عشقت قلب محطم

part6

ادم:لا في أنا بحبك
صمت مع صدمة خدت وقت عشان تقدر تتكلم
داليا: انت بتقول ايه ........بتحب مين
سكتت شوية وبعدين ضحكت وقالت : ياه هو انا صعبت عليك اوي كده
ادم مقاطعا: صعبتي علي مين ايه الي بتقوليه ده .....داليا انا كان في اعجاب بيكي قبل ما نتجوز بس ما كنت عايز اعلق نفسي بيكي لان كنت واهم نفسي اني بحب مي بس انا فعلا مش بحبها وسبحان الله القدر خلانا نتجوز حتي لو مش بمزاجنا بس بعد ما اتجوزنا حرفيا بقيت برتاح لما تبقي موجودة وببقي مبسوط اوي لما بتضحكي .......يمكن اكون اتسرعت في الكلام معاكي بس دي حقيقة انت بحبك جدا
داليا فضلت ساكتة وقت وبعدها قامت وهي ماشية
داليا: ادم لو سمحت طلقني
ومشيت وسابت ادم مصدوم من كلامها ومن رد فعلها فضل في مكانه بعد ما مشيت وقت وهو بيفكر أنه مستحيل يطلقها وأنه لازم يلاقي حل وبعد وقت فتح موبايله وكلم حسام
ادم: حسام لو سمحت انا محتاج اقابلك دلوقتي ضروري
وقفل الموبايل وطلع بالعربية
حسام : خير ياادم داليا بخير
ادم: ما تقلقش انا بس عايز اتكلم معاك وحبيت يكون برا بيتك أو بيتي عشان ما حد يعرف
حسام : خير طمني في ايه
ادم قال لحسام كل الي حصل
حسام: ادم داليا ثقتها قلت جدا في اي حد وما بقت بتؤمن بالحب ومقتنعة أنها لو حبت اي حد مصيره يتعب من حبها زي هشام ويسيبها وهي مش حمل صدمات
ادم: ياحسام انا بحبها بجد انا بقالي ساعات من وقت ما قالت عايزة تطلق وانا بفكر انو مستحيل يحصل انا عارف أنه اتفاق بينا بس انا مش عايز الاتفاق ده انا عايز داليا
حسام: ادم انت لازم تثبتلها انك بتحبها داليا مش حتصدق بالكلام
ادم: بقولك عايزة تطلق في اسرع وقت اختك مش عايزة تدي نفسها فرصة حتي تحب
حسام : ادم داليا عاملة زي البيبي لما بتحب بتتعلق بس بسبب هشام الي أقنعها انها بتحب بطريقة غلط وان ده مش حب ده زهق بطلت تحب
ادم:  انا مش فاهم هي حبت الحيوان ده ازاي حد يلاقي ملاك زيها يحبه ويقول خنقة
حسام : هو انت بتحبها بجد
ادم: يعني منزلك في الفجر عشان تقولي بتحبها بجد انت اهبل
حسام : ادم بصراحة داليا بتحبك
صدمة بس صدمة جميلة اوي علي قلبه
ادم: انت بتقول ايه ......بتحبني
حسام : اه .....داليا قبل ما تمشي كنت قاعد معاها لقيتها بطلع الصور بتاعتها مع هشام ......فلاش باااك
حسام : داليا انتي بتعملي ايه
داليا: فاكر ياحسام قولتلك ايه من سنتين وانا بتعالج
قولتلك اليوم الي هشام حيطلع من قلبي واحب غيره صوره مش حتبقي هنا
حسام بفرح : داليا انتي حبيتي ونسيت الحيوان ده
داليا بحزن : للاسف اه
حسام : ليه للاسف
داليا: عشان أنا عارفة أنه مش حيحبني زي ما حبيته ولا حيفضل اني احبه لأن ببساطة كده الظروف جبرته عليا ......شكلي كده بقيت مفروضة علي كل حد في حياتي
حسام : ما تقوليش كده ياداليا انتي مش عارفة قيمة نفسك .....من كلامك فهمت انك بتحبي ادم .....ليه شايفة انك مفروضة عليه انتي حاجة كبيرة وغالية جدا علي اي حد والي يلاقي حبه في قلبك يبقي هو الي كسب ..كسب اجمل انسانة في الكون كله
داليا: ياريته يكون بيحبني بس اظاهر أنه مكتوب عليا احب الي مش شايفني
بلاك
ادم وعلي وجهه ملامح الغضب : نعم....... يعني بتحبني وكان نفسها اكون بحبها ولما اقولها بحبك تقولي طلقني اختك مجنونة ولا ايه
حسام : داليا خايفة تعلقها بيك وتسيبها ياادم
ادم بهدوء: اسيب ايه بس ... اما حرفيا اتعلقت بيها والله لدرجة نسيت أننا المفروض كنا حنطلق ناسي الفكرة وشايلها من دماغي خالص ........حسام داليا لازم ترجع طبيعية وتنسي الي حصل معاها ولازم تعترف بقي بحبها وما تسيبنيش
حسام : انا تحت امرك في اي مساعدة
ادم: تمام يلا اوصلك وبعدين نشوف حنعمل ايه
مسئول وكل واحد راح بيته وادم فضل صاحي لغاية ما طلعت الشمس وهو مش عارف ينام فضل قاعد في الجنينة لغاية ما حس أن الي في الفيلا تقريبا صحيو وبعدها قام وطلع الأوضة لقاها صاحية ومطلعة شنطتها وبتطلع في هدومها
ادم: ايه ده انتي بتعملي ايه
داليا: بلم هدومي وماشية ....وياريت إجراءات الطلاق تتم بسرعة
ادم فضل ساكت طلع من الأوضة وهي حست بضيق من الي بتعمله بس علي الرغم انها بتحبه بس في حاجة منعاها أنها تثق في حبه ليها
رجع ادم الأوضة بعدها بوقت  باين علي ملامحه حزن وغضب
ادم: انا كلمت المحامي وقولتله يشتغل في إجراءات الطلاق وقالي أنها حتاخد اسبوع علي ما يجهز كل حاجة
هزت داليا رأسها بمعني تمام وبعد شوية باب الأوضة خبط
ادم : ادخل
شيرين : صباح الفل .....ايه ده ايه الشنط دي انتوا مسافرين ولا ايه
ادم: لا داليا خلاص حتمشي
شيرين : حتمشي فين
داليا: ماشية بيتي ياحبيبتي
شيرين بحزن: ايه ده هو انتوا حتنفصلوا
ادم: اه ياشيرين
شيرين ببكاء : لا عشان خاطري
داليا : حبيبتي ما تعيطيش احنا متفقين علي كده من الاول وكلكوا عارفين عشان خاطري ما تزعلي
شيرين : المشكلة مش فيكي ياداليا المشكلة فيا انا الي انكتب عليا اني افضل وحيدة كان نفسي في اخت ولما ربنا ادهالي خدها تاني مني ده حتي عيد ميلادي اخر الاسبوع وكنت مخططة اعمل فيه حاجات كتيرة معاكي تقومي تسيبيني وتمشي
داليا حست بحزن شديد علي حالتها وعلي احساسها بالوحدة الي هي كمان كانت بتحسه
داليا: طيب خلاص عشان ما تزعلي انا حفضل لغاية عيد ميلادك عشان ما تزعلي وبعدها حبقي امشي ممكن
شيرين بفرح : طبعا ممكن انا متاكده أنه حيبقي اجمل عيد ميلاد مر عليا في حياتي
داليا: طيب عن اذنك بقي اخلي حد يطلع الشنط طلعت داليا من الأوضة واترسمت ابتسامة خبيثة علي وش ادم
ادم: ايه ده فاتن حمامة بتمثل
شيرين : عيب عليك ياابيه انا خبيرة في الموضوع ده
ادم: كده قدامنا اسبوع واحد بس لازم داليا تنسي الي حصل زمان وترجع تثق في الناس تاني
شيرين : انا معاك شوف انت حتعمل ايه وانا معاك