آلَجــزٍء آلَثــآلَث
ومر على مشكله اخويه وأحمد تقريبا اسبوعين ومن بعد ماراح مااعرفت عنها شئ واخويه كلما ماجايله يصير احقر من قبل اوياي وبالاخص من بعد مشكلته بعد مااجه احمد يخطبني وتعاركو وابويه تخربط وگع فأخذنه اني وامي للدكتور لان هذا اخويه صار كل وقته يم دنيا وامها ومخليتها مثل الخادم عدهن وهو لا احساس وكل عقله تزوجها وهو مايعرف تضحك عليه واخواني الباقين ازغار عمر متوسطه وابتدائية مايقدرون ياخذونه للدكتور المفروض هذا شغل الجبير لكن شنگول وكتب الدكتور علاج فرحت للصيدلية اجيب العلاج ابو الصيدلية صديق أحمد ،فگالي احمد اريد يتواصل اوياج من بعد ما انكسر جهازج وهو يحاول ويخاف يتصل على رقم ولدتج هذا علاج ولدج ماراح انطيج اياه كامل وحاولي باجر ترجعين أحمد يكون هنا حتى يشوفج ويحجي اوياچ ،فصدك اخذته ورجعت لامي كتله اكو نقص باجر ارجعله اخذه ورجعنه للبيت وانا عقلي مابطل تفكر ياترى اروح ،اولا مااروح واخلي امي تروح واسوي نفسي مريضة بس أخر شي قررت اروح الصدك اشتقيت اشوفها لان شما يصير روحي متعلقة بيه ،فگلت لامي يوم انت مريضة والصيدلية قريبه واني اروح اجيب العلاج والصيدليه قريبه صدك رحت ولگيت احمد هناك منتظر گالي مااكدر اتأخر واخاف عليج خاف احد يشوفنه سوه وتصيرلج مشكله هذا موبايل اخذيه ولاتخلين بشر يعرف عنج جهاز وبالاخص اخوج ترى امي واختي جاي يملن براسه عليج وخايف عليج لايسويلج شي حاولي ماتتصادمين اوياه ابد ابد لان سمعته يگلي لاختي بس گوللي شتردين اسويله حتى ارضيج حتى قتلها عندي ماكو اسهل منها بس اريدج تقبليين تتزوجين وهي تضحك عليه وهو مصدگة لان اختي لاخو خديجه وعده علاقة اوياه وهما بحكم المخطوبين بس هو باقي سنه ويتخرج ومنتظرين تخرجه ويتزوجون وترجع لاستراليا بس اخوج غبي وماعنده لا كرامه ولاغيره براسة اهم شي مصلحته حتى لو على حساب اهله وانتظريني اليوم الساعة بالوحده بليل اخابرج وروحي مااريدج تتأخرين فاخذت تلفون وطلعت بسرعة ورجعت للبيت قبل لايجي اخويه ويعرف طلعت وامي اصلا كالتله هي راحت جابت العلاج ، والصدك مر الثواني والساعات واني انتظر اتصال احمد ومستحيل انسه أول رسالة دزليها قبل لايتصل كانت ابيات شعر للمتنبي يقول
ليتَ اللَّيالي تُنسي قَلبي الألمَا،
والنَّجم يُنِبئها عَني بِما عَلِما
لعَينيكَ يا ليلُ سِرٌّ لا تبوحُ بِهِ،
أُغمضتْ عَنهُ عيونُ النَّاسِ فانكَتَما
ولو ألف سنة مستحيل انسه ذني البيتين رسخن بقلبي وبروحي ♥️ والساعه بالوحده كل البيت نام واخويه بايت بشركة عزام عدهم بضاعة جايتهم من الخارج ، واتصل احمد بعد السلام والسؤال گالي سوسن اني متعلم على حياة الخير واتعبت من مشاكلي مع أهلي وفكرت كلش زين العناد مو حل وامي واختي اني اكلج مسيطرات وابويه مريض وهو مدلل امي لدرجه لغي شخصيته ومخلي الحل والربط بيدها فأني راح اعاملهم بالطريقة الي يستاهلونه وراح ارجع للبيت صحيح اني اكره خديجه ومااطيق وجودها بحياتي بس راح اتحمل حتى اخلص منها للابد سوسن لاتفكرين اني تخليت عندچ مستحيل لان مايأخذني منچ بس الموت واني حتى للخارج مااكدر اخذج لان مسجل هناك متزوج والقانون هناك يمنع تعدد زوجات وامي واختي وخديجه يكدرون يسجنوني هناك لان القانون اوياهم فمالي حل الا اعاملهم بالحيله والسياسية وراح ارجعلهم وابين الهم اني ندمان على طلعتي من البيت واني اتركتج واوقع هل الغبية خديجه على اوراق الطلاق بدون ماتعرف لان اذا وقعت كلشي ينتهي ولعلمج اني بلغت المحامي وكلشي جهزلي ،وثقي بكلام رب العالمين ماخنت بس ماكو حل غير هذا واحنه راح نبقى على تواصل اذا حصلت فرصة وانت ابد لاتتصلين اني اتصل بيچ ، وفعلا احمد رجع لاهله ورجعلهم شخص ثاني شخص كدامهم هو يكرهني ويحجي عليها ويدلل بخديجه ويونسها وهي مرته وحبيبته ووووو ومااحجيلكم على ذل اخويه هنا عافج النذل بعد ما فضحتينه ونزلتي راسنه بالارض ويضرب ويهين واني سكته وبقينه اني واحمد نتواصل من وقت لثاني ، ومرات هو بحجه يدلل مرته يجيبلها عصير واكل ويخلي بيه منوم قوي حتى يكدر يتصل بيها ، الا ان يوم اجه اخويه وكال لامي انتي وبنتج باجر تروحن اوياي فأمي سألته يمه وين گالها ، لبيت عزام فگتله اي عزام گال باستهزاء اهل حبيب القلب الي مل منج وعافچ ورجع المرته عرفتيه لو اعيد الحجي كالتله امي المن اشلون ارجع للبيت انضربت وانطرددت وانهنت واني بهل العمر من زعطوطه مثل دنيا اشلون تقبلها على أمك كلها تسمعين اولا باجر تروحن وتنظفن البيت وتخدمنهم سكتها ماكو احرك البيت على راسج وراس بنتج فأمي تجيبه بسياسيه لان ماتريد تسمع ابويه وهو مريض وبعد جدل بينهم فأمي اضطرت توافق وگالت يمه شنسوي نروح نخلص شغلنه ونرجع وان حجن سون شي گانه مانسمع ولانشوف ،على ستر الحال لان بنتي اذا ابوچ وسمع صار بيه شي واخوچ مابراسة غيره نشبع نذل من بعده عالاقل هسه يخاف من ابوج ويحسبله حساب ، والصدك اجانه اخوي بسيارتهم ورحنه للبيت من دخلنه اني وامي لگينهم كلهم كاعدين حتى احمد الي انصدم من شافنه واشويه ونزلت خديجه يا خديجه لمن شفتها 😳معقوله هاي عايشه باستراليا استغفرالله وزنها يمكن 100كيلو وتحاجي العالم من تحت ضرسها وشايفه نفسها لابعد الحدود ومن شافتنها اني وامي تباوع بطرف عينها فگالتله دنيا تعاي شوفي اجن الخدامات اخت ماهر وامها وهنا يضحكن بأستهزاء واني عيني على احمد الي عاف سفرة الاكل وگام ومن وجهه امبين انقهر بس ماحجه شي ،ولا ادخل اشويه وخديجه حجت اسمعن تروحن تنظفن المطبخ ورها تصعدين انت وتأشر عليها بأصبعها تنظفين غرفتي وتأخذين ملابسي الوسخة تغسلينهم ، واني والله ودي الزمها وامي باوعتلي كافي واخوي يرد اي هنا كولشي يشتغلن يله يله للمطبخ وصدك رحنه ونظفنها وكملنه اشويه ونادت خل تصعد سوسن تنظف غرفتي امي كالتله اني اجي بمكانه كالتله لا الها سوسن ، كتله يمه مالها داعي اني اروح ،فاسمعتها صعددت واني اصعددت فلگيت احمد نايم وهي شافتني دخلت اشمري نفسج عسرير والله من هزت السرير كلت راح ننزل عطابق الارضي واني بدخلي رغم تعاملهن الموزين بس هل التصرف صدك خلني اضحك عليها بقلبي فعادي كملت شغلي واطلعت وهي ساعه تحاجيه ساعة حبيبي اذا اجانه طفل شنسميه واني ابالي بشغل كانهم مو موجودين وهو يدلل بيها حبيبتي اريد بنية بجمالچ واني اباوعلها 😒😒😒اي بقلبي خطيه كلش تشبها حتى بلگي تخبلك وتصفى بالشماعية ، وكملنه شغل ورجعنه للبيت وأني كلش مغثوثه منها اتصل دز رسائل عفته
عفته وغلقت جهاز ونمت المهم بعد يومين اشو هذا اخويه اجه گال يردنجن مره ثانية هم عدهن تنظيف فأمي كالتله انت ولك مابراسك غيره من رحنلهن شبعنه ذل ومهانه ولك ماتستحي على امك بشيبتها وتنهان من جهال ،گالي كل هذا بنتج ناقصة تربية السبب بيه موانه باجر تروحن لو والله احرك هذا البيت حرگ وماتشوفن الراحه لا انتي ولابنتج لو تحبن اعلي صوتي واخلي ابويه يسمعنه فأمي كالت يمه نروح احسن ماابوچ يصير بيه شي ،فرحنه واشتغلنه ونسمع اشكال كلام واذلال منهم بس شنسوي الا ان اجت مرته كالت انت اصعدي نظفي غرفتي وجيبلي صندوق خشب عالمرايا بيه ذهبي بس على كيفج لايوگع منج لان ماشايله ولاشايفة هيج شغلات ثمنية من قبل فأصعددت نظفت وجبتلها الصندوق وانزلت اخذته وكانت گاعده هي ودنيا وصديقات دنيا واطلعت وخلصنه شغل ورجعنه للبيت أني وامي وكانت ساعة بالاربعة العصر وبيومها نمنه من وقت والله ثاني يوم ونگعد على صوت سيارات الشرطة ومطوقه البيت والدنيا مگلوبه باب بيتنه 😱.
يتبع في الجزء الرابع
