الجزء الأول
أني أسمي سوسن عمري 19سنة أبوية يشتغل حارس بمدرسة وامي تشتغل تنظف بالبيوت حالته على كدنه عائلتنه اني واختي المريضة واخوتي اربع ولد وحياتنه يادوب العيشة والمصرف .لكن حامدين رب العالمين وشاكرينه المهم احنه عايشين بصحه وعافية أمي طول عمرها ماتحجي على بيت الناس الأغنياء الي تشتغل بيه ابد لكن بيوم من الايام أمي تمرضت وكان عدها شغل بذاك البيت ،ولازم تروح فگتلها اني اروح اوياچ انت مريضة ماتكدرين وخاف يصيرلچ شي فگالت لا انتي ابقي يم اخوانچ واختج المريضة واني اروح وفعلا راحت ورجعت تعبان كولش واگعة هناك والمرة ام البيت گالتلها روحي ارتاحي وباجر لاتجين لعگبه بلكي تصيرين احسن وفعلا بعد يوم راحت لكن هل المره أصريت اروح اوياها وفعلا رحت ودخلنه البيت كأن البيت عبارة عن قصر قصر بمعنى الكلمة بحياتي ماشفت بيت مثلها بس حديقته مثل بيتنه عشر مرات والانبهار والتعجب زاد عندي لما دخلت لداخل البيت شنو من ضخامه من أثاث من خدم من حشم المهم استقبلت امي مره كبيرة بالعمر وكان استقبلها جدا جميل ومحترم وسألت امي عن صحته وحالته واشلون صارت ،فگالتله الحمدالله وسألت أمي منو الحلوة كالتله هذه بنتي سوسن اجت اوياي لان تعبانه فالمهم كل ماتروح امي للغرفة تنظفها أني اوياها ،فدخلنه غرفت بنتهم كانت نفس عمري بالضبط لكن اني وين وهي وين حياته غير حياتي بكل معنى الكلمة اباوع للصورة علحايط على ملابسة الذهب والمجوهرات الي عدها الغرفة الي عايشة بيها الي بگد بيتنه كلها وأفكر اني وين وهي وين اني اتفرج على صورتها اكو اوياها صورة لشاب يخبل طول وشخصيه وشكل ومن خلال الصور هذا شكله اخوها ، فدخلت الغرفة الثانية انظفها لكيت صور لهل الشاب ماليه المكان عرفت وتأكدت هو أخوها واني شاغلني جمال الولد وشكلة بالغلط ضربت بأيدي مزهرية شكلها غالية وگعت وتكسرت بالأرض فأني ضليت ارجف من الخوف منهم ومن أمي فجأي اجمع البلور من الارض واي احاجي نفسي أمي شيخلصني منها وام البيت شتسوي بيها واسمع صوت من وراي لاتخافيين ماصار شي التفت شفت الولد نفسها الي بصوره وراي واگف هنا تجمدت بمكاني هو هو؟؟!!! احجي بيني وبين نفسي حتى نسيت شسويت يااها هو؟!!! بالواقع احلى بهواي من الصور فگال ماصار شي باسلوب هادئ وابتسامه لطيفة و اني صافه بوجه گطع هل الانسجام صوت امي وامها اجو شنو الوگع فهو رد ماكو شي ماما أني وگعت المزهرية فأجته امها ملهوفه صارلك شي وامي سحبتي واخذتني لبرها كالت راح انظف المكان ونرجع للبيت خلصت شغل اليوم واني ولايمها كل عقلي افكر بابن العز واشلون هادئ وحلو ولطيف ومو متكبر ومحبوب مو مثل اخته الي لگتنها أول مااجينه وتباوعلنه باستصغار وتكبر 😮💨 وفعلا كملت امي ورجعنه للبيت وصادف ثاني يوم امي ماعدها شغل عدهم شغلها بين يوم ويوم فگاعدين اني وامي واجه الكلام عنها
سوسن /يوم ذوله ناس رحنالهم كم ولد عدهم ؟
أمي /بس بنية ولد الولد الكسرتي المزهرية بغرفته ؟!😒
سوسن /يمه شسمه؟ امي ليش تسأليين !
سوسن لايمه فضول ☺️ أمي اسمه أحمد
سوسن يمه متزوج أمي بعصبيه😒 ماادري ومالنه علاقة ومتسألين بشي مايخصج !
يمه ليمته تروحيلهم بعد وامي ليش؟؟؟! اروح اوياج حبابه يمه 😊والله اكعد بالمطبخ مااطلع منها وبعد تعب وافقت امي اروح اوياها .
ورحنه واني امي انظف بالمطبخ دخل يشرب ماي فسلم وسأل عني وعن اموري فأمي صحتلها امها وراحت وبقى هو گال عندج موبايل عادي نتواصل فگال اكتبلي رقمج واني بتصرف غبي كتبتله رقم وصدك والله صرنه نتواصل ومر شهر وشهرين وتلاثه وكل واحد منها يحجي الي يصير اوياه بيومه لثاني وصرت اعرف عنها كولشي ويعرف عني كولشي . وعمرها ماحسيني هو غني واني فقيرة بل معدمه مو فقيرة نظرنا لحالتي وين وحالته وين وعمرها ماتكلم اوياي بكلام موزين بالعكس كلامه جدا محترم . الى أن بيوم دزلي رسالة وگالي سوسن رايدج بموضوع مهم وانا هنا عقلي وگف من تفكير .
شنو اليريده أحمد مني ياترى ؟!!!
يتبع في ألجزء الثاني 🎀
