الجزء الأول
قبل الخوض في تفاصيل الحكاية ياترى كم امراءه تعيش اليوم هذه الحياة تعيش ارمله لرجل حي رجل لايتحمل مسؤؤلية ان يكون رجل ،كم من فتاة تعيش تحت كنف اب لكنها يتيمه ، كم من عائلة لديها فتاة تعيش بينهم لكنها لاتعرف ماهو الحب وهذا الذي يقودها الى البحث عنه بعيدا مما يجعلها تقع في الخطأ الاكبر من فقدان هذا الحب داخل عائلتها ، وتنخدع بالكلام المعسول الكاذب وتكون النتيجه أما ارملة لرجل يتنفس او خاطئة ومنبوذه او مقتوله لا لجريمة بل لانها كانت نتيجه لسوء التربية والحرمان من حب وحنان العائلة 💔
من أنا؟؟
سأحكي لكم حكايتي الحزينة والمؤلمه لكن رغم حزني وألمي لكنني لست ضعيفة ،بل اقوى مماتتصورون ، اسمي بلقيس اني ام لثلاثه أولاد ابني الكبير بثالث متوسط والثاني اول متوسط والزغير سادس ابتدائي اني اشتغل خياطه والحمدالله خياطي لايعلى عليه ومع الخياطه اشتغل بحياكه الكروشية واموري تمام وربي يحفظ والدتي هي العلمتنه الخياطه والحياكه حتى نشتغل ونعتمد على نفسنها ومانحتاج احد ، عندي غرفة بلبيت مخصصتها لخياطه وابني أمير الكبير كان يدرس فتركته بهدوء ورحت اكمل شغل بالخياط اشويه ودخل وهو شكله مخنوك وضايج ،وكعد يمي وهو يگلب بموبايله كتله ماما اكو شي گال ماما ممكن سؤال كتله تفضل !گال ماما بابا يحبنا اولا؟ هنا صفنت واحتاريت شجاوبه لان ابني هذا عقله جبير مو اي جواب يقنعه ،فگتله اكيد حبيبي ماكو اب بدنيا يكره ابنه مستحيل ابوك خلافه اوياي وانتم خارج قوس من الموضوع ، گال ودمعه بعينه ماما اني مصادق ابويه علفيس واليوم مسووي حفلة لابنه ابن مرته ثانية وكانت حفله ختان واشلون ينشر صورة ومقاطع الفيديو واشلون خايفه عليه هذا الهفه والخوف الي بعيونه عمرها ماشفتها لاتجاهي ولا اتجاه اخوتي ليش ياامي احنه مو ولده حتى من نروح نبلغه بنجاحنه يجاوب مبروك وينطينه فلوس امي الاب اكبر من هشي الاب مو جيب يصرف الاب سند ، الاب يفرح لفرحك الاب يحزن لحزنك الاب يحس بيك الاب بعز ضعفك وجوده يقويك واختنك ودموعه نزلت وطلع ،اني بقيت مصدومه ومقهورة واحساس الظلم الوصلني من كلام ابني اكبر من كل الظالم الي ظلمنيها وسام من كان اوياي ومن بعد ما هجرني ، وهنا رحت وراه لغرفته قافل الباب وگالي ماما رجاءا اتركيني الوحدي تعبان اشويه اصير احسن انشاالله واطلع ، وهنا رجعت لغرفتي واني احسن نار بقلبي ابني اليوم رجعني بكلامه رجعني لذكريات اتصورت نسيتها واختفت من بالي ومن اخذتني دوامت الحياة بعيد عنها ،رجعت واني اتذكر حب بقيت اتعاقب عليه الى اليوم حب لرجل لايستحق لرجل اناني وياريت انانيته وگفت عندي وانتهت لا اليوم وصلت لولدي الي مالهم ذنب بشي سوء امهم الي اختارت شخص خطأ يكون ابوهم ، وتبدي قصتي اني ابويه شهيد بالحرب وكنا 4بنات وامي وكان عندي عمي عقيد بالجيش العراقي كان جدا حنيين وطيب اويانه ،كان عكس زوجته الي تعاملنه بتعالي وهذا عمي هو ابو وسام يعني اني متزوجه ابني عمي هذا وسام من وعيت عدنيا واني احبه اموت عليه بشكل ماتتصورونه ،على رغم هو مغرور وشايفه نفسه ومن حبه لابوه دخل السلك العسكري مثلة ودخل كليه الضباط ،هو مغرور من قبل ودخل الكليه العسكريه زاد غرورة بس اني عن يوم ازداد حب وتعلق بيه رغم هو عمره مابين اهتمامه بيها عادي جدا تعامله اوياي ،وكنت اروحلهم بس حتى اشوفه واحجي اوياه حتى لو بس سلام المهم اسمع صوته رجولي القوي وهو ينطق اسمي ومن يگول بلقيس اشلونج ؟!كأنما مو سؤال عادي كأن يسمعني اجمل كلمات الغزل ، كانت اخته صديقتي وكانت طيبه وحنونه مثل عمي عكس امها واخوها واني اضوجها بالاسئلة شأكل شلبس شيحب شيكره ومرات ادخل بسكته لغرفته بس اشوف اغراضها واشتم عطره بالمكان ، وحب بعقلي وبقلبي واصل لدرجه المرض واكثر من هذا اذا اسمع خطوات رجليه من يجي قلبي احسه اريد يطلع من صدري من الفرح ، وكل هل الحب ولهفه لكن هو عمره ماحسيته متلهف مثلي عادي جدا، ومرات يتركني ويطلع ولا كأني موجوده واني مااهتم للتصرفه المهم اني احبه وبمرور الايام اكيد يتغير ، وبيوم كنت عد بيت عمي لان وسام كان موعد ينزل مجاز من الكلية وبقيت اني ونهى بنت عمي نطبخ ونحضرله واجه شفته وارتاحيت وگعدنه سوه يحجي كلام عادي ويسأل واني بعالم ثاني اتخيل نفسه اتزوجته واعيش اوياها احلى حياة ، وبالي وين ، فأشويه وتركنه وگالي اعتذر اني تعبان ومانايم صار يومين راح انام فراح واني كت لنهى تأخرت راح اروح اكيد امي هسه ماترضى لان تأخرت فرجعت لاهلي لگيت عدنه صديقة اختي الوياها بمعهد المعلمات وامها لگيتهم وسلمت عليهم سلام عادي ورحت لغرفتي ، وهنه بقن مع امي واختى ورها تقريبا ربع ساعة اجتني اختي تضحك مبروك يعروس كتله شنو كالت هي ام صديقتي حميده اجت تخطبج لاخوها مهندس وخريج والمرة ميته عليج هي وبنتها وتگل لامي مانلگه احسن من بنتج لابني ادب واخلاق وهو الولد شايفج من طالعة من بيت عمج وگال اريد هاي البنية أخطبها .
