رُغم شتات انكساري

البارت التاسع عشر(p19)

حينَ قُلتِ لي بأن عيناكِ تؤلمكِ
لم أتردد في وقتها
عندما قُلت لكِ
"أنطيچ عيوني؟!"
وكنتُ حقيقي جداً في هذهِ العبارة
واذكرُ حينَ كنتِ نعاسةٌ للغاية
وحزينة لأنكِ لن تُكملي معي
الفلم الذي اخترناهُ معاً
حينها حاولتُ ان اجعل الأمر بسيطاً
وقلتُ لكِ
لا بأس انا سأكملُ الفلم
"عيوني نفسها عيونچ"

_قراءة مُمتعة♥️..

______________________________________

رجف جسمي كله گتله بخوف -: ايسر احجيي

ايسر-: احترگ على هالخلفة

حطيت اديه على گلبي ورجعت جسمي عالمقعد اتنفس بسرعة باوعتله من الجامة اليم الشباك يسوق ومبتسم من كل عقله يحجي صدگ ما گال يوكف گلبها تموت تنجلط
صفنت عليه واني اعاين على كُل ملامحه نظراته حواجبه رسمة شفايفه شكله كبير ومبين التعب على ملامحه قساوة الدنيا راسمه التجاعيد على وجهه بدقة تحت عينه يم شفايفه بگصته يم حواجبه اگدر اعترف لنفسي احبه
ومو بس احبه اشوفه شي كبير بحياتي ماخذ نص عمري اتمنى اكعد يمه الزم ايده احضنه احط راسي على چتفه
اتمناه واخاف عليه من عيونهن من يباوعله برغبة اخاف بيوم يشوف بنظراتهن حب ومايهتملي شلون گدر يحسسني بهذا الشعور اغار واضوج واحب اطول وياه بالحجي احب اعانده اخذ وقته واهتمامه

انتبهتله يباوعلي واني جنت صافنة من شوكت منتبه شگد عيب دنگت راسي هسة شيكول مسويه روحهه عليه وهيَ كاعدة تبصبص

ايسر-: وَردتي جوعانة

سكتت عنه رجع گال -: اشتريلچ شي

ريم-: لا شكرا

ايسر-: العصر تجي الحجيه عليكم

طفرت گتله-: بس لا بيبيتك

التفت بسرعة خزرني رجعت لورا بخوف -: قصدي هيَ منو مو قصدي

ايسر-: اشش كافي

ريم-: مو قصدي والله

ايسر-: اي

ريم-: ازعل واذا زعلت شسويلك

ايسر-: كافي

ريم-: ترا ما اخاف منك

ايسر-: ريم والحسن اذا درتلج ابجيج خمس ساعات

ريم-: يعنيي شيسموهه تجييني بنص المحاضرة والطلاب متقصد انتَ ادري متعمد تسوي هيج

ايسر-: شبيدي عليج اذا انتِ ثوله

ريم-: انتت منووو سمحلكك تلزمم ايديي بنص الجامعة اعرفكك تعرفنيي

ايسر-: المرة الجايه ذكرينا نبوس

ريم-: احتررمم نفسسكك ياخيي ذذررة ادبب ماعندك

ايسر-: تاليتچ الي

ريم-: ما اخذذذكك لتسوويي نفسكك مسيطر عليه والله خلقك ما خلق غيرك ترا اذا اريد من باجر اتزوج