Lover of Words

Nine

11.13.20

Sa muling paglalaro ng tadhana

Matagpuan ka kaya sa susunod na kabanata?

Dinggin kaya ng mga bituin

Ang pagsamong, ika'y maging akin

O habang buhay na lamang
akong maghihintay

sa pag-ibig

na matagal nang nawalay

Habang buhay na lamang,

katatagpuin ka sa panaginip

kung saan,

pinili mong manatili

Ang mga bagay na sayo'y walang halaga

ako,

ang dapat sanang tayo

tapos na,

hindi ba?

patawad,

kung hanggang ngayon

ibinubulong ko pa rin sa hangin

ang salitang paalam

umaasang,

bukas,

sa paglalarong muli ng tadhana

tangayin ka nito

pabalik sa akin