بنات المنشاوي 💚 الجزء الثالث

بارت ٢٥

بقلم خلود وائل 🌻
بأحدي المطاعم كان يجلس الشباب جميعهم ويتناولون الطعام بعضهم بخجل والاخر بأعتياديه شديدة وجميعنا نعلم من هو 😂
نغم : مابراحه ياعم انت سيبلنا حاجه ناكولها
حمزة وهو يمضغ الطعام : كل دة ومش مكفيكي
نغم : متردش عليا تاني علشان مساويش برستيچك بالارض
حمزة : دة هناك في البيت انتي عندك حصانه لكن هنا برة ومفيش حد يتصدرلك فخافي مني احسنلك
نغم : لا اوعي دة انا علي وضعي وسيطرة
محمد : هذا الكلام لا يجوز ياشباب افتحو المطاوي علي بعض وانسو ان انا والراجل الكبارة ال هناك ده مش قاعدين
حمزة : منتا شايف كلامها عامل اذاي يامحمد
محمد : ياأخي رفقا بالقوارير
حمزة : بس دى قارورة عاوزة تتدشدش والله
نغم : ميتدشدش غير دماغك ياحمزة
حمزة : شايف قله الأدب
نغم : انا مؤدبه غصب عنك
هايا وهي تمسك بمعصم يدها محذرة اياها : اتهدي بقي يازفته انتي عماله تكرهييه فيكي اهمدي بقي
محمد : متقولي حاجه لنغم ياهايا
هايا بأبتسامه : بقول اهوة والله
محمد : عاقله من يومك ثم التفت ناحيه يونس : متحضرنا ياعم التقيل انت
يونس وهو يتجنب النظر بعينيها لكونها تجلس امامه علي الجانب الأخر: سيبهم مع بعض هما حرين
فيروز : وليه السلبيه دة متصلح بينهم
يونس : في حجات صعب نغير حقيقه وجودها ونغم وحمزة دول من الثوابت الكونيه ال عمرها مهتتغير الا بمعجزة
فيروز : المعجزات مش مستحيله طالما في امل علي فكرة ومش كل ثابت مكتوب عليه ميتغيرش حجات بسيطه جدا ممكن تقلب كل الموازين وربنا سبحانه وتعالى قادر يهدي ويغير كل حاجه للشكل ال احنا عايزينه
ظل يونس يرمقها بأهتمام وتأني لفهم ماترمي اليه كلماتها بينما أطلق حمزة صافرة : ايه الكلام الجامد دة انتي اكيد خريجه فلسفه صح
فيروز بأبتسامه : لا طب
محمد : اوعا فيروز والطب بتاعها مليان شكشكه
حمزة بعدم فهم : ممرضه تخصص حقن ولا ايه
نغم : انا قلتلكو فهمه محدود براحه عليه مسمعتوش الكلام 😂😂
حمزة : طب مترجعيش تزعلي ياحلوة بقي
انتبهت فيروز لرنين هاتفها فقامت بأخراجه من حقيبتها فوجدت ان المتصل هو يوسف فأستأذنت منهم واتجهت للخارج لتجيبه
فيروز : الو
يوسف : كل عام وانتي بخير ياقلبي ورمضان الجاي تكوني في حضني
فيروز بخجل : ان شاء الله
يوسف : انتي فين كدة
فيروز : انا برة مع جماعه قرايبي
يوسف : منا عرفت لما جيتلك البيت من شويه علشان نخرج سوا وعمى زياد قالي .. مش كان واجب عليكي بردو تعرفيني ولا انا مش في حساباتك
فيروز : معلش اصل نسيت
يوسف : لا منستيش انتي اتعمدتي تعمليها زعله صح
فيروز بحنق : يوسف قلتلك نسيت ولو سمحت انا متضرة اققفل دلوقت علشان الناس معايا
يوسف : انتي فين وانا اجيلك اروحك او نكمل السهرة سوا
فيروز : خليك مرتاح انا هعرف اروح لوحدي ومحمد ابن خالتي معايا هيوصلني
يوسف : دة ال هو اذاي ان شاء الله هتروحي بليل كدة مع محمد عادي وخطيبك ينام في البيت مرتاح
فيروز بتأفأف : انت دماغك راحت لفين انت تايه عن اخلاق محمد عامله اذاي ولا ناسي اصلا اننا متربيين سوا وانا اكبر منه انت اكيد جرالك حاجه
يوسف : انتي ال مخك حدف بعيد مش انا انا اققصد اني اولي بيكي من اي حد تاني
فيروز : معلش يايوسف خليها مرة تانيه
يوسف : عموما براحتك وياريت تبتدي تجهزي نفسك علشان خلاص الشقه قربت تخلص مبقاش غير الستاير وكام حاجه خاصه بالتشطيبات وانا اتفقت مع عمي ان الفرح اخر الشهر ال جاي
فيروز بحدة نسبيه حاولت السيطرة عليها نظرا للمكان العام الذي تتواجد به : انت بتتصرف من دماغك وتتفق وتحدد بمزاجك ولا كأن في حمارة ليها رأي المفروض ترجعله
يوسف ببرود : الحمارة ال المفروض ارجع لرأيها هتقعد تعييط وتقولي لا مش عايزة اتجوز وافضل قاعد جمبها لحد مااشيب وسناني تقع
فيروز بغضب : انا بكرهك يايوسف بكرهك
يوسف : وانا بموت فيكي ياقلب يوسف سلام الوقتي واكلمك لما تهدي شويه
اغلق الخط بينما هبطت دموعها وسريعا قامت بتجفيفها ثم التفت لتعود لمجلسهم لتتفاجئ بيونس قادم نحوها
يونس : مالك ياآنسه فيروز حصلك حاجه انتي كويسه
هزت رأسها بالنفي هاتفه : لا انا عاوزة اروح بعد اذنك عديني اجيب شنطتي
يونس : استني خليكي هنا متدخليش كدة انا هجبهالك واوصلك
فيروز : لا مفيش داعي بعد اذنك
يونس وهو يعترض طريقها : استني بس اسمعي الكلام انا كدة كدة مروح
فيروز بأستفسار: حصل حاجه
يونس : حصل جنان جوة
انتبهت لقميصه المتسخ من ناحيه كتفه فهتفت بتوتر : هما كويسين
ابتسم يونس مردفا : لا حاليا مش كويسين خالص هحكيلك واحنا مروحين
دلف للداخل فوجد نغم وحمزة بحاله يرثي لها وهايا ومحمد ينظفون الطاوله حولهم بضيق
يونس وهو يحمل حقيبه فيروز : محمد انا هوصل الأنسه فيروز في سكتي لقيتها عاوزة تروح وانا خارج
محمد : ماشي وانا هوصل المجانين دول بعد مانخلص هنا
يونس : تمام
مضي يونس للخارج وناول فيروز حقيبتها وجلسو بداخل السيارة ثم ادار يونس المحرك مغادرا المكان وبعد دقائق انتبه يونس لفيروز التي تفرك اصابعها بحدة شديدة
يونس ممازحا : علي فكرة رمضان بعد كام ساعه وياباغي الخير اقبل وياباغي الشر اقصر
فيروز بأنتباه : ها ... تقصد ايه
يونس وهو ينظر امامه للطريق : اققصد مين ال كلمك من شويه وقلب كيانك كدة لو مفيهاش رخامه وفضول يعني
فيروز : لا عادي انا كويسه جدا
صمت يونس وبعد فترة توقف بالسيارة علي جانب الطريق ثم اردف: انزلي
فيروز بتعجب : انزل فين هنا !! في نص الطريق
يونس : معلش اسمعي الكلام مش هسيبك وامشي والله
رمقته بحيرة ثم هبطت من السيارة وهو ايضا ثم مضي بجوارها بضع خطوات ثم توقفو امام كورنيش النيل
فيروز : ممكن افهم احنا هنا بنعمل ايه !
يونس وهو يستند علي السور : بنشم شويه هوا
فيروز : لا والله !
يونس : اه والله
فيروز بتنهيدة : لو سمحت روحني والا هروح لوحدي
يونس : ممكن تهدي بقي
فيروز بأنفعال : انا هاديه وبطل تقولي كل شويه اهدي اهدي انا مبقطعش هدومي وانكش في شعري
يونس : طب حقك عليا انا أسف ممكن تتجنني
فيروز : انت عاوز ايه مني
يونس بنبرة حادة: عاوزك تهدي وتريحي اعصابك عاوزك تفصلي شويه من مود الاكتئاب ال انتي عايشه فيه طول اليوم ممكن تطلعي من قوقعه الأنفعال والضغط النفسي ال حاطه نفسك فيها دة انتي متستاهليش كل دة انتي اققوي من كدة واحدة ذيك عندها شغلها وكيانها وحياتها ليه يبقي دة حالها
فيروز ببكاء : مش بأيدي مش بمزاجي ان حياتي تبقي كدة وانت ملكش اي حق تحكم عليا اعيش حياتي اذاي انا حرة وانا مش ضعيفه ذي منتا فاكر
يونس بتحدي : انتي جبانه
فيروز بصراخ جذب الأنظار نحوهم : لا مش جبانه
يونس : بأمارة ايه ها بأمارة انك بتخافي من كل ال حواليكي ومن كل كلمه تافهه بتسيب أثر جواكي ولا بأمارة انك انهزاميه وبتخافي تواجهي ولا بأمارة انك بتضيعي شبابك واحدة واحدة وبتتحججي بتعبك ال هو اصلا المفروض يكون سبب ليكي تبقي احسن واققوي
فيروز : انت مالك بيا مهتم ليه شاغل نفسك ابقي قويه او ضعيفة ليه ؟؟
يونس بداخله : علشان حبيتك ايوة حبيتك ومش بمزاجي حبيتك ومش قادر اطلعك من تفكيري
فيروز : متتكلم سكت ليه
يونس : علشان اعتبرتك صديقه وشخص عزيز عليا ومش عاجبني حالك ال وصلتي نفسك ليه تعرفي اول مرة شفتك في فرح منال كنتي واحدة تانيه خالص غير دلوقتي ومتأكد اني لما اشوفك كمان سنه هتكوني واحدة تالته خالص بسبب خوفك ال ملهوش اي مبرر
رمشت باهدابها عدة مرات بتوتر ثم نظرت ارضا حزنا علي حالها وحديثه الصحيح الذي يصفها بدقه للأسف الشديد
يونس : اتفضلي اوصلك
مضت بخطوات منهزمه لداخل السيارة ثم جلست بوهن تريد ان تبكي بشدة ولكن شئ مايمنعها فأثرت السكوت
يونس وهو يمضي بطريقه : لو حابه تتكلمي انا سامعك
صمتت لبرهه ثم اردفت : ممكن تساعدني ؟
يونس : انا تحت امرك لو حاجه بأيدي واققدر عليها
فيروز وهي تبتلع مافي حلقها: انت الوحيد ال قدرت تواجهني بكل ال جوايا من غير ماتجرحني ولا تغلط فيا وحقيقي انا الوقتي عاوزة اعيط بس مش عارفه
ابتسم يوسف ونظر لها : طب دي حاجه كويسه
فيروز : طب انا نفسي ارجع ذي ماكنت اعمل ايه
يونس : شوفي ايه العقبه ال مخلياكي شايفه نفسك قليله و اتخطيها ومتشغليش نفسك بأي حاجه سلبيه ممكن تأثر عليكي وتزعلك وافتكري دايما انك قويه وغاليه علي كل ال بيحبوكي واولهم بباكي ومامتك ال ميستاهلوش يتوجعو علشانك
فيروز : ميرسي جدا يايونس لوجودك في التوقيت دة
يونس وهو يتوقف بالسيارة امام منزلها : ادعيلي وانتي بتصلي اول فجر في رمضان كل سنه وانتي طيبه
ابتسمت قليلا : وانت طيب
ثم دلفت من السيارة متجهه لمنزلها بعدما اغلقت باب السيارة بهدوء فغادر هو مبتسما بعدما دلفت لداخل منزلها اما بڤيلا الحديدي دلفت نغم بملابسها المتسخه وخلفها حمزة حاله لا يختلف عنها كثيرا وبرفقتهم هايا ومحمد
آيه بلهفه : ايه دة مالكو ياولاد
محمد : حسبي الله ونعم الوكيل فيهم جوز مفتريين بقولك ايه ياخالتو متجوزيهم لبعض يكش يخلصو علي بعضهم ونرتاح
آيه : يابني فهمني في ايه مالهم كدة ومنظرهم عامل كدة ليه
هايا : تعالي بس يامامي اققعدي وانا هحكيلك كل حاجه
محمد : استأذن انا ياخالتو تصبحو علي خير
آيه : تعالي هنا انا مش فاهمه اي حاجه هما خدو في وشهم وطلعو فوق ليه وبعدين فين يونس راجعين من غيره ليه
محمد : زمانه جي كان بيوصل فيروز
غادر محمد وصعد حمزة ونغم كل منهم لغرفته بينما جلست هايا برفقه والدتها تروي لها ماحدث
هايا : بصي ياستي الحكايه ومافيها ان احنا قاعدين ناكل في امان الله وفجأه حمزة رخم جامد علي نغم واستفزها قامت مسكت كوبايه الميه وهوب رزعتها في وشه قام هو قايلها بحمقه كدة " يانهار ابوكي مش فايت " وراح ماسك طبق الطحينه وملبسه في وشها تسكت نغم لا طبعا جابت ازازة الكاتشب وطراخ طراخ في وش حمزة و المعركه قامت وحقيقي المنظر كان وحش جدا والاتنين عدو الجنان بمراحل ومسكتوش غير لما يونس اتدخل وزعقلهم وسابنا ومشي
آيه بذهول : والمحترم اخوكي عملها ايه علشان الموضوع يوصل لكدة
هايا : كان بيتكلم عن بنات زمايله في الكليه وانهم حلوين وكدة فنغم اتدخلت ووضحت وجهه نظرها انهم مش محترمين وكدة فهو احرجها وقالها انا بتكلم عن البنات يبقي الرجاله امثالك ميتكلموش دة انتي بشنب
وعينك بقي متشوف الا النور ياأيوش
آيه بضيق : هي حصلت المنظر ال داخليين بيه دة ياهايا دة شغل عيال صغيرة دة ابوكي لو عرف هينكد عليكم كلكم
هايا : وانا مالي يامامي الله
آيه: حوارتهم كترت واخوكي مش ناوي يجيبها لبر ابدا
هايا بقهقهه : كان نفسي تشوفيه وهو ملبسها طبق المايونيز في دماغها يانهار فصلان
تنهدت آيه بحزن مردفه : يابنتي انتي بتضحكي ومش مقدرة الكارثة ال عملتوها نسيتو انتو ولاد مين وانكو في مكان عام ولا دى اصلا التربيه ال ربيتهالكو وليه اصلا نغم تعمل كدة مش شايفه الموضوع مستاهل هي اعقل من كدة بكتير
هايا : بصراحه يامامي حمزة زودها واحرجها اكتر من مرة وبجد هي كتر خيرها
آيه : طب اطلعيلها اطمني عليها وانا ليا كلام تاني مع اخوكي وربنا يستر وسيف ميعرفش حاجه
صعدت هايا لغرفتها فوجدت نغم جالسه تمشط شعرها بعدما تحممت سريعا فجلست علي مقربه منها
هايا :روق ياجميل
نغم : عادي بقي مش فارقه كتير
هايا : ياجبارة انتي مرمطيه كان ناقص بس طبق الصوص وتعملي منه حله خلطبيته خطيرة
نغم وهي تلتفت لها : عمرة مهيتغير هيفضل غبي وعينه زايغه وهيضيعني من ايدة
هايا : دة علي اساس انك عطياله فرصه يقربلك اصلا يابنتي دة انتي مبتعرفيش تحطي لسانك جوة بقك ساعه واحدة قدامه حرام بجد هيحبك من انهي اتجاه بس عرفيني كدة
نغم وهي تزفر بضيق : يووة شلا محبني انا طالعه فوق شويه علشان اتخنقت
هايا : تحبي اجي معاكي
نغم : لا عاوزة ابقي لوحدي شويه تصبحي علي خير
هايا : تلاقي الخير
صعدت الطابق العلوي ودلفت للسطح وجلست بالركن الخاص بها تتأمل السماء معاتبه نفسها علي مافعلت وماآلت إليه مراحل جنونها وغيرتها العمياء عليه ولا تعلم كم من الوقت مضي حتي افاقت علي صوت فرقعه اصابعه امام عيناها
حمزة : هلووو
نغم بدهشه : بسم الله الرحمن الرحيم
حمزة : ايه يختي شفتي عفريت
نغم: العفريت ارحم من طلتك البهيه ايه ال جابك هنا
حمزة : دة بيتنا ياماما اجي براحتي وقت مااحب
نغم : وتيجي في المكان ال انا فيه وتدخل من غير استأذان !
حمزة : عادي دة السطح هو انا دخلت عليكي في الحمام
نغم : انت قليل التربيه وعديم الأدب
حمزة : متهمدي بقي ايييه يابنتي جبروت اتهدي بقي واسكتي هششسش خالص اسكتي
رمقته بغيظ بينما اكمل : ايه سنين طويله مزهقتيش ولا تعبتي دة انا بقيت اخاف اققعد في مكان انتي فيه مبقتش عارف المقلب الجاي هيكون فين ولا عامل اذاي ومن يوم ماجيتي وانا مقلول راحتي تعرفي تقوليلي هنفضل كدة لحد امتي
نغم : معرفش بس انت ال بتستفزني اعملك ايه
حمزة : اعملي محشي عرفاه
نغم : اهوة شفت اسلوبك معايا عامل اذاي
حمزة : والله انا كدة مع كل الناس اعملك ايه محدش اشتكي غيرك
نغم : خلاص خدني علي قد عقلي وبطل تنرفزني او تعاكس بنات قدامي
حمزة : تكونيش بتغيري عليا
نغم بتريقه لم تعكس مابداخلها : مثلا يعني !
حمزة بندم : عجبك ال عملناه النهاردة دة
نغم بندم هي الاخري : ذودناها مش كدة
حمزة : حبتين تلاته بس 😂😂
نغم : طب ايه
حمزة : ايه !؟
نغم : ايه رايك نتعاهد خلاص توبه حد يعمل مقلب في التاني ونبطل نهزق بعض عمال علي بطال
حمزة : ايه دة يعني لو في حاجه تستدعي الهزائه اهزق عادي ولا يهمني
نغم : الصبر يارب
حمزة : طب اشطا ماشي خلاص اتفقنا
نغم بأبتسامه : اتفقنا
حمزة : يعني افهم من كدة ان الاربع طلبات بتوعك بح
نغم بأعين متسعه : بح مين لا طبعا ذي مهما بس سيباهم لوقت عوزة
حمزة : استغلاليه حقيرة
نغم : الحياه فرص
حمزة : نغم ..هو انا ممكن اسألك سؤال
نغم بفرحه :  اه طبعا اسأل
حمزة: هو انتي ليه اختارتي جامعه القاهرة دونا عن كل جامعات الجمهوريه اققصد يعني ليه اختارتي تتغربي وتتبهدلي بعيد عن اهلك واصحابك واختارتي  السفر والتعب دة كله
نغم بتوتر : عادي يعني حبيت اكتشف الدنيا واجرب حياه المدينه ثم هميت لنفسها " يعني كل دة ولسه مش واخد بالك من حبك ال مالي عنيا صحيح يفيد بأيه البوح والبعيد لوح "
حمزة : بس كدة
نغم بسعادة : انت شايف حاجه غير كدة
حمزة : انا مستغرب بس واستغربت اكتر لما عمي فارس وافق وهو عمرة مخلاكي تباتي برة البيت
نغم بتفاخر : لا منا ليا قوة تأثير عجيبه علي بابا انت لسه متعرفهاش
حمزة : مشاء الله طب متقومي ترقصي شويه
اتسعت عيناها وهبت بصياح قائله : انت اتجننت يايلا انت اهبل ولا واقع علي مخك
حمزة : يابت اتلمي انتي فاهمه غلط انا قصدي باليه ياغبيه مش علي واحدة ونص
نغم : بردو دي مش كلمه تقولهالي انت حيوان اصلا
حمزة: والله مامسكتني عنك غير القرابه ال بينا ماشي يانغم طب رقصك وحش اصلا وانا كنت بجاملك هه
نغم : انت ومجاملتك مكانكو الزباله
حمزة: حد يقتل البت دى
هدأو قليلا ثم جلسو يتسامرون حتي أذن الفجر واعلن الجميع صيامهم وهلت اجمل أيام العام واستيقظ الجميع في الصباح منهم من توجه لعمله ومنهم الي جامعته وفي مكتب يونس دوي صوت طرقات الباب ⚡⚡
يونس بعمليه : ادخل
دلف مروان السكرتير الخاص به هاتفا : انسه مليكه خطيبه حضرتك برة وطالبه تقابلك
يونس : خليها تتفضل
غادر مروان للخارج وثواني معدودة ثم دلفت مليكه وهي تحمل باقه من الزهور بين يدها وجلست امام مكتبه
مليكه بأبتسامه : هابي رمضان ماي دير
يونس بقهقهه : وانتي طيبه يامليكه
مليكه : رمضان الجاي نكون في بيتنا سوا يانوني
يونس : ربنا يسهل
مليكه : ايه رايك في الورد
يونس : جميل مشاء الله تسلمي
مليكه : امبارح كلمتني بشمهندسه فطيمه  الشافعي وبعتتلي كام فيلا احلي من بعض نختار منهم ال تعجبنا وانا محبتش اضيع وقت واستناك تجيلي عرفاك مشغول دايما وجتلك انا نختار سوا
يونس وهو يعقد حاجبيه : فيلا لينا ليه ؟
مليكه : علشان نتجوز فيها يابيبي
يونس بدهشه : ومين قالك اني عاوز فيلا لينا
مليكه بسعادة : يبقي شقه علي النيل صح
يونس وهو يتابعها بملل : لا دى ولا دى احنا هنتجوز في فيلا العيله وسط اهلي وهنظبط اوضتي ونخليها جناح يليق بعروسه وعريس وتقدري تنفذيه علي زوقك مفيش مشكله
مليكه : بتقول ايه اوضتك ايه دى ال نتجوز فيها انت بتهزر صح
يونس بجديه : لا مبهزرش
مليكه : اذاي يعني يايونس انا مليكه الشهابي اتجوز وفبيت عيله لا دى نكته دى
يونس : افندم ! نكته .. انتي بتسمي وجودك وسط اهلي نكته
مليكه : اهدي يابيبي انا بهزر بس بجد الوضع هيكون صعب عليا جدا مش هعرف اخد راحتي ابدا وكمان مش بحب حد يتدخل في حياتي
يونس : محدش هيتدخل في حياتك يامليكه انتي عارفه اهلي كويس وهيبقي عندك جناحك اققعدي فيه طول النهار علي راحتك
مليكه بتأفأف : لا يايونس انت بتطلب المستحيل
يونس : مش مستحيل ولا حاجه بس دة ال انا هعمله سواء وافقتي او لا
مليكه وهي تنهض من مجلسها : يعني ايه رأيي من عدمه مش فارق معاك
يونس : مقصدش بس ___
مليكه مقاطعه : ولا تقصد انا شايفه اننا لازم نبعد شويه وكل واحد يحدد هو عايز ايه الفترة الجايه
يونس : ال يريحك اعمليه
نظرت له بضيق فلم يكن هذا رد الفعل الذي تحسبت له فحملت حقيبتها وغادرت المكتب غاضبه بشدة اما هو فتنهد بأرتياح
___________________________
بقصر المنشاوي صباحا اتجه كل من ريان وزين لإحضار عروسه وقضاء يوم عائلي برفقتها وحضرت الفتاتان بسعادة ومرت الساعات الأولى من اليوم بسلاسه إلي حين ان صعدت الفتيات لمشاهدة غرفهم المستقبليه وقضو بعض الوقت ومن ثم همو بالنزول لتسقط فضه بقوة من علي الدرج وتصيح ابرار بلهفه : فضااااه
هرول الجميع ناحيتها وهم زين بحملها من علي الارض بعدما استقرت عليها امام السلم واجلسها بهدوء علي الاريكه بينما تصنعت هي البكاء المرير والجميع يشعرون بالقلق والتوتر لأجلها
دعاء : انتي زينه يابتي طمنيني عليكي الله يوفقك
فارس : بسرعه حد يشيع للحكيم ياچي يتطمن عليها
زين : وة عتبكي ليه اكدة عاد رچلك صابها حاچه
صفيه : اطمني علي البت يادعاء شكلها معيطمنشي
اقتربت دعاء من فضه واحتضنتها محاوله تهدئتها
ابرار : بسرعه حد يچيبلها كوبايه عصير ولا حاچه مسكرة
فضه بصراخ : اه يا واكله ناسك عتقتلي القتيل وتفوتي بچنازته عاد
تناقلت انظار الجميع بحيرة بينهم ثم استقرت علي ابرار التي هتفت بدهشه : عتكلميني أني !
فضه ببكاء : ايوة هكلمك انتي يرضيكي ياخالتي دعاء انها تمسكني فوق تضربني وتهددني وتاچي عند السلم وتخليني نازله قدامها وتزقني عشان تكسر رقبتي
ابرار بصدمه شديده : أني !!!!
فضه : ايوة انتي حتي اسألي البت ال هناك دى كانت واقفه وشايفه كل حاچه
فارس : صوح الحديت دة ياثنيه
ثنيه : ايوة صوح يابيه أني شفتها بعيوني التنين دول
ابرار : 😱😱😱😱
_________________________________
الڤوت ياقمر ♥️🙈 بارت طويل اهوة يارب يعجبكو + متوقعين أيه في ال جاي 😻😻🔥🏃🏻‍♀️