#شله_المشاغبين
#الفصل_العاشر
_________________________________________ايهم بابتسامه قائلا:"هتوحشنا يا زياد انت و اياد."
زياد بمرح:"خلاص يا جماعه انا مش رايح احارب يعني هي كل شهر و هرجع اقرفكم من تاني انا و اخويا."
ضحك الجميع علي مزاحه وقال اياد بابتسامه:"حقيقي حقيقي هتوحشني لمتنا سوا، بس احنا هنبقي علي تواصل كل يوم مع بعض ، يعني كاننا مع بعض بالظبط."
محمود ببسمه قائلا:"اكيد طبعا يا اياد هنبقي نكلم بعض كل يوم."
احمد بهدوء قائلا:"ابقو خالو بالكو من نفسكو بس و انتو ماشيين."
رامز بتحذير قائلا:"و اول ما توصلو تدونو خبر علي طول من قبل حتي ما تقعد و تستريح."
زياد بضحك:"يا عم حاضر بلاش بس نبره المخيفه دي عشان بخاف و النبي."
ضحك رامز بخفه و تقدم خالد نحو زياد باندفاع ليحضتنه قائلا:"هتوحشونا اوي."
بادل له الحضن قائلا بضحك:"و انت كمان يا خالد و الله."
ثم ابتعد عنه قائلا:"يا اخي اكتر واحد هفتقده هو انت."
موده بمرح قائلا:"شايفين الندل يعني خالد بس اللي هيوحشك يا زياد."
ثم غمزت له بخبث فضحك زياد بشده لانه علم مقصدها ثم قال بهمس لا يسمعه غيرها:"مش هوصيكي علي رنا."
رنا ببسمه واسعه قائله:"لا متقلقش عليها خالص دي في عينيا و بعدين يعني دي صاحبتي مش هتوصيني علي صاحبتي."
ضحك زياد بخفه وقال:"اها عارف طبعا انتي مش محتاجه توصيه، اومال هي فين صح؟."
موده بهدوء قائله:"مش عارفه اتاخرت ليه كانت المفروض بتجيب حاجه مع جنه و جايه علي طول."
اؤما لها بهدوء وقال محمود بهمس لاحمد:" طبعا نور مجاش اكيد يودعهم."
احمد بتنهيده قائلا:"ما انت عارف يا محمود نور من ناحيه زياد و اياد من زمان و هما مش علي وفاق."
محمود بتنهيده:"و الله مش عارف ليه بيعمل في نفسه كده و يبعد الناس عنه بعمايله."
احمد:"ادعيله ربنا يهديه يا محمود.*
"لمح اياد جنه تدخل من باب المنزل و معها كلا من رنا و لوجي و امل فابتسم بخفه"
لوجي بلهفه و ارتياح:"ها الحمدلله لاحقاكم قبل ما تمشو."
اياد ببسمه:"جيتو في وقتكم احنا هنمشي دلوقتي اصلا."
جنه بحده قائله:"تمشي من غير ما تسلم علينا يا اياد اخص عليك مكنش العشم برضو."
اياد ببسمه حب لها قائلا:"انا اقدر برضو يا جنه انا كنت مستنيكي اصلا عشان اودعك قبل امشي حتي اسالي زياد ."