آلَجـ͓̽ـزٍء آلَثـ͓̽ـآنـ͓̽ـي
وبقيت انتظر اتصاله على احر من الجمر والله اتصل ،اهلا احمد قلقتني اكو شي ،گال اني الله شاهد عليه حبيتج من اول ماشفتچ حتى قبل لا احجي اوياج سوسن احساسي اتجاهج اول مره احسه اني احبچ بعقلي قبل قلبي ولا تگللي غني وفقير وهل الكلام بس ، اني اكراما لهذا الحب راح احجيلج عن حياتي الي قبل لا اعرفچ سوسن احنه قبل لا نرجع لبغداد كنا عايشين باستراليا اهلي طلعوا واني عمري سنتين واختي انولدت هناك وكنا احنه وبيت خالتي وبيت عمي سوه وعايشين بنفس المنطقة ومن صار عمري 18 اهلي زوجوني للبنت خالتي خديجة الي مربيتها امي وحتى اسمها على اسم امي وبحجه يحافظون علينه من المجتمع المنفتح هناك وهي بنت عمي بنت خالتي انا اولى بيه من الغريب لكن بمرور الايام ومن اول زواجنه عمري ماحبيتها ولا دخلت قلبي وبلغت أهلي هل الكلام بعد الزواج بشهر ومحد قبل اتركها بحجه بعدكم ازغار والحب يجي بعد الزواج ولا تتسرع ومن هل الكلام وزاد الامر لما صار اول طفل عدنه وطلع للاسف معاق بسبب القرابة وتوفى الطفل بعد خمس شهور ، والفراغ يزداد وبمعنى ادق كرهي الها يزداد بسبب اسلوبها وجودها بحياتي لدرجه اكره اسمع صوتها ويخنقني وجودها بحياتي واني عفت استراليا وارجعت مع اهلي بسببها والمصيبه اهلي يفضلوها عليه ومن احجي يصيرون اوياها عليه وبالذات امي تتخبل من اكلها ارد اعوفها هي واختي ، وانت احبچ ورايدج واعرف اهلي راح يحاربوني ويرفضون اختياري واني مستعد احارب ناس كلها علمودج وانت مااجبرج على هل الحرب بس اذا تشوفيين نفسج مستعده توكفين اوياي ،صدگيني ماتلگين شخص بدنيا يحبچ گدي ،فأني بس اسمع وماعندي كل رد اني واهلي مو بكد اهله الي اني متاكده هو مراح يكدر يوگف بوجوهم مده طويله فما كان ردي اله انطيني مجال افكر واني بين نارين محبتي اله ، والواقع هو متزوج واقاربه واهلها قبل الكنت خايفة يرفضوني لان فقيره هسه مستحيل يقبلون يتزوج على بنتهم الي مثلهم بنت الخير والغنى والغرور اذا يگلي تشبة اختها الي شايفه نفسها فوك البشر وبقى عقلي يودي ويجيب وكل البالي هاي المعضلة الوحيده لكن لسوء حظي وحظه بيوم الي كان يخابرني ويحجيلي هذا الكلام كانت اخته دنيا ورها الباب تتصنت عليه وسمعت كل كلامه الي وعرفت هو اويامن يحجي ويريد يعوف بنت خالته وركض راحت لامها وفضحته وانگلب البيت وثاني يوم كان أمي عدها شغل بيتهم تنظيف فراحت وهي ماتعرف شنو الصاير. فالظاهرة حاجيت وي امي حجي قوي وغلطات عليها ومتجاوزات بالكلام وذلتها وضربتها وطاردتها. ورها ماراحت امي بساعتين خابرنه بسكته حارس البيت لابوي واخواني تعالوا هاي امكم واگعة بشارع ماتحجي فأخذنه امي للدكتور وعلاج ودخوليه وبقت امي تلث تيام بلمستشفى طلعت فحاجتني كالت عندج علاقة بأحمد فرتبكت كالت احجي صحيح شنو علاقتج بيه اهله عرفوا رحت لكيت البيت مخبوص وهو متعارك وي امها واخته اخته سامعتكم تتخابرون وسمعت كل كلامكم وكالت لامها وخابرت مرت اخوها كالتله هل الاسبوع ترجعين للعراق رجلج لفت عليه بنت الخدامه وراح يتزوجها اهنا حسيت كلبي انكسر من بچت أمي وهي تحجيلي اذللهم الها ،من تكلها انتم عايشين على خيرنه وتغدرونه وامها تكلها تلوفن على ابني ياساقطات جايبه بنتج الحافي الفكر التلبس ملابس دنيا القديمة حتى تاخذ ابني ابن العز ياحفاي فگالتلي يمه ذوله ناس احنه شي وهما شي واني انگطعت خبزتي من بيتهم فأمي تعبت كتلها يمها نامي وبعد مالي علاقة بيه بس والله يمه هو الطلب رقمي واتواصل اوياي واني غبية انطيته رقمي وثقي بعد مااحجي اوياها. وهنا رجعت لغرفتي لكيت احمد متصل ولا الخمسين مره وداز اكثر من رسالة سوسن الله عليج ردي عندي كلام اوياج وكل مااقرب عتلفون اتذكر كلام امي وكلام امه واخته واذللهم لامي ، ومر اسبوع ورها هشي فجأه اندك الباب طلع ابويه طلع أحمد وصديقه جاي يخطبني ،هنا ابويه وامي كالوله احنه مو كد اهلك امك واختك سمعن اتصال كالن غير كلام اذا تزوج بنتنه بدون موافقة اهلك مانخلص من المشاكل فأبوي كال كل هذا الرأي الاول لسوسن ؟؟هنا صاحلي ودخلت واني احسن نار بقلبي وانا يدور بعقلي كل كلامهم عنا وعن فقرنا وحالنا من سألني ابويه مااعرف اشلون طلعت مني كلمة لا يابه مااريد هل الشخص اتزوجه هنا احمد ظل بس مصدوم ومايحجي واني اتركهم واطلعت واني مااهتميتله كأني مااشوفه ، وبعد رفض هم ماقطع اتصاله ورسائلة اليه علموبايل واني ماارد ويوم نسمع الباب تفلش من الدك اطلعنه نركض طلعت مرته واخته اجن للبيت فتريد تضربني فمسكها اخويه الجبير بس ماراحن الها سويلي فضيحه اني واهلي بلمنطقة وطلعني كدام العالم الساقطه الي لافت على رجال متزوج وخلته يفكر يتزوجها ، واخويه بعد مادفع اخته نسه هنا على شنو جايات وشسون بينه وحملني الخطأ والعجيب كانه بده يحب دنيا اختها واخويه هذا مخلص ادارة واقتصاد اشو هذا بعد ايام اجه لابويه كالها قدمت على شركه عزام وهذه شركه اهل احمد والعجيب يروحلهم للبيت ومامهتم للي صار اوياي ومع امي واشتغل عدهم وصار لعبه بيد دنيا تضحك عليها ويروح للشغل يرجع يغلط عليه ويضرب واخذ الموبايل مني وكسره وگالي اذا اطلعين من البيت اكسر رأسج مالج طلعه ولا موبايل بعد مافضحتينه وابوي يمنعه بس ابوي مريض مايكدرله لان تخبل بعد مااشتغل عدهم وبهل الفترة هم رجع احمد خطبني مره ثانية وهل المرة اخويه تخبل من شاف احمد ولا حتى احترم وجود ابويه فقام وضربه واحمد ماتحمل رجع الاخويه هو صديقه وضربوه ضرب كسروا تكسير واجت الناس فرقتهم واحمد قبل لايطلع صاح سوسن تقبلين ماتقبلين اتزوج غضبن على اهلي قبل اهلچ .
