#شله_المشاغبين
#الفصل_١٢
_________________________________________رنا ببسمه فرحه قائله:"زياد."
زياد بابتسامه:"رنا عامله اي و الباقي عاملين اي."
رنا:"احنا الحمدلله كويسيين انت كويس؟."
زياد بتنهيده قائلا:'الحمدلله كويس."
رنا:"طب و اياد عامل اي."
زياد:"يعني الي حد ما كويس."
رنا بتساؤل وتعجب قائله:"ليه كده حصل اي؟."
"تنهد زياد ثم سرد لها كل شيء حدث تحت ذهول رنا"
رنا باستغراب قائله:"طب و ليه مامتك رافضه جنه."
زياد:"صدقيني مش عارف يا رنا ، ليه امي تعمل كده ليه ترفض جنه ، من ساعتها تقريبا اياد مش بيتكلم معاها."
رنا:"بس مينفعش كده لازم يتعامل معاها هو يعني مش بيشوفها كل يوم عشان يخاصمها."
زياد:"هحاول اصلح الدنيا بينهم ، بس مش هوصيكي مش عايز حد يعرف بالموضوع دا خالص يا رنا."
رنا بهدوء قائله:"لا متقلقش يا زياد محدش هيعرف."
سمع زياد صياح والدته علي اياد فقال هو:"معلش يا رنا هقفل معاكي دلوقتي و هبقي اكلمك تاني."
رنا:"تمام ماشي."
اغلق معها المكالمه ثم تحرك نحو الداخل وقال بهدوء:"في اي يا امي حضرتك بتزعقي ليه كده."
بسنت بغضب قائله:"تعالا شوف اخوك بيتعامل معايا كانه ميعرفنيش ، بكلمه مش بيرد عليا و دلوقتي يقولي انا نازل عشان خارج ، هو مش المفروض جاي عشان يقضي الوقت معايا لا يسيبني و ينزل."
اقترب زياد من والدته قائلا يحاول تهدئتها:"اهدي بس يا امي."
بسنت:"لا مش اهدا ، بقي دا كله عشان خاطر البنت دي يا اياد للدرجادي هي اهم عندك من امك."
اياد بهدوء قائلا:"لا طبعا يا امي ازاي حضرتك تقولي كده ، انا مش فاهم ليه حضرتك رافضه جنه و ارجوكي اديني جواب مقنع"
بسنت بحده قائله:"دي بنت شقيه اوي و بتاعت مشاكل."
زياد باندفاع قائلا:"اسما الله علي اياد قال يعني هو ملاك اوي.*
كبت اياد ضحكته بصعوبه وقالت بسنت:"ايوه طبعا ملاك انا اابني مفيش زيه."
زياد:"طب اقولك علي حاجه بقي يا امي ان البنت دي كانت رقيقه خالص مين السبب في تحولها كده ."
ثم نظر الي اياد قائلا:"ابنك اياد باشا."
رفع اياد راسه بفخر كأنه انجز عمل كبير للتو وقال:"دا شرف ليا يا زياد يا اخويا و والله."
زياد:"شوفتي عشان تصدقي يا امي."
اياد بثقه مضحكه قائلا:"البنت دي بقت تربيتشي يا امي."