عشقت قلب محطم

part20

ماهي : سهران ليه لغاية دلوقتي
خالد : ابدا مش جايلي نوم
ماهي : وشك مضايق وشكلك في حاجة مزعلاك
خالد : تفتكري الي بيحب يقدر يثبت حبه ازاي
ماهي بتفكير : الي بيحب بيبان في عنيه بيبقي مشتاق دائما ملامحه بتتغير اول ما بيشوف حبيبه مش بيقبل فكرة أنه ممكن يبعد عنه وبيفضل متمسك بيه مهما حصل
خالد بابتسامة عاشق: والله بحبك جدا ....ومستحيل اسمح لأي حاجة أنها تبعدك عني ...حتي لو كانت الرخم اخوكي
ماهي بضحك : معلش أعذر باسم ...باسم علاقته بيا أشبه بعلاقة طفل بمامته بجد علي الرغم أنه هو الكبير بس من كتر حبه فيا بقت الغيرة عنده شديدة اوي
خالد بابتسامة : عذره الي يكون عنده اخت زيك من حقه يقتل الي يفكر ياجي جمبها
ماهي سكتت وخدودها بقت حمرا
خالد بابتسامة : طب والله بحبك اكتر لما بتتكثفي
ماهي : انا قائمة
خالد : لا خلاص
ماهي : تقعد مؤدب
خالد : حاضر حقعد مؤدب اهو
فضلوا يتكلموا كتير اوي لغاية ما الفجر إذن
ماهي : الفجر إذن.....قوم صلي وانا كمان حصلي وانام
خالد بابتسامة : حاضر ....تصبحي علي خير
ماهي : وانت من أهله
========================
تاني يوم
داليا وشيرين وملك وماهي قاعدين يتكلموا ويهزروا
شيرين : ايه ياجماعة احنا جايين اسكندرية نقعد في البيت انا عايزة انزل اتفسح واتمشي علي الكورنيش وكده بقي
ملك : معنديش مشكلة بس مش حيخلونا نطلع لوحدنا من هنا
داليا : خلاص انا حكلم ادم ياجي معانا (بصت ناحية ماهي بغمزة) وكمان خالد اهو يتفرج علي جمال اسكندريه
ضربتها ماهي في دراعها برفق
ماهي بهزار : بطلي رخامة بقي .......بس في مشكلة
داليا.: ايه هي
ماهي : باسم .....طالما حنقول لخالد باسم مش حيطلعني من غير ما يطلع معانا
داليا : خلاص ياجي معانا
ملك : انتي ما تعرفيش باسم .....مش بيحب الطلوع والفسح زينا عملي اووووي
داليا : ما تقلقوش ححل انا الموضوع ده
ماهي بفرح : بجد
داليا اها ما تقلقوش
قامت داليا وراحت لادم في المكتب مع عمه مصطفي ومحمود وكمان باسم خبطت ومصطفى سمح ليها تدخل
دخلت
داليا بابتسامة.: مساء الخير
الجميع : مساء النور
داليا باحراج : انا اسفة لو عطلتكوا عن حاجة
مصطفي بابتسامة : لا يابنتي اتفضلي تعالي
داليا : ميرسي اوي يااونكل ....كنت يستأذن حضرتك بس احنا النهاردة كنا عايزين نطلع نتفسح كلنا بليل فكنت يستأذن حضرتك بس تطلع معانا ماهي
مصطفي: مفيش مشكلة
باسم بسرعة : هو مين الي حيطلع بالظبط
ردت داليا بهدوء : كلنا يعني انا وماهي وشيرين وملك وادم وخالد و ...
قاطع كلامها بسرعة
باسم بسرعة : لا
داليا : مش فاهمة لا ليه
باسم بيحاول يتمالك أعصابه : انا قولت لا مش حينفع تطلع معاكوا
داليا لسه حتتكلم قاطعها بحدة : من غير ما تحاولي تقنعيني مفيش طلوع ليها وطلع من المكتب بسرعة
وادم اضايق علي طريقة كلام باسم ليها بس لما بص ناحيتها ما حسش أنها اضايقت أو أي حاجة بالعكس لقي ابتسامة صافية علي ملامحها
مصطفي : انا اسف يابنتي بالنيابة عن باسم بس هو طبيعته عصبي جدا
داليا بابتسامة وصدر رحب : مفيش مشكلة يااونكل ......ادم ممكن ثانية واحدة
طلع ادم مع داليا
ادم : انتي زعلتي
داليا بابتسامة : صدقني ما زعلت خالص بجد ....بس انا بستاذنك اني اتكلم معاه ....لأن وضعه كده خيقفل علي خالد وماهي الطريق ومتأكد أنه يحاول يحط عقبات كتير تمنع ارتباطهم
ادم باس علي أيدها وهو مبتسم : بجد انا ما شوفت حد في جمال قلبك ده ...اكيد ياحبيبتي اتفضلي
داليا بابتسامتها الجميلة : ربنا يخليك ليا يارب
ومشيت طلعت الجنينة لقت باسم قاعد لوحده وباين عليه الغضب راحت وقعدت قصاده باسم اول ما شافها افتكر الأسلوب الي اتكلم بيه معاها
باسم بسرعة : داليا ..انا اسف بجد مش قصدي اتعصب عليكي والله بس ..يعني ..
داليا : بس يعني ايه ...بص ياباسم انا مش قصدي حاجة بالي حقوله ولا قصدي اجرحك بجد بس الي انت شايفها طول الوقت معاك دي ماهي مش مامتك ....ومن حقها تعيش كماهي ...مش حينفع تمنعها تعيش حياتها مع الإنسان الي اختارته حتي لو بتحبها ...انا عندي اخ بيحبني بجد بس حبه ليا ما منعه أنه يخليني اكمل حياتي مع الي احبه ويحبني وانت عارف كويس اوي ومتأكد أن خالد بيحبها وهي بتحبه
كلام بينزل عليه زي الاسهم كل كلمة حقيقة وهو بيحاول يكدب الحقيقة دي من بدري بس خلاص هي أثبتت الي هو بيحاول يشكك فيه
باسم بحزن : انا بحبها جدا وياما اتقدم ليها ناس كتير كنت بطلع فيهم اي عيوب بس عشان ما تبعد عني بجد علي الرغم انها اختي الصغيرة الا اني بعتبرها امي واختي وبنتي كمان
داليا متأثرة بطريقة كلامه : انا متفهمة كل الي انت بتقوله بجد بس صدقني لو انت بتحبها زي ما بتقول اكيد حتحب انها تكون مبسوطة .....صدقتي احيانا لا نضحي عشان الي بنحبهم
باسم : معاكي حق حتي لو كنت بحبها مش حينفع اخنقها بحبي .....
داليا بابتسامة : يعني حتسيبها تنزل النهاردة
باسم : موافق .......بس بشرط
داليا : ايه هو
باسم : حنزل معاكوا
داليا بابتسامة : مفيش مشكلة
دخلت داليا ليهم بابتسامة واسعة : جهزوا تقيموا حنطلع ....باسم وافق
البنات بفرح : هيييه ..
ماهي : مش مصدقة ....باسم وافق اني اطلع وخالد معانا 
داليا : يابنتي قعدت ساعة احاول اقنعه والحمد لله اقتنع ....بس بشرط
ماهي بخوف: شرط ايه
داليا : حيطلع معانا
خالد الي ظهر فجاءة من العدم : نننننعم هو مين ده الي يطلع
داليا بتحاول تكتم ضحكتها : باسم ..حيطلع معانا بليل
خالد ببكاء تمثيلي : يعني ياربي مليش نصيب ابقي معاها لوحدي لازم الحيطة دي تبقي في كل حتة معايا
داليا ما قدرت تمسك نفسها من الضحك وانفجرت في الضحك هي والبنات علي منظر خالد
طلع ادم وهو شمتان في خالد وراح ناحية داليا ولف أيده وحوالين كتفها
ادم : ياعيني ....تعرفي ياداليا انا اعرف واحد بيحب واحدة وفي مقام خطيبها ومش عارف ياعيني يتكلم حتي معاها ربنا في يكون في عون الناس دي
خالد وعين بطق شرار : ماشي والله لاوريك ياادم
ادم بهزار : وانا مالي ياعم اتشطر انت بس علي باسم وبعدين تعالي ليا
داليا بضحك مش عارفة توقفه من هزارهم مع بعض : بس بقي ياادم الله حرام عليك ....ما تقلقش ياخالد حنحاول نبعد باسم عنك انت وماهي عشان تقدر تتكلم بدل الحرمان ده خالص
خالد بهزار : روحي ياداليا يابنت ام داليا ربنا يخليكي للغلابة الي زيي ...اه والله غلبان
انفجر الكل في ضحك وهزار وجو سعيد
جه الليل وكله بقي جاهز بس اتفاجاءوا لما لقوا نادين لابسة
نادين بتمثيل : ايه ده انتوا طالعين
ملك ردت : اه طالعين
نادين : ايه الصدفة دي اصلي انا كنت مخنوقة وقولت اطلع
داليا بهدوء : اتفضلي تعالي معانا
الكل استغرب داليا لان كلهم عارفين نية نادين وفاهمين هي عايزة ايه
الوحيد الي ما استغرب من رد فعل داليا هو ادم الي يصلها بحب وابتسامة جميلة زينت وشه
نادين : اوكيه يلا بينا
طلعوا
طلع ادم وداليا وملك في عربية ادم
وطلع شادي وشيرين ونادين في عربية شادي
وبقي معانا خالد وباسم وماهي راح خالد ناحية العربية وفتح الباب الي قدام علي اساس ماهي تقعد في الكرسي الي جمبه بس باسم فتح الباب الي ورا وركب ماهي وبعدين هو قعد جمب خالد وخالد متغاظ من وعلي آخره
ركب خالد العربية  ظبط المراية عشان يقدرها يشوفها واتحركوا كلهم
وطول الطريق خالد ما نزل عينه من علي المرايا لاحظ باسم نظراته فحرك اتجاه المراية
باسم بضحكة صفرا بعد ما خالد بصله : معلش اصلي عايز اظبط شعري
خالد بضيق : في كاميرا موبايل تقدر تظبط فيها
باسم ببرود : اصلي موبايلي كاميرته وحشة
خالد وهو بيجز علي سنانه: امري لله اتفضل
ومن ورا ماهي الي كاتمة ضحكتها بالعافية
وصلوا مطعم اكلات بحرية مشهور في اسكندرية واخدوا ترابيزة كبيرة اتجمعوا كلهم عليها طلبوا اكل واتعشوا وبعدها طلعوا علي مكان يشعروا فيه وصلوا وقعدوا وطلبوا عصير وبعدها بشوية اشتغلت موسيقي رومانسيه للي حابب يقوم يرقص ادم اخد ايد داليا وقاموا يرقصوا وشادي اخد ايد شيرين وقاموا خالد بص ناحية ماهي لسه حيطلبها الرقص كان باسم قام وخدها عشان يرقص معاها
ادم لاحظ فضل يضحك علي منظر خالد وداليا مستغربة سبب الضحك .....شوية ورجعوا قعدوا علي التربيزة
بعد شوية دخل اتنين من الي بيشتغلوا في المكان ومعاه تورتة كبيرة وعليها صورة داليا وراحوا ناحية الترابيزة بتاعتهم وحطوا التورتة واشتغلت اغنية عيد ميلاد
وداليا كانت ناسية أن النهاردة عيد ميلادها بصت لادم بسعادة وعيونها بتلمع اثر دموع سعادة
ادم : كل سنة وانتي طيبة ياحبيبتي وطول العمر معايا وما يحرمني منك يارب وبعدها باس أيدها وجبينها
قامت داليا وحضنته
داليا: ربنا ما يحرمني منك يارب ويديمك في حياتي
خالد مقاطع الجو الرومانسي الي هما فيه بهزاره المعتاد
خالد : ياعم خلص ....انا عايز اكل تورتة
انفجر الكل في الضحك علي طريقة خالد 
وكان في انفجار تاني أشبه بانفجار قنبلة بس في نادين الي كانت حتموت من الغيرة من داليا ومن حب ادم ليها وأنه مش بيحبها غير زي أخته
قطعت داليا التورتة واخدت جزء منها واكلت ادم وبعدها بدأت تاكل كل الي موجودين حتي نادين
بس نادين ردت بتناكة : سوري اصلي عاملة دايت
داليا بابتسامة : ولا يهمك
فضلوا يضحكوا ويهزروا
داليا : يعني انت اتفقت مع شيرين عشان نطلع الطلعة دي وانتي ما تقوليش ليا
شيرين بضحك: اقولك ازاي دي مفاجأة ....انتي عايزاني ابوظها ولا ايه
داليا بابتسامة : احلي مفاجاة في حياتي بجد
خلصوا السهرة وطلعوا علي البحر يتمشوا ادم ماسك ايد داليا وماشي ونادين عينها عليهم
ومن ناحية تانية باسم ماسك ايد ماهي ورايح بيها عند بتاع الدرة
باسم بابتسامة : انا عارف انك بتحبي الدرة اوي ثواني اجبلك
جبلها وبدأت تاكل فيه
ماهي : بجد ربنا يخليك ليا يارب
وحضنته وخالد عينه عليهم وحيموت من الغيظ
خالد لنفسه : ياربي مش انا اولي بالحضن ده ...الله يسامحك ياباسم
جه ادم وداليا جمب خالد
ادم : مالك قاعد سنجل وحيد كده ليه
خالد : ياعم انت مش شايف ...كل ما اجي جمبها يقولي مفيش حاجة رسمية بينكوا ...وربنا ثانية كمان يا اما حركي نفسي في البحر يااما حرميه هو وارتاح في الحالتين
ادم من كتر الضحك مش قادر ياخد نفسه وداليا يحمله بتحاول تكتم ضحكتها
داليا : طب ثواني حعمل محاولة وانشاء الله تنفع
راحت ناحية ماهي وباسم
داليا بابتسامة : باسم ممكن دقيقة
باسم : اه طبعا تحت امرك
خدته علي جمب
داليا : ممكن طلب
باسم : اه طبعا اتفضلي
داليا: ممكن تخلي ماهي وخالد يقعدوا مع بعض شويةباسم وملامحه اتغيرت 180 درجة : ده الي هو ازاي يعني لا طبعا
داليا : باسم احنا اتفقنا علي ايه ....وبعدين دول حيتكلموا مع بعض شوية سيبه يثبت حبه ليها قدامك .....طول ما انت لازق فيها ومخليه بعيد حتعرف ازاي أنه يستاهلها او لا وبعدين انت عارف ماهي كويس اوي وعارف أنها محترمة ومستحيل تعمل حاجة غلط ولا ايه.
باسم بسرعة : طبعا ...انا  واثق في ماهي ومش بشكك في اخلاقها ابدا
سكت شوية وبدأ يفكر في كلام داليا
باسم : ماشي موافق ....بس ما يمسكش أيدها آخره كلام وبس
داليا بابتسامة : اوكيه
راحت داليا لخالد : اتفضل يا استاذ روحلها بس ممنوع تقرب منها اخرك تقعد علي مسافة بعيدة منها
خالد : ده الي هو ازاي يعني
داليا : ده الي وافق عليه احمد ربنا
خالد بسرعة : علي رايك احسن من مفيش
وراح بسرعة ناحية ماهي وقعد معاها وداليا وادم بيضحكوا علي منظره وهو رايحلها ومنظر باسم الي عينه ما نزلت عنهم ثانية واحدة
طول عمري اعرف حب الاخوات وغيرتهم علي بعض إنما باسم تعدي كل حدود الغيرة حقق رقم قياسي فيها
خالد : اخيرا عرفت اقعد معاكي
ماهي : خالد انا مش عايزاك تزعل من باسم .....زي ما قولتلك قبل كده أنه متعلق اوي بيا
خالد :مقدر ياحبيبتي والله هانت قريب انشاء الله وتبقي علاقتنا رسمي ومحدش يقدر يمنعني
هما وبيتكلموا عدت عربية حمص شام
خالد : ثانية واحدة ياقلبي
راح ناحية العربية في نفس اللحظة الي باسم راح ناحيتها لانهم الاتنين عارفين انها بتحبه
خالد وباسم في نفس اللحظة : اتنين حمص شام لو سمحت
بص الاتنين لبعض باستغراب
خالد : خليهم تلاتة لو سمحت
خالد مد أيده بكوباية : اتفضل
باسم أخدها  : متشكر
ابتسم خالد وراح ناحية ماهي : اتفضلي ياقلبي
ماهي : الله ميرسي اوي ياخالد
بصت ناحية اخوها لأنها عارفة أنه بيحبه وبيحب يأكله معاها
خالد لاحظ أنه حط الكوباية جمبه وسرحان
خالد : بقولك ما تيجي نروح جمب باسم وناكله هناك
ماهي  بسعادة : يلا بينا
وراحوا ناحية باسم الي مسك الكوباية بتاعته لما جت حتي الي بدأ ياكل منها
خالد حس بكسرته وأن الي بيعمله عشان مش قادر يتخيل أخته بعيدة عنه
نادين واقفة مع شيرين بيتكلموا
نادين : فين موبايلي. .....اوبس انا شكلي نسيته في العربية
راحت ناحية شادي واخدت منه المفاتيح بتاعة العربية والغربية مركونة علي الناحية التانية من الشارع راحت وجابت التليفون وهي راجعة في عربية جاية ناحيتها بس هي ما خدت بالها والعربية خبطتها جري الكل ناحيتها بسرعة لقوها بتنزف من دماغها
شالها ادم بسرعة وحطها في العربية وركبت ماهي جمبها وداليا من قدام
ماهي مسكت أيدها تشوف نبضها
ماهي : نبضها ضعيف خالص بسرعة ياادم بتنزل جامد اوي
وصلوا المستشفي في وقت قياسي ونزل بسرعة ودخل بيها المستشفي واتجمع حواليها الدكاترة بسرعة
الدكتور : بسرعة علي اوضة العمليات طلعوا بيها وادم وماهي وداليا قدام اوضة العمليات والكل جه بعدهم خالد وباسم وشادي وشيرين وملك وما رضيوا يقولوا لحد في البيت
بعد وقت طلع الدكتور
ملك : خير يادكتور
الدكتور بأسف: المريض نزفت كتير ومحتاجة نقل دم بس للاسف فصيلة دمها نادرة ومش موجود منها في المستشفي
ادم : فصيلتها ايه يادكتور
الدكتور : O إيجابي
داليا بسرعة : انا فصيلتي زيها ....وانا مستعدة اتبرعلها  بس بسرعة لو سمحت
الدكتور : تمام حتروحي مع الممرضة وهي حتعمل اللازم وفعلا راحت وسحبوا منها دم ووصلوا بماهي
بعد شوية طلع الدكتور وملامحه أكثر ارتياحية
الدكتور : الحمد لله احنا كده يعتبر عدينا مرحلة الخطر شوية وحتطلع وحننقلها اوضة تانية ..عن اذنكوا
الكل كان مبسوط من كلام الدكتور الي طمنهم علي الجانب التاني داليا الي قاعدة علي كرسي من بعد ما سحبوا منها دم وادم قاعد جمبها والاتنين حسوا بالراحة من كلام الدكتور.
بعد وقت طلعت نادين من اوضة العمليات ونقلوها اوضة تانية
لما الكل اطمن أنها كويسة قالوا للي في البيت وطبعا كلهم كانوا في المستشفي
ناهد بخوف وبكاء : بنتي ...بنتي فين
باسم : ما تقلقيش ياعمتي هي كويسة اوي الدكتور طمنا عليها وهي حاليا نائمة شوية وحتفوق
ناهد : انا عايزة اشوفها
باسم : والله حتشوفيها بس استني شوية لغاية ما تصحي
وقعدها علي كرسي جمب داليا
داليا حبت تواسيها في الي هي فيه
داليا بصوت تعبان : ما تقلقيش ياطنط هي حتبقي كويسة انشاء الله كلها نص ساعة وتفوق ما تقلقيش
بصت ناهد ناحيتها بضيق : وانتي مالك ...ملكيش دعوة بيا أو ببنتي
ادم اتعصب من طريقة كلامها فكمل بحدة : عمتي انا ما اسمحلكيش انك تكلمي مراتي كده وبالاسلوب ده
ناهد بعصبية : والله ده الي عندي مش عاجبها في داهية
وداليا بتحاول تفض التشابك ده ومش قادرة لأنها حاسة بدوخة فوقفت عشان تهدي ادم بس حست الأرض بدور حواليها وما قدرت تتحكم في توازنها فنادت باسم ادم الي حري بسرعة ناحيتها وما كمل في كلامه مع عمته
ادم بخوف : داليا ...داليا .
جات ماهي ناحيتها بسرعة
داليا : شكلها تعبت من نقل الدم بسرعة تعالي ننقلها علي اوضة ويتركبلها محلول
وفعلا شالها وراح بيها علي اوضة في جمب اوضة نادين واتعمل ليها اللازم كله 
ناهد : نقل دم ايه
شيرين : نادين كانت محتاجة نقل دم وفصيلتها نادرة بس داليا نفس الفصيلة فاتبرعتلها وراحت شيرين ورا ادم وداليا عشان تطمن عليها .......

يتبع
SHIMAA-ABDELBAST