ذكرى بيننا
يوم ٤ شهر ١١ سنة ٢٠٢٢ الساعة "٩:١٤م"
"خفيفةٌ روحي .. وجسمي
مثقلٌ بالذكرياتِ .. وبالمكانْ
.. وببقايا عينيكِ"
_قراءة ممُتعة..♥️
_____________________________________
ريم-: فتحت عيني بمكان مبني طين اديه ورجلية مربوطات وعَ حلگي لاصق فتحت عيوني عَ وسعها تاليتي وين متمددة بالگاع بس مَ مسويلي شي بقيت خانسة لا يجي واحد ويلكاني كاعدة ويقتلني
مرت دقايق عَ سكتتي وبس دموعي تجري شوي واندفر الباب انقبض گلبي وروحي احسها انسحبت اجه جرني من زندي كعدني بزاوية الغرفة راد يحط ايده عَ خدي درت وجهي لزم وجهي بيده حيل وعصره مسح على خدي بيده وكال بنبرة خبث وضحك
-: منورتنا يحلوه
مد ايده عالدمبوس فلته وسحب شالي شمره بعيد ارافس برجليه مثل الطير المذبوح فتح واتقرب يريد يبوسني دخل واحد بسرعة صاح عليه
-: شدتسووييي لكك تريدد تورطنا الكامرات تسجلل وتحفظ احمد ربك حذفت التسجيل
-: نكمل شغلنا وهم احذفه
-: ديربالككك كال من نخلص شغلنا وناخذ روحه عود نلعب بيهه بكيفنه
-: هسة لو بعدين نفس الشي
-: واذا سويت الي ببالك وطلعت عايشة برأيك يخلينا عايشين
-: مايكدر ما دام لازمينا من ايده التوجعه
-:اطلع عوفها ورانا شغل
-: راجعلج
اخخ والله لو حلگي ما مشدود جان تفلت بوجهك عافوني وطلعوا ضربت رجلية بالكاع وبجيت بصوت مخنوك هسة منو يسأل عليه يعني هاي اخر المطاف اموت بابشع طريقة اشمأزيت من نفسي قبل لا يسوولي شي اصلا چنت متوقعة كُل هذا من جهه ايهاب ومن جهه ايسر الي ما عافني بحالي حتى اعيش مثل البشر يجيبون المصايب ويشمروها عليه يعني مَ يخطفون ود ودنيا يركضون عليه شكو لو ما حابني غير الچلب والجاهل الماله گلب مر وقت طويل كاعدة وحدي الغرفة جان بيهه شباك سادينه بكرتون
اكدر انهزم منه بس تعال رجليه شيفتحهن صار الليل الغرفة ظلممه مثل القبر مرت ساعاات ودخلوا اثنين شعلو اضوية وعلكوهن باطراف الغرفة جابو ورقة جبيره وكعدوا يحجون مافهمت منهم ولا كلمة كلامهم كله بالالغاز مثل كلام ايسر
اتذكرت السليمانية وايسر والشتا والمطر والثلج وخاله وبيبي وسحر وسميرة اتذكرت كُلشي حنين،
دخل واحد شايل صينية بيها چاي صبلهم واحد منهم باوع عليه وكال -: وكلتوها
-: تاكل سم شنوكلها
-: وكلها لا تطيح ونبتلي بيها
-: ما نربطها ونصورها اله
-: لاتروح بالاكشن زيادة ضل يمنا
أنت تقرأ
رُغم شتات انكساري
Bí ẩn / Giật gânغَزال مُتهالك احتضنتهُ أجنِحةُ نِسرٌ في كتفِ رجُل وَحشٌ غائر شبحٌ مُنتقِم رمى نفسه بين ذراعين يمامةَ سِحرٌ ابيض حَب ليفقد عشِقَ ليخسر حَارب لينهزم شهمٌ شُجاع خُلق مِن القوة خانهُ الوطَن فَ مات على يدِ جبَان ولكُل بطلٍ حكايةَ سيرويها لَنا الزَمن، ي...
