ابقه بين ضلوعي خنجر
وانجان ماترتاح افتر
گطع شمتريد گطع
واخذ كلشي ولا ترجع
وبعثر بروحي وانه خليني اجمع
لكن اترجاك تسمع كلمتي
العمر مثل القطار
ولاتظن ارجع فتي
_خضير الهادي
_قراءة مُمتعة...♥️
______________________________________
رجفت ايدي اللي لازمة بيها الموبايل هاي الصورة ايي هي سحبت موبايلي اتأكدت من الرقم احس خنجر انغرز بنص صدري معقولة لا مستحيل شنو تستفاد من تسوي هيج ماتأذيني هاي اختي اكثر من اختي عوضتني حتى عن اهلي قابل شتستفاد من تسويها صورت كلشي ورجعت موبايله دمعتي ع خدي والصدمة معتليه ملامحي
گعدت عالجرباية فز ع حيله عيونه مورمة
ايسر-: رحمة لاهلچ ماتركدين اريد اناملي شوية واولي
هزيتله راسي رجع اتمدد ما نام گعد باوعلي وگال
ايسر-: طلعيلي ملابسي
گمت بدون كلام حضرت ملابسه وكويتهن رجعت گعدت وببلعومي غصة لابيه ابلعها ولا اطلعها ليش اريد اطلعلي سبب واحد مدالگه لعد ليش
طلع ايسر من الحمام يطگ اصبع ويغني وگف يبدل ويستغفر گلب مؤمن گام يصيح انا الذي سمتني امي حيدره
ايسر-: فستق تعالي
گمت يمه گال سديلي الدگم دنگ عليه صار ظهري عالميز واديه محاوطاتني گمت اسدله بالدگم وابلعم اخاف واتوتر من يتقرب عليه گال-: منو مزعل بنيتي
من گد ممتوتره گتله بسرعة-: سحر
ايسر-: تولي سحر هي ورجلها ماتجي من وراهم غير الطلايب
ريم-: لا هي مو هيج حچيت بخوف لتهتم
گرص حنچي ورفعه گال بحب-: شلون ماهتم والحلو عاقچ النونه علينه
ريم-: عادي حبيبي عركة بنات
ايسر-: خوش اذا سوالف بنات
هزيتله راسي وضميت وجهي برگبته سحبت نفس قوي شبگني لصدره وگال-: چنها اكبر من عركة بنات
ريم-: لتلح لا اطفي عينك
ضحك وگال-: اكو اسمه علي انسجن
ريم-: ليش
ايسر-: رادوا يزوجون حبيبته وحاول يغتال الرجال الخطبهه وهو قاضي استلمي بعد
ريم-: والبنية شصار بيهه
اتحسر وگال-: اتزوجت
اتجمعت الدموع بعيني وهمست-: خطيه وهو
ايسر-: لابيه اگله ولا بيه اسكت وانه اطيته وعد
ريم-: شحتسوي
ايسر-: احتاريت رَميم گلبي احتاريت
ريم-: بعد اتزوجت شبيدك
أنت تقرأ
رُغم شتات انكساري
Mistério / Suspenseغَزال مُتهالك احتضنتهُ أجنِحةُ نِسرٌ في كتفِ رجُل وَحشٌ غائر شبحٌ مُنتقِم رمى نفسه بين ذراعين يمامةَ سِحرٌ ابيض حَب ليفقد عشِقَ ليخسر حَارب لينهزم شهمٌ شُجاع خُلق مِن القوة خانهُ الوطَن فَ مات على يدِ جبَان ولكُل بطلٍ حكايةَ سيرويها لَنا الزَمن، ي...
