عشقت قلب محطم

part 15

انتهت فقرة تعذيبهم وبدأ ادم في تدمير المستقبل
وطبعا كريم اتفصل عن الكلية نهائيا والدكتور محمود اتوقف عن العمل
وطبعا من الناحية التانية شيرين الي الموضوع ده أثر علي نفسيتها جامد وبقت مش عايزة تروح الجامعة
داليا: صباح الفل ياقمر
شيرين : صباح النور
داليا: مش حتقومي تلبسي وتنزلي الجامعة
هزت شيرين رأسها بمعني لا
داليا: علي فكرة الي انتي بتعمليه ده استسلام وضعف وده اكبر غلط بتعمليه
شيرين فضلت ساكتة بتسمع ومش بتتكلم
داليا : ياشيري ياحبيبتي ما ينفعش توقفي حياتك عشان حادث حصل معاكي حبيبتي انتي فاكرة انا اتجوزت ادم ازاي فاكرة الي حصل معايا علي الرغم اني ضعفت فترة بس رجعت تاني وبصراحة ده بفضل ربنا وبعده ادم مش حينفع كده امتحاناتك قربت
شيرين: حاضر ..حنزل الكلية وحشوف مستقبلي فعلا
داليا بابتسامة : أيوة بقي .....يلا ياحبيبتي انا حسيبك تغيري
وطلعت داليا من الأوضة وراحت أوضتها عشان تغير هدومها وتنزل المكتب
ادم : نازلة المكتب
داليا :اه ياحبيبي
ادم : طب استني حوصلك في طريقي
داليا : تمام يلا
هما وفي العربية
ادم : حتتاخري النهاردة
داليا : لا هو في فرح بكرا يعني التأخير حيكون بكرا إنما النهاردة التجهيزات
ادم: خلاص حعدي عليكي النهاردة ونروح سوا
داليا بابتسامة : خلاص تمام حستناك
دخلت داليا المكتب لقت الكل متجمع وما كانش ناقص غيرها
داليا : سوري ياجماعة علي التاخير
سارة : ولا يهمك
أميرة : بصي العروسة اختارت الديزاين ده للفستان وبيخلص خلاص ........ودي الدخلة الي اتفقوا عليها .
شذي : ده الميكب الي اختارته
داليا : جميل اوي
سارة : العروسة طلبت حاجة كمان
داليا : ايه بالظبط
سارة : عايزة عرض صور ليهم اثناء الفرح نفسه
داليا : طب تمام ايه المشكلة
سارة : الحكاية بقي ياستي أن جوازهم جواز مصالح بين الأهل حتي الخطوبة كانت فترة صغيرة خالص بالعربي ما جمعهم صور كتير نادرة الصور
داليا : وطبعا مطلوب مني أني اصورهم بلبس مختلف وأماكن مختلفة وكل ده امتي النهاردة صح
سارة بهزار: عارفة ياداليا اكتر حاجة بحبها فيكي ايه ....انك ذكية هو ده المطلوب
داليا بعصبية : وجاية تقوليلي ده دلوقتي ياسارة
سارة : اهدي حفهمك العروسة لسه طالبة الكلام ده امبارح
داليا : تصدقي أنه بدري اوي ازاي يعني حلحق اصور كل ده
يوسف : انا ياستي حساعدك .....انتي حتاخدي شيفت وانا شيفت ونخلص بقي
داليا : وهي فين طيب خلينا نبدا
سارة : علي وصول كلمتها وقالتلي أنها جاية
داليا : طيب كده انتي وأميرة الي حتشرفوا علي التجهيزات كلها وانا يدوب اخلص الموضوع ده وتحاول اجي ليكوا
سارة : اوكيه يلا
نهي : هاي ياجماعة سوري علي التأخير
سارة : ولا يهمك ....مدام داليا هي الفوتوغرافر وحتظبطلك الي انتي عايزاه
نهي : انا عارفة أن طلبي غريب وعارفة أنه مفيش وقت بس اعمل ايه انا بحلم بفرح زي ده من وانا صغيرة بس الظروف منعتني اعمل اكتر حاجة بحبها
داليا قلبها رق بعد ما كانت متعصبة
داليا: بصي علي الرغم أنه فعلا الوقت ضيق وانا يعني كنت شبه متعصبة بس ما تقلقيش حظبطك .....يوسف انا حاخد الشيفت كله ....يلا بينا
نهي بسعادة زي الاطفال : يلا بينا
طلعت نهي وداليا واستنوا العريس في كافيه
نهي : تعرفي انا علي قد ما مضايقة أنه جواز صالونات بس انا حاسة بارتياح من ناحية ذياد وحساه انسان كويس اوي مش بحسه زي أهله اوي بصراحة
داليا : انا اسفة مش قصدي تدخل بس مفيش انسان بيختلف عن عايلته طالما عايش معاهم لازم حياخد من صفاتهم
نهي : معاكي حق بس لما يكون عايش معاهم .....ذياد طول عمره برا مصر بقاله سنين شغال في لندن ومش بينزل مصر ما نزل غير لما باباه طلب منه كده عشان يتجوز
داليا: ربنا يخليكوا لبعض
نهي : اهو جه
ذياد : مساء الخير ياجماعة
نهي وداليا : مساء النور
قعد ذياد
نهي : دي مدام داليا الفوتوغرافر الي حتعملنا الصور
ذياد بابتسامة : اتشرفت بحضرتك
داليا حست أنه فعلا زي ما قالت نهي انه بني ادم كويس : أهلا بحضرتك
وبدأت داليا تقولهم علي برنامج اليوم والي حيعملوه
نهي : ذياد معلش لو الموضوع ده مضايقك أو معطلك احنا ممكن نلغيه
ذياد: ليه بس بالعكس الفكرة حبتها اوي ومش معطلاني ولا حاجة
داليا: ما تقلقيش كل حاجة ممكن يحتاجها استاذ ذياد للفرح يوسف حيقوم بيها وانتي برضوا كل حاجة قامت بيها آنسة شذي والفرح ده اختصاص أميرة وسارة فما تقلقوا كل حاجة مترتبة ......نبدا
نهي بحماس : نبدا
وفعلا خلصت داليا القهوة بتاعتها وبدأت التصوير من الكافيه الي هما فيه وبعدها طلعوا في مركب وبدأت تصورهم وبعدها طلعوا علي المكتب بتاعها وطبعا غيروا هدومهم عشان يبان أن الصور اتاخدت في أيام مختلفة وفعلا كملت معاهم تصوير ونفذت رغبة العروسة
اخر اليوم
نهي وعيونها فيها دموع : داليا بجد بجد انا مش عارفة اشكرك ازاي انتي فعلا حتخلي فرحتي تكمل
داليا: ما تقوليش كده ده شغلنا مش مجرد حفلة أو فرح لا اهم حاجة الشخص نفسه يبقي مبسوط
ذياد : فعلا زي ما قال اخويا الكبير اختياري لمكتبكوا مش حيخليني اندم ابدا
داليا بابتسامة : شكرا جدا لثقتكوا وانشاء الله كل حاجة تخلص علي خير
نهي : تستأذن احنا
داليا : اتفضلي ياحبيبتي
مشيت نهي وذياد
سارة : ها ايه الاخبار
داليا : كل حاجة تمام حسهر النهاردة اظبطلكوا الصور وابعتهالك
سارة : اشطا تمام
داليا : انتوا خلصتوا كل حاجة
سارة : خلص معظم الحاجات في حاجات بسيطة حنخلصها بكرا ما تقلقيش
داليا : والفستان وصل
أميرة : هو خلص بس شذي حتجيبه بكرا في طريقها الاوتيل
داليا : تمام اوي
قاطع كلامهم رنة موبايلها والي كان متصل ادم
داليا : طب ياجماعة ادم تحت انا ماشية باي
أميرة وسارة : باي
نزلت داليا وركبت العربية مع ادم ومشيوا
تاني يوم
صحيت داليا بدري ونزلت المكتب بتاعها
داليا : أميرة انتي وسارة عليكوا تخلصوا كل حاجة القاعة والحجوزات والاوتيل
أميرة بتمثيل تعب : ياداليا انا مش فاهمة انتي ليه مش عايزة تشغلي حد معانا احنا العدد قليل
داليا : أميرة احنا الي قومنا المكتب ده سوا ومحدش حيعمل زي ما بنعمل اي حد حيشتغل هنا حيبقي همه الفلوس وبس وانتي عارفة احنا ايه رغبتنا
أميرة : معاكي حق ما تقلقيش انا وسارة حننزل دلوقتي انا حروح علي القاعة. وسارة حننزل علي الحجوزات كلها تأكد للمرة الأخيرة عليها
داليا : جميل خالص ......شذي فين
سارة : ما تقلقيش زمانها دلوقتي في الاوتيل مع نهي
داليا: ويوسف
أميرة : مع العريس زي ضله ما تقلقيش
داليا : جميل خالص اطلع انا بقي علي الاوتيل ....سارة اول حاجة تطمني عليها الفستان وتبعتيه بسرعة منا ما اوصل ياريت يكون هناك
سارة : اوكيه
طلعت داليا علي الاوتيل وسالت عن اوضة نهي وطلعت فوق علي طول خبطت فتحت صاحبة نهي ودخلت داليا
نهي بسعادة : داليا كويس انك جيتي دلوقتي ...بصي انا اتفقت مع شذي علي الميكب ده بس انا امبارح شوفت واحد تاني ووريتهولها ولسه باخد رأيها ايه رايك ده ولا الاول
داليا بتأمل في الاتنين : التاني طبعا شكله اجمل بكتير
شذي : انا بقول كده برضوا شكله جميل اوي وحيليق مع ملامحها اوي 
نهي : يبقي خلاص حعمل التاني ......انا اسفة ياجماعة انتوا ممكن تحسوا اني زي الطفل الصغير في طريقتي  بس انا حبيتكوا اوي واعتبرتكوا زي عائلتي ربنا ما كتب يكون ليا اخت وحتي ماما الله يرحمها ما عرفت اشاركها حاجة
حست داليا وكل الموجودين بالحزن ناحيتها
فأسرعت داليا وقالت : حبيبيتي اعتبرينا كلنا هنا اخواتك وصدقيني فرحك حيبقي حاجة جامدة جدا وعلي ضمنتي
نهي بابتسامة : ميرسي اوي ياداليا بجد مش عارفة اقولك ايه
داليا : ولا حاجة يلا بقي ياشذي ابداي
وفعلا بدأت تحطلها الميكب وبعدها بدأت داليا تاخد صور ليها بBride robe وجات لحظة أنها تتصور مع صحابها
داليا : فين باقي صحابك
نهي : انا ما عندي غير تسنيم هي صحبتي
داليا : جميل تصدقي الصور الي حعملهالك انتي وهي بس اجمل بكتير من الصور الي بيبقي فيها صحاب كتير .....عمرها ما كانت بكتر الصحاب كفاية يكون معاكي صاحبة العمر الي بجد
شذي : لا كده داليا حتعمل عظمة وانا عايزة اكون جزء من العظمة دي
نهي : شور ياريت
وفعلا شذي جهزت نفسها
وبدأت داليا تصورهم مع بعض بطرق جميلة وبعدها بدأ الكل يساعد نهي أنها تلبس الفستان وبقي شكلها زي القمر
بعد وقت جه العريس وبدأت داليا تصوير الفرست لوك وكان اجمل فرست لوك تصوره داليا وبعدها طلعوا علي القاعة دخل العرسان وطبعا داليا الي كانت بتصور الدخلة بتاعتهم دخلوا وداليا خدتهم علي الاستيتج وهما واقفين أدت إشارة لاميرة وبدأت الصور بتاعتهم تنزل وطبعا نهي من كتر الفرحة بدأت تعيط وذياد مبتسم لفرحتها قربت منها داليا : بتعيطي ليه بس ده احنا بنفرحك
ذياد بهزار : شوفتي عايزة تبوظ الميكب الي صرفت دم قلبي عليه
وفضلوا يضحكوا كلهم خلصت الفقرة دي وطبعا بدأ العرسان يرقصوا وداليا فضلت مركزة كاميرتها عليهم بعد شوية راحت طلبت عصير عشان تكمل وفي اللحظة دي راحت سارة ناحيتها
سارة وشكلها مرتبك : داليا : بقولك ايه انا حاسة انك تعبانة ما تروحي واحنا حنكمل
داليا باستغراب من طلبها : اروح ايه من امتي بروح قبل ما يخلص الفرح
سارة : ياحبيبتي انتي مش ملاحظة وشك اصفر وتعبانة
داليا : تعبانة ايه ياسارة والنبي ما وقت هزار خلينا نخلص الفرح بقي
سارة في سرها : طيب وربنا يستر بقي
رجعت داليا تكمل صور وطلبت من يوسف هو الي يصور الموجودين لأنها قررت انها حتركز علي العرسان بس وطبعا دي رغبة من نهي الي طلبت منها كده وفعلا كل تركيزها عليهم بس
أميرة : داليا تعالي بسرعة عايزة اوريكي حاجة برا
داليا : حاجة ايه يابنتي مش شايفاني مشغولة
أميرة : يابنتي حاجة في التجهيزات
داليا : طيب طيب ثواني
وفعلا دقائق وطلعت معاها برا القاعة
داليا : ايه في بقي
أميرة وعينها علي باب القاعة : ابدا بس ..بس ..بس كنت عايزة أسألك علي حاجة وخلاص تمام دلوقتي
داليا بحدة : نعم يعني مطلعاني عشان ولا حاجة ....الصبر من عندك يارب
ودخلت داليا القاعة تاني
فضلت تصورهم لغاية ما لفت نظرها حاجة غريبة ومش متوقعة خالص
............: ازيك ياداليا

يتبع
SHIMAA - ABDELBAST