عشقت قلب محطم

part 1

صحيت داليا من نومها منزعجة بسبب رن موبايلها ردت وهي ناعسة:.
داليا وهي ناعسة :ايه يابني الزن ده كله مش عارفة انام
الطرف التاني:يابنتي قومي الساعة ٩ ورانا شغل
داليا:طيب خلاص حقوم اجهز .....سلام

قامت داليا من سريرها وأخذت حمام دافئ وجهزت وخرجت من اوضتها وجدت ابيها وزوجة ابيها  يجلسان اتجهت داليا ناحية ابيها قبلت يده قائلة:.
داليا: صباح الخير يابابا
الاب بابتسامة:صباح النور ياحبيبتي .......صاحية بدري النهاردة !
داليا: لا معايا شغل النهاردة لأن مريم مش موجودة فحروح انا مكانها
في هذه الأثناء تحدثت زوجة أبيها عايدة
عايدة: ايه مفيش صباح الخير ولا أنا هوا
داليا وهي تقلب عينها :صباح الخير
ثم وجهت كلامها لأبيها
داليا: انا ماشية يابابا
الاب :مش حتفطري يابنتي
داليا بابتسامة: لا ياحبيبي حفطر في المكتب
الاب :طيب يابنتي خلي بالك من نفسك
خرجت داليا وبدأت عايدة الحديث مع زوجها
عايدة:عاجبك الي بنتك بتعمله ده يامحمود
محمود:ياستي انتي مالك بيها خليكي في حالك وسيبيها في حالها
عايدة :ماشي يامحمود انت حر في بنتك........فكرت في الي قولتلك عليه
محمود بحدة: فكرت ومش موافق
عايدة : ليه بقي ابن اختي مفيهوش عيب حالته المادية كويسة متعلم ومحترم
محمود مقاطعا لها : عايدة داليا مش حتتجوز غير لما تطلع من الي هي فيه انا مش حمل صدمة تاني فيها
عايدة :وهي يعني اول ولا اخر واحدة تفسخ
محمود بغضب : انا قولت اقفلي الموضوع ده خالص سامعة
حسام :في ايه يابابا بتزعق ليه
محمود : مفيش حاجة يا حسام
عايدة : لا في .....في أن ابوك رافض يجوز اختك لابن اختي
حسام : ماما انتي عارفة حالة داليا وأنها مش متقبلة اي حد في حياتها
محمود : عايدة طلعي داليا من دماغك والي عايزاه بنتي هو الي حيتنفذ
حسام : بابا انا نازل الشغل عايز حاجة
محمود : لا يابني ربنا يوفقك
ذهب حسام وذهب والد داليا الي غرفته

========================
وصلت داليا المكتب بتاعها ودخلت غرفة تحتوي علي منضدة كبيرة بها العديد من المقاعد وكان هناك فريق العمل بتاعها
داليا:  صباح الخير ياجماعة
الجميع : صباح النور
داليا: ها ياسارة جهزتي كل حاجة
سارة: اه بصي ياستي الفرح حيكون في أوتيل ******* انتي ويوسف حتروحوا بعد ساعة عشان تبدأوا تصوير للعرسان وعمر وأميرة حيروحوا القاعة ياكدوا علي كل حاجة ويتابعوا التجهيزات
وانا حنزل دلوقتي ااكد علي الحجوزات بتاعة شهر العسل وتذاكر الطيران
داليا : جميل اوي .....اومال فين شذي
أميرة : شذي سابقتكوا وراحت الاوتيل انتي عارفة دي الميكب إرتست ولازم تبقي قبل العروسة
داليا : طب تمام اوي يلا بينا احنا بقي

========================
وصلت داليا ويوسف الاوتيل اتجهت داليا لجناح العروسة خبطت وفتحت لها شذي
شذي : اهلا بالقمر تعالي بقي عشان تساعديني
داليا : قوليلي الفستان وصل ولا لسه
شذي : اه لسه واصل قبل ما تيجي
داليا :جميل نبدا بقي
بدأت شذي في ميكب العروسة وداليا بتساعدها فيه وفي نفس الوقت بدأت داليا تصوير الفستان وتصوير العروسة بBride robe وتصويرها مع صحابها واخير جهزت العروسة ونزلت عشان تكمل تصوير وأثناء تصويرهم جريت العروسة ناحية شاب يبدو وسيم جدا ذو عيون رمادية ببذلة سوداء تظهر أناقته وقامت بعناقه
ادم: هو في عروسة قمر كده ياناس
ندي : مفيش احلي منك انت .....تعالي كنت حزعل اوي لو ما جيت واحنا بنعمل السيشن
أكملت داليا تصوير للعروسين وادم معهم
واتجهوا جميعا للقاعة وبدأت داليا تصور كل الاحداث صور لدخول العروسين صور لرقصتهم الأولي معا وصور للعروض الي في الحفل وصور للحاضرين وبعد ذلك ذهبت داليا تجلس علي مقعد بجوار أميرة التي كانت توجه نظرها لادم قائلة
أميرة بمزاح: ايه ده ايه القمر ده
داليا : شكرا ياستي بس يعني أنا زي ما انا ما اتغيرت
أميرة : مش بتكلم عنك انتي انت بتكلم عن القمر الي هناك ده
نظرت داليا حيث تشير أميرة
داليا : اه قصدك اخو العروسة
أميرة بسرحان : اه شوفتيه ياداليا وهو حاضنها ولا هو وبيبوس أيدها الله
داليا : ربنا يشفي انا اروح اكمل شغلي احسن من قعدتي جمبك وقومي ياماما شوفي شغلك يلا
أميرة بحنق : قايمة ياختي....وبعدين ايه الي انتي لابساه ده حد يلبس كاجوال في فرح
داليا: ملكيش دعوة ويلا خلينا نشتغل
بعد انتهاء الحفل وذهاب العروسين والجميع وكانت داليا وفريقها ينهوا كل التجهيزات جاءت فتاة باتجاه داليا
الفتاة : آنسة داليا
داليا : اه انا
الفتاة اتفضلي حضرتك ده كارت استاذ ادم هو عايز حضرتك بكرا عنده في المكتب
داليا: عايزني انا .....ليه
الفتاة مش عارفة يافندم بس لما تيجي حتعرفي حضرتك ..بكرا معادك الساعة ١٠
داليا : اوكيه ميرسي
سارة : ايه ياداليا مين دي
داليا: مش عارفة بس حنعرف بكرا

بصوا ياجماعة الأحداث الأولي شوية عادية بس لسه الأحداث بعد كده بتبقي جميلة جدا اقروها ومش حتندموا ☺️

يتبع ........
SHIMAA _ABDELBAST