شله المشاغبين (متوقفة)

الفصل ١٣

#الفصل_١٣
#شله_المشاغبين
_________________________________________

"كان كلا من اياد و زياد و والدتهم يجلسون حول مائده الطعام و الصمت هو سيد المكان"

تحدثت بسنت بتنهيده قائله:"و بعدين معاك يا اياد هتفضل مخاصمني كده كتير."

اياد بهدوء:"انا مش مخاصمك يا امي والله."

بسنت:"يا سلام انت اه قاعد معايا في بيت واحد بس و لا كانك تعرفني ، اي هتقضي الاجازه كده معايا في صمت."

تنهد اياد قائلا:"امي حضرتك اللي عملتي كده مش انا."

بسنت بحده:"كل دا عشان رافضه ست جنه بتاعتك."

نظر للجهه الاخري فقالت هي :"ولد بصيلي هنا وانا بكلمك."

نظر لها اياد قائلا:"نعم يا امي نعم؟."

بسنت:"انت بتكلمني كده ليه يا ولد للدرجادي مش طايقني."

اياد:"العفو يا امي لا طبعا مش كده , بس لما حضرتك عايزاني ابعد عن واحده بحبها ، متوقعه رده فعلي هتكون عامله ازاي."

بسنت:"تقول حاضر يا امي هعملك الي انتي عايزاه دا لو انت بتحترمني فعلا و بتحبني."

اياد:"طبعا يا امي بحترمك و بحبك ، و لما تطلبي مني اي حاجه هوافق عليها ، بس الا الموضوع دا بالذات."

بسنت:"و ليه بقي فيها اي هي عشان تتمسك بيها للدرجادي."

اياد:"فيها حاجات كتير اوي كويسه و متاكد اني لو لفيت الدنيا كلها مش هلاقي زيها."

صمتت بسنت فقال اياد بتنهد:"امي لو بجد بتحبيني بلاش تحاولي تبعديني عن جنه ، انا حساس من ناحيه جنه يا امي ، و لا يمكن اسيبها مهما حصل."

ثم نهض بهدوء و اتجه نحو غرفته فنظرت بسنت الي زياد
:"قولي انت كمان بتحب مين و هتقف قصاد امك عشانها."

حك زياد راسه بتوتر وقال:"هو لازم يعني ؟."

بسنت بنظره ثاقبه قائله:"ايوه لازم."

تنهد زياد بثقل قائلا:"رنا."

عقد حاجبيها بتفكير قائله:"رنا مش دي البنت اللي معاكم في الشله."

زياد ببسمه واسعه قائلا:"ايون."

بسنت بانفعال:"مش انت قولت كلكم في الشله قريبيين من بعض يعني رنا صاحبه جنه مش كده."

زياد بهمس:"دا انا هتنفخ انا عارف."

بسنت بتساؤل:"بتقول اي يا ولد علي صوتك."

زياد ببسمه غبيه بعض الشيء قائلا:"ايوه صح زي ما حضرتك قولتي احنا كلنا قريبيين من بعض ، بس يعني يا امي رنا بنت كويسه اوي و صدقيني هتحبيها اوي ، بس هي متعرفش."

بسنت بتساؤل:"يعني اي؟."

زياد:"يعني اه احنا حاسيين بحاجه ناحيه بعض بس لسه معترفناش لبعض ، بس انا قولت لبابا و لابوها."