبووونيي بفراككُمممم
تعررفييين شصاااار بييية مننن رحتيييي شفتينييي شلووون انذليييت وانكسسرررت واتوجعتتت شفتينييي من اتخببلتتتت دريتيييي بييية انشمررررتت بالشااارع
ليششش ما اخذتينييي ورااااج ااانييي شنووو بدووونچ
سحبني ايسر حيل ضمني بصدره شهگاتي سمعت الناس كُلها گال بصوت مبحوح-: اشش كااافي
گعد بالگاع گعدت بين رجليه وراسي على صدره ابچي بحرگة گلب حچيت بتعب-: شلوون عفتيني واني ماشبعانة منچ شلون أمنتيني بينهم واني وحيدتچ
أنت تقرأ
رُغم شتات انكساري
Misterio / Suspensoغَزال مُتهالك احتضنتهُ أجنِحةُ نِسرٌ في كتفِ رجُل وَحشٌ غائر شبحٌ مُنتقِم رمى نفسه بين ذراعين يمامةَ سِحرٌ ابيض حَب ليفقد عشِقَ ليخسر حَارب لينهزم شهمٌ شُجاع خُلق مِن القوة خانهُ الوطَن فَ مات على يدِ جبَان ولكُل بطلٍ حكايةَ سيرويها لَنا الزَمن، ي...
