Lover of Words

Twenty

12.1.21

Patuloy sa paghanap ng kanlungan

sa mundong pagal ay tila walang katapusan

halos mabali ang leeg kakatanaw sa sinag

'di maintindihan kung bakit tila pinagkakait ang liwanag

patas nga ba sa lahat?

o nakatakda talaga akong malunod sa dagat?

may dulo ba sa paghahantay?

o habang buhay hihilumin ng puso bawat latay?

'di ko batid kung bakit

hindi ako nauubusan ng pasakit

galing sa kanila

galing mismo sa'kin

tanong ko'y bakit laging may hikbi

kapalit ng panandaliang ngiti

'di batid kung kaninong pangako ang panghahawakan

saan man lumingon, ako'y kulong nang di ko man lang namalayan

gaano man ka-kinang ang mga tala sa kalawakan

hindi nito mapawi ang nararamdaman

sagot nga ba sa lahat ay kapatawaran?

noon ko lamang ba talaga makakamtan ang kalayaan?

hanggang ngayon ay tanong ko

kung paano ako maging sapat sa nakakaubos na mundo