وطول الحفلة هذا حالها لو كان زوجها مامهتمه بيه هل الشكل وياريت عد هل الحد وانتهت لا كدامه كل اشويه وأجتني شنو هل البدله وهل الذوق شنو هل المكياج وهو يضحك اوياها ويگلها خطيه ماطالعة ولاشايفة اعذريها وهسه انتم من تسمعون الكلام راح تگولون اكيد طيبه شهاده وشخصيه احب اكلكم لا والله هي عده اول متوسط وهذا الي اتزوجتها استغفرالله اسمعت صايره عليه فضيحه اوياه واتزوجها حتى تنستر وينتهي موضوعه وهذا الكلام مو مني هذا الكلام نهى بنت عمي حجتليها وهذا احد الاسباب الي يخلي نهى ماتحبهم ولاتريدهم ،ابد بحياتها للعلم اشكد يتوددن لنهى بس هي تصدهم او تخلي علاقته اوياهن بحدود مايتخطنها عكس وسام وامها الي علاقتهن بيهم جدا قويه ، وعلى العكس يحاولون يجملون صورتهن على انهن احسن من واقعهن ،وبعد ماخلصت الحفله وكل ناس راحت بقينا اني وسام گاعدين دخلت طيبه شنو بلقيس تباتين هنا مالج نيه تروحين لبيتكم ،ضليت صافنه وهو اي والله صدك بلقيس روحي اني تعبان راح انام وهذا الحجي تقريبا ساعه 9بليل فأني صدك انقهرت فدخلت غرفه نهى وبدلت وقبل لانطلع عمي صاحلي باركلي وخطيه جايبلي ذهب فوك كل ذهب العندي گال عمو هذا الج هديه مني ، وهاي طيبه اجت يمنه ها عمو اشلونك رد اهلا عمي جاوبها باسلوب عصبي انت اشعدج لهسه هنا ماعندج رجل تروحين تشوفينها بيت يله گالي لامج واخواتج يتحضرن اني اوصلجن لبيتجن بسيارتي ،وسام صاح بعصبيه تعال وصل عروستك واخواتها لاهلها افتهمت لو لا وطيبه اشوف وجهه صار ينطني الوان من الحرگة وهي تخاف من عمي لان تعرفها عصبي وهو من وعينا عدنيا الي اعرفها مايرتاح ولايحب هاي اخت مرته وبناتها ،ابد شنو السبب مااعرف وصدك وصلنه وسام للبيت بس مو هو وسام الي وي طيبه اليضحك ويشاقه لا والله مجبور ، ومن رجعنه للبيت امي گالت يمه شفتي الصار وانت حياتج باولها واذا تقررين ماتكملين صدكيني افرحلج بنتي ، اكثر من فرحتي بهذا الزواج كتله لا يوم وسام مايعرفني بس يعاشرني صدگيني راح يحبني بس المايعرفك مايثمنك ، كالت براحتج فگالت بس قلبي مامطمن رغم زواجج قرب ومثل مايگولون عين القلب أبصر!!! مع الاسف بمرور الايام عرفت احساس امي كان بلمكان ، ومررت الايام سريعة واليوم يوم حلمي اليوم زواجي من الحبيب الي عشت اسنين طويله واني اتمناها ،واليوم زواجي فالصبح من الصبح اجاني عمي للبيت ووسام ، وقبل لا اروح للصالون اجه عمي وگال لامي صيحيلي بلقيس فأجيتهم فأكلها وسام اسمع هاي بنتي امانة اخويه الشهيد وامانتي عندك ، اذا تريد ماتعقني وماتعصيني تحطها بعيونك ،وماتزعلها ابد هاي البنت جوهرة واسمع كلام ابوك وماتندم ،وهاي وصيتي عندك ، فهو جاوب صار يابه بعيني ،بس احس ملامح وجهه تگول غير شي كأن يتكلم كلام من ورها قلبه ،بس كذبت ضني وفرحت نفسي بكلام عمي وظني اكدر اغيرها ، وتم الزواج واجاني للصالون واخذني بسيارة ومن اجت النسوان تصعد عمي وگف يم السيارة اجت طيبه وعمتي ام وسام يردن يركبن رزلهن عمي وطردهن وصاح بطيبه صوت كدام الناس انت وين رجلج الشفيه اركبي اوياها العرسان محد يجي اوياهم وكانت طلعتنه من صالون گبل للقاعه الحفله ومن ورها للفندق نبقى هناك اسبوع ورها نرجع ، للبيت والصدك هذا الاسبوع كان احلى اسبوع من ابتعدنه عن طيبه وامها وعمتي حتى وسام تعامله اوياي اختلف على العكس كان تعامله اوياي باسلوب حلو ، ويقدرني وابد ماجرحني لابكلمه ولابتصرف وخلصنه مده ورجعنه للبيت عمي راد بيت لوحدنه فكتله لا عمي اني مااعوفك لوحدك اكوبنيه تعوف ابوها لوحده ، وصدك وگعددت مع اهل وسام ومرت الايام مااكلكم كانت ورديه لكن كانت ماشيه صدك ام وسام شددت اوياي شده موطبيعيه لكن طيبه عمي ،اوياي نستني كل هذا وسام مااكلكم ذاك العاشق والولهان انما كان زوج وخلص واني بعد زواج حبها كبر بقلبي أكثر واكثر ، وحملت بابني الاول ، واني رغم تعب الحمل شاعلتله اصابعي العشرة شمع كلشي اسويله اشما اوصف ما اوفي نص من دللي الها لكن كل هذا ومااحس قلبه الي ، وهاي طيبه تتردد علينه ومرت من تجينه تتدخل بامور ماتخصها ابد واني ماابالي ابد انو عدها شي ابالها مستحيل للعلم صار عده بنت وهي من تشوف وسام تحتار شتسوي من تصرفات فاشله ،وفهمكم كفايه وصلت حتى مرات من گاعدين تتطعن برجوله زوجها كدامه كلام مخجل وهي ولاكانما وتسويها بضحك وهو متفاعل اوياها ومندمج وحتى خالتها ام زوجي ماتگلها عيب وشي يصير وشي مايصير ،
المهم قربت ايام ولادتي وتعبت كولش ،وگلت لعمي عمي اروح لامي اجيب هناك حتى امي واخواتي يدارني فما عارض خطيه ورحت وجبت هناك والحمدالله اجاني ابني ونور عيوني الجبير ،وفرحتي بيه ماتنوصف ابد ، ورها ماجبت اجاني وسام مره وحده هو وامه رغم عمي ونهى كل يوم عدنه ،كل يوم تقريبا ومن اتصل بيه حجته دوام ومشغول وانذارات وكذا ،مااعرف احسه حتى بأبنه مافرح مثل كل أب ، بس ارجع واكذب نفسي واگول لا هو هذا طبعه قلبه قاسي ومو حنون والرجال مو مثل المره عطفل للعلم ابني بعده ازغير ، وهو اول طفل مايعرف احساس الابوه زين ، الا ان انتهت فترة الاربعين يوم مابعد الولاده وللعلم طول هل المده وسام مااجه الا اول ماجبت واتصل عالتلفون الارضي بس مره وحده ومكالمه ماتجاوزت عشر دقايق اشلونج ومحتاجه شي ، والطفل اشلونه وهاي هي وكل هذا عذره دوامها واجبات ومافارغ يجي ، فكلت لامي يمه اليوم ارجع كالت غير نبلغهم كتله لا اريد ادخل غفل واشوف شكو ، وكانت ساعه تقريبا ،بلعشرة الصبح وعمي ملتحق بدوامه ونهى بلجامعه ادخلت لگيت مرة عمي گاعده بصاله بس مو لوحده لا بحضنها بنت طيبه واسمع بغرفتي صوت ضحك وشقها والصوت صوت وسام ، ومرت عمي من دخلنه ، ضلت صافنه ،فدخلت لكيت طيبه ورجلي گاعدين بالغرفتي وهي مصلخه وهذا اوياها هو من شافنه انتبه ووجهه صار اصفر واريد يضيع هل المفأجاه الغير متوقعه وي امي هلا عمه بيج تفضلي ، هلا بحبيبي واخذ الطفل وظل يبوس بيه ، اريد يضيع فشلته وحالته المخزيه الي شفتها بيها هو وهاي الرخيصة وهي ولا كأنما عافتنها ، وتباوعلي صفح هلا اجيتي وتركت الغرفة وطلعت ، راحت لخالتها واني احساس القهر ماينوصف بداخلي ، يعني هاي الواجبات الي كأن يتحجج بيها ، مكابل طيبه واني زوجته مااجاني مره ومرت ثانيه ماكلف نفسه وأجه بس اتصال ، وهنا أمي حجت بعصبية أنت ماتستحي هاي شتسوي هنا بس مالي كلام اوياك عندك ابو واعرف شاحجي اوياها وهو وجه ينطي الوان ويحرمص ويبوس امي من راسها عمه بس فهميني أنت غلطانه .
يتبع في الجزء الرأبع
