My Vampire Prince | A trip to Transylvania ✔

ᴄʜᴀᴘᴛᴇʀ ɪɪ

කොහොමහරි මම ඒ හීනේ අමතක කරලා දාලා ඇමී එක්ක ඉස්කෝලේ ගියා. සුපුරුදු පරිදි අපේ පන්ති භාර හද මාමා පන්තියට සම්ප්‍රාප්ත උනා. ආ... හද මාම ද? ඔව් ඒ අපේ පන්ති භාර සර්, එඩ්වඩ්. හරීම හොදයි! සර්ගේ තට්ට හිස නිසා තමා හද මාමා කියන්නේ, නැතුව තරහකට නෙමේ! සරුත් ඒක දන්නවා, ඒත් හිනාවෙලා පාඩුවෙ ඉන්නවා.

"එමී, පුතා ඊයේ දීපු ගණන් ටික හැදුව ද?"

ආ.. කියන්න අමතක උනානේ! සර් අපිට ගණන් තමා උගන්නන්නේ. අනික මම ගුරුවරුන්ගේ හිත දිනාගත්ත පාසලේ දීප්තිමත් සිසුවියක් නිසා තමා ඔය ඔච්චරම ආදරෙන් කතා කරන්නේ!

"ඔව් සර්"

"හා, හොදයි එමී. ඔයා ඔය ගණන් ටික board එකේ හදලා පෙන්නන්න. මට principal හමුවෙන්න යන්න තියෙනවා. කෝ... අනිත් අයත් හැදුවද?"

"Yes sir"

"Good, I'll be back in minute. මන් එනකන් ඔයාලාට එමී ගණන් ටික හදලා පෙන්නයි. Don't stay quite!"

ආ... එහෙම කිව්වේ ඇයිද කියලද බැලුවේ? කොහොමත් නිශ්ශබ්දව ඉන්න කිව්වට ළමයි කවදද නිශ්ශබ්දව හිටියේ? ඒකයි සර් නිශ්ශබ්දව ඉන්න එපා කිව්වේ! Crazy right?

සර් ගියාට පස්සේ මම ගණන් ටික board එකේ හද හද හිටියා. කවුරුවත් board එක දිහාවත් බැලුවෙ නැති එක වෙනම කතාවක්.. හුහ්.

ටික වෙලාවකට පස්සේ සර් කඩාගෙන බිදගෙන පන්තියට දුවගෙන ආවේ මූණෙ කිරි පැණි බේරෙන හිනාවකුත් දාගෙන.

මොකක් හරි good news එකක් වෙන්න ඇති මොකද නැත්තම් සර්ගේ මූණෙ ඔය තරම් සතුටක් දැක්කමයි. කොහොම නමුත් මගේ වැඩේ දැන් ඉවර නිසා මම මගේ පුටුවෙන් හිහින් වාඩිවුණා.

"ඉතින් ළමයිනේ ඔන්න හැම අවුරුද්දේම වගේ මේ අවුරුද්දෙත් අපේ school එකේ annual trip එක යනවා. ඉතින් මේ පාර අපි යන්නේ ට්‍රාන්සිල්වේනියාවට. ඩ්‍රැකියුලා මන්දිරය බලන්න. මන් දන්නවා මේ idea එකට ඔයාලත් කැමති වෙයි කියල මන් වගේම."

ට... ට ට්‍රාන්සිල්වේනියා! Oh my god! මගේ පුංචි කාලෙ ඉදලම තිබ්බ හීනේ! ට්‍රාන්සිල්වේනියාවට trip එකක්! Wow!

මම මගේ හීන ලෝකෙන් එළියට ආවේ සර්ගේ කටහඩ ඇහිලා.

"හොදයි ළමයිනේ අපි ඒ trip එක යන්නේ අද ඉදලා සති දෙකකට පස්සේ. ඔය ළමයි තමන්ට ගමනට අවශ්‍ය කරන දේවල් දැන්ම ඉදලම සූදානම් කරගන්න."

"Okay sir"

ආ... මම මගේ කතාව මෙච්චර දුර කියාගෙන ආවා ඒත් මන් ගැන කිව්වේ නෑනේ! මම එමා. එමා සමර්ස් (Emma Summers). මම ඉපදුනේ ඇමරිකාවේ New York වල. මගේ අම්මයි තාත්තයි රහස් පොලීසියේ. අපරාධකාරයෙක් ඒ දෙන්නව මරලා දැම්මට පස්සේ මගේ මුළු ලෝකෙම උනේ මගේ අයියා. අයියා මාව ආරක්ෂා කරන්නේ එයාගෙ පණ වගේ, හරිම ආදරෙන්. මාත් මගේ අයියට ගොඩක් ආදරෙයි. අම්මයි තාත්තයි නැති උණා කියලා මගේ අයියා මට කිසිම අඩුවක් කළේ නෑ. මට අවශ්‍ය හැම දෙයක්ම දුන්නා. මගේ අයියා ලොකු businessman කෙනෙක්. එයා අනිත් හැමෝම එක්ක හුගක් තදට ඉන්න කෙනෙක්. එයාගේ සූටි නංගියා ඇරෙන්න. හී, හොද සූටි නේද? මට අවුරුදු 17 යි. මම high school එකේ last year student කෙනෙක්.

මම හරිම ආසාවෙන් හිටියේ මේ ට්‍රාන්සිල්වේනියා trip එක යන්න. ඒත් කවුද හිතුවේ එය මගේ ජීවිතයේ හැරවුම් ලක්ෂ්‍යය වෙයි කියලා!

-

Written by Sara a.k.a. Pearl Alison ✍︎