السابعة
فارس اتصل بخاله وحكاله ع الموضوع...وطبعا خاله قريب نجلط ولام علي فارس كيف يسافر بيها وهو عارف حالتها بدون مايقوله....وفارس وضحله ان مايحسابش الموضوع خطير هكي...وطلب من فارس يحجزله عن طريق النت في اقرب رحلة...سكر فارس من خاله وامشي للدكتور...
فارس خبط الباب وخش قعمز: يادكتور فهمني بالله عليك شن هو الموضوع بالضبط
الدكتور: صورة الورم واضحة في الصور وجاي في جبهتها من قدام...وممكن هاذا اللي مسبب الدوخة... فأحسن شي نستعجلو بالعملية
فارس: باه يادكتور الفحوصات طلعو شن فيهم؟؟
الدكتور: مازال غدوة نتبجتهم بس تحصيل حاصل الصورة أقوي من التحاليل..
فارس حط إيده علي راسه: لاحول ولاقوة الا بالله العلي العظيم...باه نقدر نشوفها يادكتور
الدكتور: اي عادي مافيش مشكلة.....طلع فارس من عند الدكتور وامشي للدار اللي فيها رويدة...
فارس حاول يتماسك روحه ومايبينش لرويدة حزنه عشان ماتفهمش الموضوع: شن يادودة فقتي وانتي تتدلعي
رويدة حاطة إيدها علي راسها: الحمد لله...علاش جبتنوني اهني؟؟
فارس: مانعرفش خفت عليك يادودة جبتك قلت خلي نطمن عليك
رويدة: باه خلاص هيا طلعوني
فارس: مافيش طلوع قال الدكتور لين نطمن عليك
رويدة: لكن.....
فارس: اسسسسس قتلك لا يعني لا
رويدة: باه بنقعد اهني بروحي نخاف
فارس: واني شن ندير يادودة مستحيل نخليك
رويدة: اووووووف نكره المستشفيات
فارس: وحتي هي تكرهك يادودة ...ومد لسانه
رويدة: بارد....حييييه احنينة وين اكيدة مشغولة عليا ياناري
فارس: اييييه نسيتها بكل خلي نمشي نتصل بيها ونطمنها تو نجيك يادودة...
طلع فارس واتصل بحناه...الحاجة أمنة: ايوه فروووسة طمني شن قالولك
فارس ماحبش يرعشها: ماتخافيش يااحنينة بسيطة... اليوم بتقعد في المستشفي وغدوة بتطلع
الحاجة أمنة: يافروووسة احكيلي الحق
فارس: صدقيني حاجة بسيطة يااحنينة...خلاص شوي ثاني جايك جهزيلها حوايج عشان تغير ونفهمك
الحاجة امنة: باهي نستني فيك...ماتعطلش عليا
فارس خش لرويدة: دودة بنمشي نجيب حوايج من الشقة ونجي باهي
رويدة ناضت قعمزت: بتخليني اني مانعرف حد اهني فروووسة....فارس قرب منها وباس جبهتها بطريقة استغربت منها رويدة وحسستها برعشة في جسمهاوقعد يشوف لعيونها: عمري في حياتي ماحنخليك يادودة ثقي وتأكدي ...وقعدو رويدة وفارس يشوفو لبعض... وفارس قري في عيون رويدة كلام كان هو أعمي عليه من فترة
رويدة ارتبكت: هيا نوض عشان تمشي وتجي بسرعة
فارس ابتسم: حاضر
امشي فارس لحناه وحاول يطمنها وقاللها ان الموضوع وخدي الحوايج بعد ماقال لحناه لو تبي اي حاجة تكلمه...ونزل وصا بواب العمارة عليها
نص ساعة ووصل فارس للمستشفي.ولقي رويدة تتفرج ع التلفزيون
فارس:اني جيت
رويدة ابتسمت: هلا ^_^
فارس: خلي نسكر الباب عشان مايخش علينا حد ونتفرج معاك علي شنو تتفرجي
رويدة: ههههههه فيلم حلو لحق بسرعة
قعمز فارس ع الكرسي اللي جنب سرير رويدة وبتفرج معاها ع الفيلم.. كانو يتفرجو وساكتين...وفارس كانت الافكار تاخد فيه وتجيب ومش مركز في الفيلم...وبعد سكوت تكلم فارس: دودة نسألك سؤال؟؟
رويدة: سؤال شنو؟؟
فارس: عمرك في حياتك حبيتي
رويدة ارتبكت: شن جابه هالسؤال في بالك توا
فارس: انتي جاوبيني بس...
رويدة : اي نحب واحد
فارس: اني نعرفه الواحد هاذا
رويدة طارتلها من فارس لانه كانت تحسابه معمي كالعادة ومش حاس بيها: واحد وخلاص انت ماتعرفاش
فارس يجس في النبض: باه علاش انفعلتي...اني نسأل فيك عشان نجوزك ليه بعد نروحو
رويدة عيونها دمعو: انت اطلع منها ماليكش علاقة بيا.. وارتمت ع الفراش وقلبت وجها الجبهة الثانية
فارس جي رقد جنبها ع السرير وكان ضيق طبعا لانه مخصص لشخص واحد..رويدة تفاجأت بالموضوع
فارس: دنيلي يادودة بنرقد....
رويدة كانت عاطياته بالظهر ومنصدمة: امشي ارقد ع الكنبة علاش دايرينها
فارس زاد لصق فيها: بنرقد اهني.... تتذكري لما كنا صغار كنتي اديري فيها تنزلي في الليل من حوشكم وترقدي معاي في السرير وتقوليلي دني غادي فرووسة
رويدة ضحكت: وووووه ياحشمة قاعد مذكر فارس: اي حاجة تخصك مذكرها ومستحيل ننساها.... تعرفي يادودة اكتشفت ان اغلب حياتي ذكرياتها معاك انتي...واكتشفت انك انتي شخص غير كل هالناس بالنسبة ليا...واكتشفت أني غبي لأني ماحسيتش بحبك
رويدة:0_0 ...وماردتش
فارس حضنها وقربها لصدره: اي عارفك تحبيني وكل تصرفاتك هاذا المعني الوحيد ليها بس اني كنت شخص غبي
رويدة مش امصدقة ودموعها نزلو علي خدها..وتشهق...لفها فارس جيهته وشاف الدموع علي خدودها وحضنها بكل قوته: سامحيني يادودة عذبتك معاي هلبا سامحيني
رويدة قعدت تبكي بهستيرية مش مصدقة اللي تسمع فيه وكبشت في فارس تقول طفل مكبش في أمه.وفارس يهدي فيها مش متحمل دموعها .. وقعدت علي هالحالة لين خداها النوم وررقدت... وفارس قعد يفكر في حالة رويدة وقريب ينجن مش متهيل رويده ممكن يخسرها ..وبعدين حتي هو رقد..
