الليل من يمشي فراغ
يصير لعنة
ومن يجي شايل ضحكتك
تمطر الدنيا نَجم
خاب امشي عليك الله ابتسم
_قراءة ممتعة..♥️
______________________________________
-: طبيت للمركز امشي بثگل عيوني ثابتة باتجاه واحد اتفحص الموجودين بطرف عيني "استكان چاي مكسور اوراق طاحت من ايد شرطي واننثرت بالگاع شرطي مضيع مستندات ومخبوص مدنيين يتعاركون بنص المركز" ثبتت جكارتي بحلگي ودخلت للغرفة سديت الباب وطكيت رگبتي بتعب اتجهت للكرسي سحبته اتصلت على ايوب
-: مشغول مشغول
-: فرغ روحك وبدربك استكانين جاي
-: وبعد ماتريد كاهي وكيمر
اول ماسديته صار بوجهي رقمها وصورة البزونة الحاطتها
"كلشي بيج ينباس"
جريت حسرة مرتبطة بمقطع لمحمد عبد الجبار"انه حاير وين اضمك" ضليت اردد بالاغنية لحدما طب ايوب حط الجاي وگعد گبالي يهَمش بالوادم شويه وصفن
ايوب-: اكلك الصبح اجت مرة سألت عليك اسمها ام عمار يمكن
ايسر-: منين هاي
ايوب-: ماتعرفها
ايسر-: ماعرفها
ايوب-: راسها مثلث عدها بحنجها دگتين زرگ
ايسر-: زمال انته جاي اكلك ماعرفها
ايوب-: غير اوصفلك يجوز تتذكرها
ايسر-: ايهاب داوم
ايوب-: لا بعده نايم بالعسل ما يداوم لما يشبع رمان
ايسر-: روح عرس واشبع رمان ياهو الكاضك
ايوب-: كاضني انته اخاف اعرس كبلك وتكتلني يابويه انوب ايوب وايهاب معرسين وجراح ضال مثل الچلب دخيل علي الا تلزملك جندي و
ايسر-: كوم اطلع برا
ايوب-: نعم سيدي بس اخلص جايي
ايسر-: اطلع برا انته واستكانك
ايوب-: لا انه بس بغرفتك ارتاح مدري ليش
ايسر-: اشرب عدل ابن الطگعة لعبت روحي
ايوب-: يمكن راح اشتري ريزو زرور
ايسر-: شنوه
ايوب-: هاي السيارة يمعود مال الطاگين
ايسر-: رايز روز
ايوب-: غيرت رأيي يمكن اشتري بيكم واحطلي بالبنيد فد خروفين ياعلييي
ايسر-: لاتخسر فلوس الخرفان انه اسوقها واحطكم انت وايهاب بالبنيد
ايوب-: خل اروح اشوفن شغلي ويهك ماينگبل
ايسر-: فكني
ايوب-: المن صحتلي
ايسر-: عالچاي
أنت تقرأ
رُغم شتات انكساري
Bí ẩn / Giật gânغَزال مُتهالك احتضنتهُ أجنِحةُ نِسرٌ في كتفِ رجُل وَحشٌ غائر شبحٌ مُنتقِم رمى نفسه بين ذراعين يمامةَ سِحرٌ ابيض حَب ليفقد عشِقَ ليخسر حَارب لينهزم شهمٌ شُجاع خُلق مِن القوة خانهُ الوطَن فَ مات على يدِ جبَان ولكُل بطلٍ حكايةَ سيرويها لَنا الزَمن، ي...
