Lover of Words

Twenty Nine

4.12.24

sa tagal ng panahon na ginugol sa paghihintay

madalas akong napapa-isip

kung para saan at bakit ako nabubuhay

siguro ay maraming rason,

pamilya? trabaho? kaibigan? pangarap?

pero minsan sa bawat pag-pikit

napapatanong ako kung bakit tila walang para sa akin?

bakit tila nabubuhay ako para sa iba?

sino ba ako?

ano ba talagang gusto ko?

at saan ba talaga ako patungo?

marahil kaya ako naliligaw

at nakikisilong sa mga bahay sa daan tuwing inaabutan ng ulan

tapos sa pagtila ay kakailanganin ko nanamang lumakad palayo

dahil alam kong hindi ko pa nararating ang lugar na matatawag kong tahanan

siguro, doon ako papunta

sa aking tahanan

na hindi ko alam kung nasaan

minsan napapaisip ako

kung may saysay ba ang paglalakbay

marahil para sa kanila

pero ang tanging alam ko lang

hindi ako masaya

nakakapagod mag patuloy dahil "kailangan"

hindi ko din maiwasang mag-inggit sa mga taong lumalaban dahil may tanging dahilan

palagay ko naglalakbay ako sa kawalan

kahit napapaligiran ng mga matang puno ng kaligayahan

aaminin ko, sa gitna ng kahinaan

gusto ko din ng masasandalan
ng magpapatahan

marahil pagod na talaga akong

kayanin lahat mag-isa

at kayanin para sa kanila