عايزة أقولك علي حاجة مهمة ✋
عارفة الخنقة المفاجئة اللي بتجيلك دي !😔
دي مش مفاجأة والله .. دي تراكمات جواكي وانتي عمالة تتحمليها 🙂 !
بس بيجي عليكي وقت وتحسي انك رافضة الواقع !
لانك لو صدقتيه هتنهاري أكتر .
انا عايزة اقولك معلومة مهمة بقي 🌸💚 ...
الضيق ده عمره ما هيروح بـ أغنية ولا فيلم مااااشي ؟!
مش هيروح الا لما تعملي اللي هقولك عليه ده ان شاااااااء الله ...
بصي يا ست البنااااااات ي حبيبت قلبي ❤ 😊 ...
لما تلاقي نفسك متوترة .. ومخنوقه كده ومش علي بعضك !
اوعي تقعدي لوحدك وتفضلي تعصري في دموعك وجو البنات الفكسان ده ! ✋
هقولك تعملي ايه وف اقل من ربع ساعه هتبقي زي الفُل باذن الله ^^
اولا .. اكيد عندكوا حمام صح 😀 !
هتقومي تتوضي كده بنية انك بتقتدي بسنة النبي عليه الصلاة والسلام لما اوصانا بالوضوء عند الغضب 🙂 ❤
ثانيا .. هتفرشي مصلية في اهدي مكان في البيت 🙂
ثالثا .. هتصلي ركعتين لله بنية انه يفرج عنكي ما انتيِ فيه و لانك بترتاحي اوي بين يدي الله 🙂 ❤
رابعا .. هتطولي اووي في السجود .. عايزة تعيطي عيطي براحتك ( البكاء بين يدي الله راحة ) .. وادعي ربنا يريح قلبك ويصرف عنك وساوس الشيطان !
خامسا .. بعد ما تخلصي صلاة بقي هتجيبي المسبحة بتاعتك او علي ايدك حتي .. وانتِ لسه علي المصلية .. ابدأي استغفري ..
استغفر الله .. استغفر الله .. استغفر الله .. استغفر الله ..
وتقولي لا حول ولا قوة الا بالله .. كتيييييير والله مفعولها عجيييب 🙂
٭ بس التكَّاية هنا انك تذكري الله بصوت انتِ تكوني سمعاه عشان يدخل ودانك وقلبك وكل مكان فيكي ينقيه ويبعد عنه الشيطان 💙😌
سادسا .. هتفتحي المصحف تقرأي صفحة قرءآن وحسي ان ربنا بيكلمك انتِ الذات .. او سورة بتحبيها اوي مثلا اسمعيها لو مش قادرة تقرأي ❤
هتفرق اوووي معاكي ^^
صدقيني العياط مش حل ولا الحزن حل ولا الاكتئاب حل !
كل الحلول عند رب الحلول .. كلميه .. ده من رحمته بيكي سمحلك تكلميه في الوقت اللي انتِ تحبيه وتحدديه .. وكمان هيسمعك ويقذف في صدرك راحة ما بعدها راحة 🙂
هيحلهالك والله بس انتي ارمي حمولك عليه .. بيدبر أمرك في الخفاء بس انتي مش عارفة ومش هتعرفي غير في وقتها 🌸😊 !
عرفي غيرك الوصفه دي وكوني سبب لراحة قلبها 🙂 ❤
