بنات المنشاوي 💚 الجزء الثالث

بارت ١٥

بقلم خلود وائل 🌻
مضت الساعات ونغم مازالت بالمطبخ تعد اطيب اصناف الحلويات ورائحه الطعام تملاء المنزل ثم اتجهت نحو المبخرة ووضعت بها بعض البخور واعدت عصير المانجو الذي يحبه حمزة واقترب موعد صلاه الجمعه فعاد حمزة للمنزل وبمجرد ان دلف للداخل داعبت رائحه الطعام انفه فابتسم لااراديا ثم اتجه مدندنا نحو المطبخ
حمزة : اذيك يا ام رباب
ام رباب ( الخادمه دنيا من الجزء ال فات ): بخير ياحبيبي حمدلله علي سلامتك
حمزة : ايه الروايح الحلوة دي بس
ام رباب : بالف هنا وعافيه
حمزة وهو جائع : الغدا جاهز ولا لسه ؟
ام رباب : اول ماترجع من الصلاه هيكون جاهز علي طول
حمزة : طب مفيش عشرة عشرين سندوتش تصبيرة كدة عما ارجع من الصلاه
ام رباب : في عصير مانجا ينفع
خمزة بفرحه : ينفع ونص ناوليني الدورق بسرعه
شرب حمزة العصير وارتوي ثم هتف بسعادة : حلو اوي تسلم ايديكي
ام رباب : بالصحه والعافيه بس الست الصغيرة ال عملاه مش انا
ظن حمزة ان هايا هي المقصودة فلم يدقق كثيرا ثم سال عن افراد العائله فأخبرته ان كل منهم بغرفته يستعد للصلاه فتوجه هو الاخر بدورة لغرفته ولكنه توقف امام غرفه اخته ودلف للداخل بعدما طرق الباب وارتمي علي السرير بعشوائية وهو يهتف : هايا بت يايويو انتي فين عاوزك
انتبه لصوت المياه المنهمرة من داخل المرحاض فتفهم ان اخته تستحم بالداخل ولم يخطر بباله ان من بالداخل هي نغم وبدورها لم تنتبه لندائه اما عن هايا فكانت تجلس بالاسفل تمسك بهاتفها تتصفح حساب شخصي لأحدهم وتتأمله بوله دون ان ينتبه لها احد
أنهت نغم حمامها ولفت جسدها بفوطه وكذلك شعرها ثم دلفت للخارج فلم تنتبه لوجودة لأنه دلف للتراس ريثما تنتهي اخته وتدلف للداخل وبينما هي متجهه نحو خزانه الملابس انتبهت لصوت دندنته وهو عائد للداخل فاتسعت عيناها بشدة ولم تجد مفر سوا ان تختبئ بداخل خزانه الملابس وتغلق الباب خلفها سريعا اما هو فعاد لداخل الغرفه وجلس علي الاريكه بملل هاتفا : يوياااا متطلعي بقي الصلاه هتبداء
نغم من داخل الخزانه : ياوقعه مربربه ايه ال جابه هنا دة الوقتي
حمزة : بت ياهايا اطلعي بقي عاوز التيشرت بتاعي ال انتي اخدتيه مني الاسبوع ال فات
صعقت من جملته وهتفت بخوف : لا اوعي يكون ال في دماغي صح ياني ياني ياما
حمزة وهو يعتدل بجلسته : هيووو مش هتيجي ولا ايه ولا انتي مش هنا اصلا
لم يجد رد فطرق باب المرحاض عدة مرات ولكن دون اجابه ثم كرر ندائه فلم يجد اجابه فشعر بالتوتر وقرر فتح الباب بعد دقائق من التوتر والقلق عليها فقام بفتحه برفق وظل يهتف بأسمها ولكن دون رد فدلف للخارج
حمزة : شكلها نزلت وانا جوة اما اجيب انا التيشرت بتاعي والحق الصلاه
اتجه نحو خزانه الملابس بأعتياديه بينما تسارعت دقات قلبها واختبئت خلف صف الملابس فلم يظهر منها سوي رأسها والفوطه حول شعرها علي هيئه عمامه وثواني وفتح حمزة الباب فظهرت هي امامه واتسعت عيني كلاهما بصدمه شديدة
حمزة بخضه شديدة: عااااااااااااا
نغم : عااااااااااااا
صفع حمزة الباب سريعا واستند عليه بظهرة كانه يمنع من بالداخل من الخروج لتنزلق قدمه ويسقط ارضا بشدة وهي بالداخل تسب وتلعن فعلته بسرها بينما نهض هو مسرعا وقام بفتح الباب بتوتر متمتما " سلام قول من رب رحيم "
ماان لمحها مرة اخري حتي صرخ بوجهها وكذلك هي ثم هرول للخارج بتوتر ودهشه شديدين واغلق الباب خلفه اما هي فكانت ترتجف بشدة ودلفت لخارج الخزانه وسريعا ارتدت اسدال الصلاه ثم فتحت باب الغرفه وهتفت بحنق شديد : انت مين سمحلك تدخل الاوضه وانا فيها ياحيوان انت
حمزة بأعين محتقنه : لمي لسانك يابت انتي انتي ايه ال رماكي جوة الدولاب اصلا لا ومن بجاحتك جايه تزعقيلي
نغم بغضب : بجاحتي انا !! والله عال انت اصلا مين سمحلك تدخل ومين اذنلك تفتش في الدولاب ها
حمزة : دة بيتي ادخل واطلع براحتي ودي اوضه اختي وانا كنت جاي ليها معرفش انك هنا اصلا
نغم : لا ياشيخ يعني مش عارف اني جايه النهاردة
حمزة ببرود : و فرضا اعرف عوزاني اققفلك انتباه ولا ايه اصلا وجودك من عدمه مش فارق وانا بحذرك من اولها يانغم عدي سنتك معايا خفيف خفيف والا والله هطلع البلا الأزرق علي جتتك ومتنسيش ان ليا عندك حق بايت فخافي علي نفسك
نغم بتريقه : يمي يمي يمي خاف ياعيد
اغمض عينيه بغضب محاولا التحكم بأعصابه ثم رمقها بنظرات حارقه هاتفا : ادخلي هاتيلي التيشرت بتاعي من جوة لونه ابيض مكتوب عليه بلاك بالسيلڤر
نغم وهي تلوي شفتيها : بلاك بلاك اهو لون نيتك
تنهد بغضب مكتوم بينما دلفت هي للداخل وغابت لبرهه ثم عادت وبرفقتها خاصته وأعطته له بينما انضمت لهم هايا
هايا بحنو : ميزو جيت امتي .. انتو واقفين ليه كدة ؟
حمزة : انا رايح اجهز للصلاه
غادر متجها لغرفته ثم دلفت الفتاتين للداخل وجلسو سويا علي طرف السرير
هايا : هلووو سرحانه في ايه
نغم بعبوس : عماله تقوليلي هيفرح بيكي ومبسوط انك جايه وعملالي البحر طحينه وهو اصلا شايف ان وجودي من عدمه مش فارق معاه
هايا : لا اكيد بيهزر معاكي دة حمزة طيب وانتي عارفه هو بس بيحب ينكشك مش اكتر
نغم بملل: اه مهو باين
هايا : يابنتي الله يهديكي هوشاف ايه منك طول السنين دى كلها غير الجنان وبس لكن لما تقعدي معانا ويشوف شخصيتك وتفكيرك اكيد هيعجب بيكي انا متأكدة اهم حاجه تبطلي تنرفزيه كفايه اخر مرة
نغم : ال قبل الاخيرة
هايا بعدم فهم : تقصدي ايه ! ... نغم اوعي تكوني عملتيله حاجه تاني
نغم ببرائه الذئاب : ابدا بس التيشرت بتاعه كان هنا وانا سبتله فيه تذكار
هايا وهي تصفع جبهتها بكف يدها : لااا اوعي يكون التيشرت الابيض بتاعه
نغم بأبتسامه ماكرة : ايون هو بالظبط
نهضت هايا من مجلسها ثم هتفت بضيق : ياشيخه حرام عليكي انتي مبتزهقيش دة بابا مسكه مبهدله قبل انتي متيجي ومنبه عليه ميزعلكيش بأي شكل ولو حتي نظرة تقومي انتي تبوظي التيشرت بتاعه الىهو لسه جايبه جديد حرام عليكي ياقادرة انتي بينك وبين هدومه ايه يامفتريه انتي
نغم وهي تعقد حاجبيها بحركه طفوليه : انا عملت حاجه يابنتي !
هايا : طب استلمي بقي والضربه الجايه هتبقي القاضيه وانتي ال نكشتيه ياشاطرة
نغم وهي تهز كتفيها بأستنكار : عاتشي
هايا: لطفك يارب
ارتدي حمزة ملابسه بعد ان تحمم سريعا ولكنه تفاجئ بقطع جانبي في تيشرته فأغمض عينيه بغضب متمتما :" والله لو منكدت علي ال خلفوكي مبقي حمزة يابنت ال __"
___________________________________
طرقت هناء باب غرفه فيروز ثم دلفت للداخل وجلست برفقتها
هناء : بتعملي ايه ياحبيبه قلبي
فيروز : بشوف ألوان الدهانات عشان ابعتها للمهندسه خلينا نخلص المعمل بقي وافتحه
هناء : عقبال ماتختاري الوان شقتك يازوزو
فيروز بملل : ان شاء الله
هناء : الا صحيح هو انتو ليه مبتختاروش تجيزات شقتكو انتي ويوسف ياحبيبه قلبي طب دة انا وابوكي لما كنا ____
فيروز مقاطعه بكل هدوء وادب : انا ويوسف مش ذيك انتي وبابا ياماما وبليز بلاش تعشمي نفسك بحجات مش هتحصل علشان متزعليش مني بعدين
هناء برزانه : طب ليه بس ياحبيبه ماما اديني سبب واحد يخليكي دايما كسرة بخاطر الواد كدة
فيروز وهي تخلع نظارتها الزجاجيه الخاصه بالقرائه : علشان ببساطه شديدة مش لامسه فيه حنيه ها عاوزة سبب اقوي من كدة
هناء: بس هو بيحبك
فيروز : الحب لوحدة مش كفايه ياماما هعمل ايه انا بواحد بيحبني ولما نزعل هسيبني للزمن يصالحني ويراضيني او لما اتوجع مش هصعب عليه وهيبقي شايفني بتدلع وحاجه كمان الىفاهمني سابق ال بيحبني بخطوة ويوسف عمرة مفهمني دايما شايف اهتماماتي تفاهات شايفني طفله وفاكر مرضي دلع وقله تحمل مسؤليه
هناء بحزن لحاله ابنتها : يعني وصلتو طريق مسدود
فيروز بعقلانيه : الطريق مابينا مسدود من الأساس ياماما بس انتو ال بتكابرو وتعاندو من اول يوم وانا سبق وفهمتك اني شيفاه اخ بس مش اكتر
هناء : يابتي والله يوسف بيحبك وفضل يتحايل عليا اكلمك علشان تتصالحو وتخرجو سوا النهاردة
فيروز بقله حيله: حاضر ياماما انا هعمل ال انتو عاوزينه ها حاجه تانيه ؟
هناء: عوزاكي تبقي مبسوطه يابنتي طول الوقت قافله باب اوضتك عليكي ومحبوسه ومغرقه نفسك مزاكرة و شغل هتعيشي حياتك امتي ؟
فيروز : وانا كدة ميته ؟!
هناء : دافنه نفسك بالحيا
فيروز : قل لن يصيبنا إلا ماكتب الله لنا
تنهدت هناء بنفاذ صبر وهزت رأسها بأستنكار هاتفه : ولحد امتي شغل التطفيش دة الواد خلقه هيضيق ويزهق
فيروز : وراة لحد مايقول حقي برقبتي
هناء: وعمتك رنا يابنتي ؟
فيروز : عمتو عاقله وهتفهم الموضوع بس انتي ال مكبرة الدنيا
هناء بحنق : بصي يافيروز بطلي دلع وقله أدب واتعدلي مع خطيبك انا مربتكيش علي كدة ومش هسمح انك تكوني سبب في مشاكل بين ابوكي و عمتك بعد سنين العمر دى كلها والمرة الجايه لما يوسف ينوي يحدد معاد الفرح انا هخلي ابوكي يتفق معاه فاهمه
انسدلت دموعها بصمت مردفه : حاضر ياماما
_______________________________
انتهت الصلاه وعاد الجميع للفيلا وجلسو سويا ببهو المنزل ودقائق ثم انضمت لهم نغم وهي ترتدي عبائه منزليه بلون رمادي يلائم التيشرت الذي يرتديه حمزة وحجاب بلون اوڤ وايت
يونس ممازحا : انتو مطقمين ولا ايه
رمقها حمزة بطرف عينيه سريعا بينما اجابت هي : صدفه !
آيه : عمك سيف معجب اوي بالكيك بتاعك يانغم 
سيف : تسلم ايدك بجد يانغوم من هنا ورايح مش هشرب القهوة غير من ايديكي ومعاهم كيك الطاسه بتاعك
يونس بأستفسار : كيك طاسه ؟
آيه : ايوة ياحبييي نغم عملت كيك النهاردة في الطاسه بصراحه ابهرتني
يونس: لا دة انا لازم ادوق بقي
حمزة : حاسب ليجيلك تلبك معوي
رمقه سيف بتحذير فهتفت نغم : من عنيا الاتنين بعد العشا هعمل تاني لينا كلنا وان شاء الله تعجبكو
هايا : عليكي اختراعات في المطبخ حكايه
نغم وهي تهندم هيئتها بمرح : طلبو مني اققدم برنامج في سي بي سي سفرة بس انا رفضت خفت علي زمايلي واحساسهم ففضلت اتستت في البيت
قهقه جميعهم عدا حمزة رمقها بغيظ ثم انضمت لهم الخادمه هاتفه : الغدا جاهز
دقائق وكان الجميع يجلس علي المائدة ويتناولون الطعام بأستمتاع
حمزة بسعادة غامرة : تسلم ايدك ياست حلويات
آيه بأبتسامه : بالصحه والراحه ياحبيبي بس نغم هي ال طبخت النهاردة
سعل حمزة بشدة لفتت انتباه الجميع واتسعت عيناه من الصدمه بينما ناولته هايا المياه وربت يونس علي ظهرة برفق
نغم : متخافش انا باكل من نفس الأكل
ارتشف حمزة بضع قطرات مياه ثم اردف : اياكي تهوبي ناحيه المطبخ تاني سامعه
سيف بنبرة هادئه محذرة : حمزة
هداء حمزة قليلا بينما تحدث سيف بهدوء : طبعا مش محتاج اققول انكو كبرتو علي عمايلكو دى وعيب كدة وانتو اكيد من نفسكو هتفهمو ان مبقاش يصح الجنان دة علي الاققل قدامنا هنا
حمزة :___
نغم :___
آيه : اتغدو ياولاد وقفتو ليه صراحه المكرونه تجنن يانغوم تسلم ايديكي
نغم : بالهنا علي قلبك ياخالتو
بعد قليل انتهي الجميع من تناول الطعام وجلست نغم برفقه هايا بالحديقه يتسامرون وبعد قليل لحق بهم البقيه
نغم : طبخاله مخصوص بدل ماارتاح من السفر ولابسه نفس الوانه وعملاله العصير ال بيحبه وكل دة و بيزغرلي ومش واخد باله أني سايبه حالي ومالي وجايه أخر بلاد المسلمين وعامله الجامعه حجتي علشان ابقي قريبه منه !
هايا : اتقلي شويه اصل فاضلك سيكا وتروحي تقوليله بحبك ياحموزة
نغم بغيظ : ويفيد بأيه البوح والبعيد لوح
هايا : اوووه نغم تقصف ولا تبالي
انضم لهم يونس وحمزة ..
يونس : بكرة اول يوم ليكي في الجامعه يانغم بالتوفيق
نغم بحماس : هشرفكو متقلقوش
حمزة : لا متخافيش احنا مش قلقانين ولا حاجه
نغم: حد طلب رأيك
حمزة : حد طلب ردك !
اغتاظت منه بشدة بينما ابدي ابتسامه جانبيه علي ثغرة وامسك بهاتفه يعبث بداخله ممااثار حنقها اما بالداخل فكانت تجلس آيه برفقه سيف سويا
آيه : بس انت احرجته اوي ياسيفو
سيف : ياعشق سيفو في حاجه اسمها اصول وابنك لازم يفهم انها في بيتنا وعيب منه اي حركه تزعلها
آيه : عرفه بينك وبينه مش تحرجه قدامها
سيف وهو يقبل جبينها : سبق وفهمته والمرة دى الأنذار كان ليهم هما الاتنين علشان نغم طالعالك وواخدة نفس شخصيتك زمان وياما غلبتيني معاكي فاكرة
ابتسمت بحب شديد مردفه : بس انت قلبك كبير واتحملتني وخليتني احب نفسي واتقبلها بكل عيب فيها أنت رزق ونعمه كبيرة من ربنا ليا ياسيفو
سيف وهو يربت علي خصلات شعرها بحنو : طب يلا ياقلب سيفو نروح نقعد مع العيال لأحسن هتلاقي حمزة فوق دماغنا ذي فرقع لوز يفضل يقولنا بتعملو ايه بتعملو ايه
آيه بقهقهه : يلا يا عشقي
جلس الجميع يتناولون الحلويات الباردة التي أعدتها نغم بأحترافيه عدا ذاك الذي اعجبته اشكال الاصناف الموضوعه امامه ولكنه تذكر تلك الليله التي امضاها بالمرحاض بعدما عبثت بطعامه فتجنب مد يدة والامساك بأي شئ مما أعدت
يونس : علي فكرة الحجات ال مش عارف اسمها دى حلوة اوي تسلم ايدك يانغم بجد وانت خسران كتير لو مأكلتش منها
حمزة :شبعان الحمد لله لما اجوع هاكل
هايا : البتاعه التوحفااه دى اسمها ايه ؟
نغم : دي كيكه الباندا بس حاجه كدة عظمه
هايا بأستمتاع وهي تتناولها : حلوة جدااا بجد
آيه : كيكه الأكلير هي ال حلوة اوي انتي اتعلمتي الحجات دي فين يانونا
نغم : اليوتيوب ياخالتو
سيف : صراحه انا اول مرة ادوق حاجه من ايديكي بس اسمحيلي اققولك انك طالعه شاطرة لخالتك آيه قلبي
هايا : ياجماعه بقي معاكو واحدة سينجل
نغم : يابائسه 😂🙏🏻
سيف : دوق ياحمزة فايتك كتير وكلنا أكلنا وكوسين الحمد لله
حمزة : فكك من الأكل الوقتي انا عاوزك في موضوع اهم
سيف بأهتمام : سامعك اتكلم
حمزة : السنه دى اخر سنه ليا في الجامعه وبعدها هتخرج واشتغل معاك ان شاء الله وعيب اوي ان ابن سيف الحديدي ميبقاش معاه عربيه
يونس : ابن سيف الحديدي الكبير مجالهوش عربيه غير بعد مااشتغل معاه بسنه
سيف : لما تتخرج وتشتغل وتتعب في تمنها هبقي اجبهالك
حمزة : لا ياحجيجه بقي كدة كتير والله انا راضي بحته عربيه رانچ روفر
اتسعت عيني سيف من الدهشه : نعم !! رانچ روفر وانت في الجامعه امال لما تتخرج وتشتغل هتركب ايه فراري !!؟
حمزة : انا ابنك يابابا الله
سيف : وانا قلتلك انت ابن الجيران !! يابني انا مبقاش عندي عربيه غير بعد ماشتغلت سنتين واول قسط انا ال دفعته وجدك الله يرحمه هو ال كمل تمنها واخوك دة عمل نفس الحكايه وكمان راكب توسان مش الرانچ روفر ال انت عاوزها !
حمزة : طب هعملك تخفيض اكمنك حونين وتخش نغاشيش القلب كدهون وهاتهالي بي ام
يونس : يابني اهدي الله يهديك وقول كلام يتعقل
حمزة بمزاح : ايه يارجاله هو احنا قله في البلد دى دة احنا الحديديين ياناس
اسند سيف جبهته علي كف يدة بينما هتفت نغم : خلاص ياعمو سيف هاتهاله فيت تيبو او شيفروليه كروز
نظر لها ثلاثتهم ( سيف . يونس . حمزة )باهتمام ثم اردف سيف: انتي تعرفي في العربيات يانغم ؟
نغم : يعني علي قدي كدة
حمزة بتريقه: هتلاقيها حفظه الاسمين من اي مسلسل
نغم بعمليه : ولا اققولك يا عمو سيف هاتله تيوتا كورولا ١٢٠ حصان جميله ومريحه ونظام الفرامل بتاعها EBDهيناسب طيش حمزة واستهلاكها في البنزين لل ١٠٠ كيلو حوالي ٧ لتر بنزين او اققل
يونس وهو يطالعها باندهاش كونها فتاه وتعلم بامور السيارات : لا دة الكلام بجد
سيف بأهتمام : بتعرفي تسوقي ولا حب استطلاع وخلاص
نغم : يعني كلابي كدة
قهقه الجميع علي تبدل قسمات وجهها وهي تهتف بجملتها الاخيرة بينما تتملك الدهشه من حمزة وهاهو قد بداء للتو من اكتشاف جزء صغير من شخصيتها الحقيقية التي حتما ستبهرة في القادم المجهول
_____________________
البارت منزلش امبارح في معادة علشان النت كان فاصل عندي وحرفيا معنديش الجراه اني اققول للحاج يجيب حد يصلحه 😂😂😂🙏🏻بس الحمد لله اشتغل من نفسه ونزلت علي طول اهوة وحاضر البارت الجاي هننزل بوصفه الكيك 🎉🙈😍وبعتذر لكل ال كتبلي كومنت قمر وانا مردتش 💝ومتابعتكم القمر وصبركم علي تأخيري بتفرحناااااي 🥰🥰🤩واهم حاجه  نبداء النكد والدراما بقي ولا نستني شويه نفرفش مع نغم وحمزة وندخل يونس بحواراته الجايه الاول 🙈🤷🏻‍♀️ علشان محتارة بصراحه 😁والڤوت الفمر حچي بقي💙💙