ومر على وجود وسام بلمستشفى مده عشرين يوم ، سووله عمليتين والعمليه الثالثه بطلب من عمي راح يسوونها الها خارج العراق بالهند ،واليسافر اوياه اني وعمي مع العلم عمي گال زوجته كالت مااروح اي اختنك من جو المستشفيات والعلاج والابر ومااتحمل اشوف حبيبي يدخل غرفه العمليات مع العلم شكلها ابد مامتأثره وتطب وتطلع ومكياج وطول مده وجوده بالمستشفى ، وبالحاح من عمي اجت بقت عدنه عشرة تيام ، وهو من بعد اخر عمليه الحمدالله تحسن وصحى بس مايكدر يگوم على حيلها ويحتاج شخص يرعاها ، فبعدها طلع للبيت حتى يستعد للسفر للعلاج بالخارج ، وبده عمي يمشي باجراءات السفر والجوازات ،وهي اجت مرته بقت اوياها بلبيت بس مالها علاقة وان دارتها من ورها خشمها فأني انقهر على عمي رجال جبير لوحده يداري ابنها فصرت اساعده الاأن كلت لعمي راح اترك بيتي واجيب جهال للبيتكم وارجع اعيش اوياكم حتى اساعده وهو خطيه ماقبل كال مرته كتله لاعمو اني موجوده واعرف كلش زين هي مامهتمه الها ، فصرت اني اغسل ملابسه وابدله وبليل اسهر يمها خاف يحتاج شي وحتى مسؤؤليه ولدي ومتابعتهم اغلبها صارت على امي الله يحفظها واخواتي ، واني اداريه وابدله واساعدها بدون مااحجي اي كلمه اوياها وهو يباوعلي وعيونها كلها ندم واعرف هشي لكن احاول اتجاهله وماابينله ،اني بعدني ذاك القلب اليحبه ويموت عليه ، ومايهمني هو مريضه صاحي ، وبعد ماطلع من المستشفى بقى شهر كملنه الاوراق واخذنه موعد من الدكتور الي بالهند حتي يسوويله العمليه وباجر انشاالله نسافر ، وفعلا سافرنه وحددوله العمليه بس دكتور كال العمليه بظهرها وبعدها يحتاج مده علاج فيزيائي وطبيعي حتى يرجع يمشي مره ثانية وسووله العمليه والحمدالله نجحت ، ورجعنه للعراق وصار احسن وبقيت يمها اسبوع بعد مارجع ، وبعدها كالي عمي يابه انت مامسؤؤله عنها عنده مرته تجي ادارية وخصوصا المدارس راح تبدي وجهالج اولى برعايتج من كل احد وفعلا رجعت لبيتي وعمي راح للمرته يجيبها حتى تبقى عدهم واداريهم هو وبهل الفترة امه بده يزيد عليها المرض ، واني تركتهم هل الفترة وانشغلت مع ولدي والمدارس ، الا ان يوم اجاني ابني كال يوم مشتاق لابويه اريد اشوفه كتله خلص ماما العصر نروحلهم حتى نشوفه ، فعلا رحت اسمع البيت صنته ماكو احد وصوته تعبان يصيح طيبه طيبه !!!!!
فكلت لامير ماما روح لابوك واني صاعده لغرفتها اشوفها نايمه وين هي؟؟!!اصعددت بسكته وصلت تقريبا يم الباب واسمع تضحك وتسولف بالموبايل وكلام وسخ وتوصف جسمها الواحد وتكلها مااكدر اشوفك الاربعاء هذا المعاق ابتليت بيه بلوه ، وابوه المخرف حاكمني حكم مااكدر اطلع بس الاسبوع الجاي بحجه اشوف اهلي واجيك من الصبح للعصر واشبع منك حبيبي وتضحك وفرحانه بهل التصرفات تسوويها ، هنا دفعت الباب عليها كل قوه هي جفلت وجه اصفر من الخوف حتى شمرت تلفون بالارض وكامت تصيح انت شتسسوين هنا ياما ماتستحين كافي مو شمرج يلعجوز اشعدچ كل شويه جايه ماتستحين ماعندج كرامه ، وكامت تصيح وي هل الحجي دخل عمي سمعها اجها كالها ليش تصيحين كالتلها هل الرخيصه بت اخوك اشعدها كل شويه جايه هل الوسخه ماتدخل بيتي رجال يكرهج كافي حسي يابلا كرامه فعمي تنرفز منها ضربها راشدي على وجها من قوت الضربه كلت وجها انشل وانوب انفجر عمي كالها ولج هاي تسووه راسج هاي العفيفه بنت الاصول وهي هنا ابني مثل العريس نضيف ومرتب وليلها كلها ماتغمض عينها انت ما قمتي بواجبه ليلنه كلها ناس كبار انا وامها انداريه وانت مو بحاله ولاكأنه هذا نفسه ذبح نفسه وحاربني اني ابوه علمودج وعاف هل النجيبه طاهره ولفاج يرخيصه خاف عبالج مااعرف ابني كان يروحلج وانت عد زوجج ، فسحبها عمي من شعرها وشمرها برها الغرفه كالها لحظه ماتبقين بيتي، وصدك اخذت ابنها وطلعت واني بقيت اهدي بعمي ، وبعد ماهدء كال روحي شوفي وسام وحالته اشلون كاتله الوسخ وامها مريض وهل الرخيصه لابحاله ولااديرله بال وكل ما انحاجيها كالت ظهري ماكدر اداريه فقراتي وليلها كلها عتلفون ، وبنهار نايمه وصدك رحت الوسام لكيت لحيته طويله ملابسه وسخه الغرفه وسخها وحالته تعبانه ، فاني وامير بدلنله ملابسه وشلنه لحمام وسبحته وحلقت لحيته ولبسته ملابس نضيفه وكعدنا علكرسي وطلعته للحديقه اشويه وبدلت كل اغراض الغرفه بجديده وعدلت سريره ،وهو ارتاح من نظف جسمه ومن يحجي اوياي مايشيل عينه ابد بعينه وان باوعلي عيونه كلها ندم واني ماابين كدامه اني فاهمه هشي ومرت الايام واني ادارية ، الا ان اندك باب البيت طلعت مرته رافعه دعوه طلاك ،فعمي شرط عليها بلمحكمه تتنازل عن ابنها لعمي تتطلك وتنازلت عنها كانها فستان ماتريده مو ابنها وقطعه من روحها واجه ابنها مع ولدي والله شاهد عليه عندي هل الطفل مثل ولدي واعز وبليله بقيت يمه وهو كاعد واني سكته جاي اكمل شغل حياكه عندي كال بلقيس اطلب منج شي كتله تفضل كال اريدج تسامحيني ونرجع مثل قبل واني ماعرفت معدنج الا بالشده كتله وسام اكلك شي اني ماحاقده عليك حتى اسامحك صح اني بسيطه ومااعرف بتنغوص والكذب والتباهي مثل بنات خالتك ، بس اكو ابيات شعر احب اسمعهن دائما وطول مده هجرك كانت تواسيني وحتى مااعرف منو شاعرها يوصفلك حالي اوياك بأختصار وهي ردي على سؤالك !
ارد اكلك والله ندمه 💔😔
مات جوه الگاع حبك من بعد ماجان نجمه
وشرچي صار العمر بعدك يل كنت بايامي نسمه
أحنه سبحه وطش خرزها ومانرد هيهات لمه
دنيا جذابه وكيحه وهل الوكت ماعنده ذمه
واني حزني الجان جاهل من هجركم صار زلمه
والله ندمه 💔😔
حصدوا بستان وردك واني حسره اعليه شمه
وگالوا المقسوم يحصل وانتظر تجمعنه قسمه
ولو سمعت اجدام مرت گلبي فرفح گال جدمه
والله ندمه 💔
واني داريتك لخاطر عمي وجهالي مااحب يشوفونك بحاله العاجز بس صدكني مااحد بدنيا كسر قلبي وارخصني وذلني مثلك وانت جرجك بروح للموت يبقى ينزف دم ، وانت عمرك لا حبيتني ولاردتني وابن ادم يفضحه الغضب وانت بساعة غضبك حجيت الي بقلبك الصحيح واني مااجبر احد مايردني يعيش اوياني فهو رد وهو يبجي اني كنت اعمه انت الاصيله واتمنى نرجع حتى اعوضج واني انغريت بالمظاهر وهسه عرفت معدنج ، وقيمتج ، كتله وسام رجاءا سد الموضوع رجاءا اذا الي خاطر عندك والماضي وصار وكل شخص منه عرف حده وانت ابو اولادي وابن عمي وخلص ان شاالله تكوم على حيلك وتشوف حياتك ، كال انت حياتي كتله الصبح طلع وعمي كعد واجه يمنها كال يابه روحي ارتاحي اني يم وسام فتركتهم ، ورحت ارتاح ومرت الايام والشهور بسرعة واليوم وسام اله سنه ونص من تصوب وتحسنت حالته صار يمشي صح مو على حيله بعكازات بس احواله احسن من قبل يعني خف الحمل عليه وعلى عمي اشويه وصار يقضي اغلب اموره بنفسة واني رغم حبي الها ،لكن قويه يحاول يرجع الامور لحالته القديمه بس اني اتجاهل وعمي مايدخل كال القرار الاول والاخير الج ، وامي واخواتي ينصحن لاتصيرين غبيه وتخلينه يكسرج مرتين واني ماابالي احد الا اولادي هم كل حياتي وكلشي جاي اسويها حتى يطلعون احسن ناس ويكونون ارجل منها ويتعلمون عمرهم مايكسرون قلب بشر وهاي كل قصتي وقبل لا اروح احب اكلكم حكمه ،
لاتزرع في دربي شوكاً ، لعلك غداً تأتيني حافياً ."
بلقيس💔😔
