عشقت قلب محطم

part 18

طلع ادم علي وشه ملامح حزن غضب ندم كره حب الف حاجة بتدور في دماغه بعد علي اقرب كرسي وحط رأسه بين كفيه
خالد : حجبلكوا حاجة تشربوها من تحت
ماهي : انا جاية معاك
نزلوا الاتنين خالد طلب وماهي واقفة جمبه سرحانة وعيونها بتنزل الدموع من غير سبب
خالد بقلق: مالك ياماهي بتعيطي ليه
ماهي ببكاء: مش قادرة انسي فرحتها بالبيبي بس فرحتها ما كملت ده غير منظر ادم من ساعة الي حصل بجد قلبي واجعني اوي عليهم
خالد بتأثر: ربنا يعدي المحنة دي علي خير
اطلبات جهزت أخدها وطلع بيها فوق وصل لقي شيرين قاعدة لوحدها
خالد : فين ادم ياشيرين
شيرين : في واحد اتصل بيه دلوقتي وبعدها قاله اطلع بيه علي العزبة وانا جاي وقام مشي
خالد بصدمة : العزبة ...ده كده اكيد حيدفنه
رمي الي في أيده وطلع بسرعة بعربيته علي العزبة وصل لقي عربية ادم برا
دخل بسرعة وطبعا الحرس ما منعوه لأنهم عارفينه
دخل لقي سليم متكتف علي كرسي وادم نازل فيه ضرب ومش موقف
جري خالد بسرعة ناحية ادم وشده بعيد عنه
ادم بكل غضب : ابعد عني وديني لاقتله
خالد بعصبية : اهدي الي بتعمله ده ما ينفعش
قاطع كلامهم ضحكة سليم المستفزة
سليم بابتسامة باردة : سيبه ياخالد سيبه اصلي انا حياتي مرتبطة بحياة ناس تانية تخصه
خالد : تقصد ايه
سليم : اخبار مدام داليا ايه رجالتي بيقولوا أنها تعبانة جدا
ادم عند ذكر اسم مراته ما فكر كتير ونزل عليه ضرب بس خالد مسكه وشده لورا
ادم بغضب : اسمها ما يتنطق علي لسانك القذر انت سامع
خالد طلع تليفونه ورن علي ماهي بس مش بترد وبعدها كلم شيرين ردت عليه
خالد بلهفة : شيرين انتوا كويسين برن علي ماهي مش بترد
شيرين : انا في طريقي رايحة الفيلا عشان اجيب هدوم ليا ولماهي
خالد : وماهي مش بترد ليه
شيرين : مش عارفة
قطع معاها الاتصال وبص لادم نظرة ذات مغزي وطلعوا الاتنين جري علي المستشفي واول ما دخلوا طلعوا علي الاوضة بتاعتنا بسرعة بس الصدمة أنهم ما لقوا داليا وبقوا ماهي مكانها علي السرير وباين أنها متخدرة
ادم بزعيق طلب الحرس وفضل يزعق وبعدها طلب من مدير المستشفي يطلعله شريط كاميرات المراقبة
وفعلا شاف اتنين لابسين لبس تمريض واحد خدر ماهي ودخل بيها الأوضة والتاني دخل وبعدها طلع بداليا وطلعوا بيها من المستشفي
طلعوا بسرعة من المستشفي علي العزبة ودخلوا لسليم ادم كان رايح ناحيته وعينه كلها غل وغضب بس منعه خالد
خالد : اهدي داليا تحت ايد الحيوان ده
سليم ببرود وطريقة سايكو : الله يسامحك انا مش حرد عليك عشان أنا مؤدب
خالد : اهدي والله العظيم بيحاول يستفزك اهدي
خالد: سليم قول عايز ايه عشان تسيب داليا
سليم : تفكني وتأجي معايا وبعدها تقدر تاخد مراتك
ادم : وانا موافق بس قسما بالله لو حاجة حصلت ليها لا انت ولا اي حد يعرفك حيبقي ليه وجود علي الارض
وطلع وطلع وراه خالد.
خالد : ناوي علي ايه
ادم : انا مش حسيبه ولا هو حتكون رغبته أنه يسيب داليا ويسيبنا نمشي
خالد : والعمل
ادم : حقولك
دخلوا لسليم ادم شاور لواحد من الحرس أنه يفكه وفعلا فكه
سليم وهو ماسك أيده اثر الربط موجه كلامه لادم : طيب اولا انت بس الي حتاجي ومن غير حرس
ادم : موافق
سليم: يلا بينا
طلعوا بالعربية وصلوا الفيلا الخرس تبع سليم فتشوه وياخدوا السلاح الي كان معاه وبعدها دخلوا الفيلا سليم قعد علي الكرسي وحط رجل علي رجل وطلب من واحد من رجالته أنه ياخد ادم يحبسه مع داليا وفعلا اخده وادم كان متشوق يشوفها ويطمن عليها
اول ما دخل لقاها ضامة رجليها لصدرها ودافنة رأسها لتحت
دخل ادم بسرعة وحاول يطمن عليها بس هي بعدت عنه
ادم : داليا انتي كويسة .....طيب طمنيني عليكي ارجوكي
بصت ناحيته بجمود وبعدها بصت بعيد عنه وعينها مش مبطلة عياط
ادم قعد بعيد عنها شوية عشان ما يضايقها وفضل يتكلم وطبعا من غير رد منها
ادم بحزن وتأثر: انا عارف اني كنت السبب في اذيتك عارف انك مش طايقاني بس والله ما كنت اعرف الصور والكلام الي اتبعت خلاني اتجننت مش عارف حاجة تايه مش مدرك خفت تكوني فعلا مش حباني حتي ابني الي مات مات بسببي وصدقيني يمكن ده اكبر عقاب ليا اني احس ان حتة مني راحت عشان خاطري سامحيني والله ما حبيت حد قدك ولا عمري ححب .....سامحيني عشان خاطري سامحيني
بصت داليا ناحيته وشافت دموعه الي وجعت قلبها بس هي فعلا مش قادرة تسامحه علي الي عمله مهما كان السبب هو الي كسر قلبها وفرحتنا مرة لما صدق الكلام ده عنها ومرة لما كان السبب أن الطفل يموت فضلت الصمت عن أي حاجة بعد وقت دخل واحد من رجالت سليم قام ادم ووقف قدامه
ادم : نعم
الحارس : اتفضل انت وهي سليم بيه عايزكوا
راح ادم ناحيتها عشان يساعدها أنها تقوم بس طبعا هي رفضت كده وقامت بتتسند علي الحيطة وفضلت ماشية لغاية ما وصلوا لسليم
سليم : سلامتك يامدام انا ما كنت ناوي اجيبك هنا بس اعمل ايه عارف جوزك حيعمل ايه
ادم بنبرة تخوف: قولتلك اسمها ما يتنطق علي لسانك والا قسما بالله ادفنك هنا
سليم بضحك: تدفني ...هو انت لسه ما لاحظت الوضع الي انت فيه ..انت هنا في ارضي وبين رجالتي يعني بإشارة مني انت مع السلامة
ادم بابتسامة : عارف ياسليم من زمان اوي وانت غبي ولسه غبي تفتكر ادم السيوفي في حد يقدر يوقعه
سليم بابتسامة : امم انا ...انا قدرت اجيبك هنا وبقيت تحت رحمتي ومحدش كمان يعرف مكانك حتي عربية الحرس الهائلة الي انت كنت ممشيها ورانا انا طيرتها
قاطع كلامهم صوت ضرب نار برا
سليم بحدة : شوفوا ايه الي بيحصل برا ....بسرعة
ادم بابتسامة: مش قولتلك غبي
طلع سليم بسرعة عن باب الفيلا لقي رجالته ورجالة ادم بيطحنوا بعض ادم خد داليا الي اتفزعت من صوت ضرب النار بسرعة ودخلها اوضة وطلب منها ما تطلع نهائي
وراح بسرعة واحد سلاح وحطه علي راس سليم
ادم : عيبك ياسليم انك فاكر نفسك انتي الوحيد الي فاهم والباقي كلهم اغبية
سليم : مش حسيبك ياادم كنت السبب اني اخسر اكتر واحدة بحبها الكل دائما كان يشوفك احسن مني ...لييييه
ادم : انت مريض عمرك ما اكتفيت بالي في ايدك دائما عينك علي غيرك
سليم : زي ما وعدتك ياادم مش حتطلع من هنا عايش
رمي المسدس من ايد ادم بسرعة ودخلوا الاتنين في خناق وداليا شافت منظرهم وهما بيضربوا بعض طلعت من الأوضة ونادت باسم ادم
ادم ضرب سليم ضربة افتكر أنها خلته يغمي عليه راح ناحية داليا عشان يدخلها الأوضة بسبب الضرب الي برا في اللحظة دي دخل خالد من باب الفيلا وفي نفس الثانية طلع صوت رصاصتين واحدة من سلاح خالد أصابت سليم وواحدة من سلاح سليم أصابت ادم
ادم واقف قدام داليا وفجأة وقع علي ركبته نزلت داليا علي الارض بسرعة وحضنته ناحيته وهي عمالة تعيط وخالد الي قلبه وقف وحري بسرعة ناحية صاحب عمره وأخوه
ادم بصعوبة في الكلام : داليا ..انا ..فعلا بحبك وبحبك جدا كمان ...سامحيني
وبعدها غاب عن الوعي
داليا ببكي وصراخ وتلعثم : لا لا عشان خاطري قوم مش حقدر اعيش يوم بعدك عشان خاطري قوم قوم وانا مسامحاك قوم
خالد : مش وقته بسرعة خلينا ننقله المستشفي
طلع بيه خالد وداليا مع ادم في الكنبة الي ورا مش مبطلة بكاء
وخالد ماشي بسرعة البرق عشان يوصل بسرعة
وصلوا المستشفي ونزل بيه بسرعة والدكاترة بسرعة طلعوا بيه علي اوضة العمليات وداليا وخالد واقفين برا وقت عدي وطلع الدكتور
الدكتور بابتسامة : الحمد لله طلعنا الرصاصة وحالته دلوقتي مستقرة ...عن اذنكوا
خالد : متشكر جدا يادكتور
داليا في نفسها : الحمد لله يارب الحمد لله
بعد دقائق طلع الممرضين بادم ونقلوه في اوضة
داليا للمرضة : ممكن لو سمحتي أدخله
الممرضة : ينفع بس ما تطولي عشان صحته
داليا : حاضر
ودخلت قعدت جمبه فضلت تمشي أيدها علي شعره وهو كان بدأ يفوق من البنج
داليا بنبرة باكية : حمد الله علي سلامتك
ادم بابتسامة : الله يسلمك ياروحي ....لسه زعلانة مني
هزت راسها بمعني لا : مستحيل ازعل منك مهما حصل
ادم بهزار: يعني كان لازم اخد طلقة عشان اسمع الكلام الجميل ده .....ده علي كده اخد طلقة كل يوم
داليا ضربته في دراعه برفق : بعد الشر
ادم : خلاص خلاص
شوية وجه الدكتور عشان يكمن عليه
الدكتور بابتسامة : الحمد لله حمد الله علي سلامتك يابشمهندس
ادم : الله يسلمك يادكتور
طلع الدكتور ودخل خالد
خالد ممازح: قوم يلا عايز تريح ضهري
ادم : معلش والله بيقولوا واخد طلقة
خالد : وايه يعني ما ياما اخدت طلقات وكانت بالنسبة ليا ولا حاجة
ادم بضحك: معلش بقي مصاحب عيل نايتي
خالد : خلاص رفقا بيك حسيبك تقعد
وفضل الضحك والخزار شغال بينهم كلهم
خالد : عن اذنكوا بقي اروح اطمن عليها
ادم بخبث : علي مين
خالد بغمزة : المناقصة
ضحك الاتنين وداليا قاعدة مش فاهمة حاجة
داليا : هي مين دي الي حيطمن عليها
ادم بتلقائية: المناقصة
داليا : نعم
ادم : سيبك منه بس وخليكي معايا ..
في مكان تاني في المستشفي
خالد : عاملة ايه دلوقتي
ماهي : بخير الحمد لله
خالد : اخبار والدك ووالدتك ايه
ماهي باستغراب : كويسين ...بس بتسال ليه
خالد : كنت عايز اجي ازروهم
ماهي بغباء : ليه
خالد حانقا : يعني كنت عايز اشرب شربات
ماهي بنفس الغباء : طب ما تشربه هنا انت فاكر أنه في شربات في اسكندرية بس ولا ايه
خالد وقد طفح بيه الكيل : ماهي هو انتي الIQ عندك بعافية
ماهي : لو سمحت ما تغلطش
خالد : انا كمان الي غلطان .....عايزة اطلب ايدك منهم
ماهي في صدمة ارتباك خجل مشاعر كتير حساها ومتلخبطة
ماهي : تطلب ايدي انا
خالد : لا امي ...يارب الصبر من عندك ....أيوة انتي ياستي
ماهي قامت من مكانها وفضلت تمشي وهي بتكلم نفسها بابتسامة : حيتجوزني ....اخيرا اتكلم
وخالد وراها بيضرب كف في كف : لا حول الله يارب دي اتجننت خالص
عدي اسبوع وكان طلع ادم من المستشفي ورجع الفيلا وراح خالد عند ادم
ادم : يابني اتكلم بقالك ساعة متلقح جمبي من غير اي كلام
خالد : ها ...بص ..اصلي ..يعني ..كنت عايز اقول اني ...
ادم : يابني حتجنني انطق اتكلم
خالد : بص انا طالب ايد ماهي
ادم بابتسامة فرح : ياخي منك لله كل ده عشان تق لي طالب منك ايد ماهي ......وانت بما تاجي تطلبها ..تطلبها مني انا ما تروح لأهلها ياعم
خالد : ما انت الي حتتكلم مع اهلها انا بعتبرك اخويا الكبير وفي مقام بابي
ادم بضحك : بابي ....علي الرغم انها مش لائقة عليك بس ماشي ....مبروك ياصاحبي الف مبروك
وبعدها حط رجل علي رجل وقال : بس طبعا لازم نشوف العروسة رأيها ايه
خالد بيبصله بقرف : انت حتتنك من اولها ....هي موافقة وانت موافق ومش فاضل غير ابوها وامها وده دورك بقي( اتكلم بتناكة ) تقعد معاهم وتحكي عن انجازاتي واني راجل شهم ومحترم والف واحدة تتمناني
ادم : الف مين انت في حد عبرك غيرها اصلا
خالد : انا حسكتلك عشان انت في مقام حماية بس
ضحك ادم وقام من مكانه وحضنه وباركله
مش خالد وطلع ادم فوق في اوضة شيرين
لقي شيرين وداليا وماهي بيضحكوا ويهزروا سوا كالعادة
ادم : بتعملوا ايه
داليا : ابدا ياحبيبي قاعدين تعالي
راح وقعد جمب داليا وحط أيده علي كتفها موجه نظره لماهي
ادم : في موضوع كده ياماهي كنت عايز اكلمك فيه ..
ماهي : اه طبعا قول
ادم بص لداليا بابتسامة : حبيبتي معلش استاذنكوا بس عايز اتكلم معاها علي انفراد
داليا بتقبل وابتسامة : طبعا ياحبيبي ....يلا بينا ياشيرين في اوضتي وطلعوا
وطلعوا من الأوضة
ماهي : خير ياادم
ادم بابتسامة : كل خير .....في واحد متقدملك وقولت اخد رايك
ماهي افتكرت حد تاني غير خالد باعتبار أن خالد قال حيطلبها من اهلها
ماهي بضيق : لا مش موافقة ..انا مش بفكر في الجواز اصلا
ادم بخبث: بصي انتي ليكي كامل الارادة انك توافق أو ترفضي .....واظاهر كده انك مش موافقة
ماهي : سوري ياادم بس دي رغبتي وانت اكيد حتحترمها
ادم : طبعا ححترمها ....عن اذنك بقي أكلمه واقوله الخبر
ماهي بابتسامة : اه طبعا اتفضل
قام ادم من مكانه وفتح الموبايل وعمل نفسه بيتكلم في التليفون
ادم : انا اسف جدا بس هي مش موافقة .....انا اسف مقدرش أجبرها علي حاجة هي مش عايزاها
كل ده وماهي ورا ادم مبتسمة بسعادة جدا
ادم : خالد خلاص بقي ملكوش نصيب اكيد نصيبك في واحدة تانية
فجأة ملامحها اتغيرت وقامت من مكانها بسرعة ناحية ادم
ماهي بسرعة : لا حتجوزه
ادم : تتجوزي مين
ماهي : خالد
ادم : انتي مش رفضتي دلوقتي
ماهي : انت ما قولت أنه خالد
ادم ماسكها من لياقتها : ما هو ده اول سؤال كان المفروض تسأليه يافالحة
وبعدها شال الموبايل في جيبه
ادم : ما تخافيش ما كنت بكلم حد ...وافهم كده انك موافقة صح
ماهي بكسوف : امم
ادم بابتسامة : انتي لسه حتتكسفي ده انتي كنتي حتعلقيني دلوقتي .....عموما انا حكام اهلك واظبطلكوا الدنيا
ماهي بابتسامة : ميرسي اوي اوي ياادم
ادم ضمها ليه هي في الاول والاخر أخته : من غير ما تشكريني ربنا يتمم علي خير ...
طلع من الأوضة وتاهت ماهي في أحلامها الخاصة
راح اوضته لقي داليا لوحدها
ادم : اومال فين شيرين
داليا : نزلت لماما تحت
ادم قرب منها وحضن وشها رائده
ادم : داليا انا عارف ان قلبك حنين وعمره ما عرف يكره ....بس بجد انا حاسس اني مازلت مسببلك الم من الي حصل ..داليا سامحيني بجد علي ال.....
قاطعته داليا : ادم انا عمري ما حقدر ازعل منك حتي لو زعلتني قلبي مش بيعرف يزعل منك ابدا وبعدين الي حصل قدر مش حنغيره الله جاب ..الله خد...الله عليه العوض ..وبجد انا بحس انك عوض ليا في الدنيا هوضتني عن حاجات كتير قدرت تصلح حاجات كتير اتكسرت فيا
ادم بأس جبينها وايدها : بجد انتي كتيرة عليا اوي ربنا ما يحرمني منك يارب

يتبع ......
SHIMAA -ABDELBAST