صحيت داليا لقت نفسها جمب ادم والفريق بتاعها واقف ومندهشين كلهم ومجموعة من الموظفين واقفين يتكلموا بهمس ونظرات غريبة من الكل وادم الي واقف مش فاهم في ايه وازاي داليا نائمة علي دراعه بالشكل ده والف سؤال وسؤال بيدور في دماغ كل واحد من الواقفين
مي بتمثيل: ايه ده ياادم ........ يعني أنا ما حبيت غيرك في حياتي وانتي تعمل كده
ادم : عملت ايه ....مي في سوء تفاهم
مي بغضب : سوء تفاهم ايه بعد الي شوفته
ادم : مي افهمي الاول انتي مش فاهمة حاجة أنا بعد ما شربت القهوة ما حسيت بنفسي اصلا غير دلوقتي
مي : قهوة ايه ياادم انا شريت زيك قهوة وما حصل حاجة
ادم: لحظة واحدة احنا طلبنا القهوة وبعدها انتي قولتي انك حتروحي تظبطي الميكب بتاعك عشان نكمل وبعدها انا مش فاكر حاجة
مي : انا فعلا روحت اظبط الميك اب بس مامي كانت تعبانة وروحت ليها بسرعة حتي من غير ما اقولك لاني كنت مستعجلة اوي
نظرت مي ناحية داليا تحدثها بغضب
مي : اكيد انتي عملتي حاجة طبعا واحدة زيك سهل أنها توقع اي حد في غرامها من اول يوم اشتغلتي فيه معانا وانا مش مستريحة ليكي
وداليا مش بترد دموعها نازلة من غير رد مش مصدقة الي هي فيه وازاي الدنيا انقلبت في كام ساعة بس
خالد : طيب وايه فيها ياانسة مي لما داليا تمام علي دراع ادم
مي بنظرة غاضبة حادة : انت بتقول ايه ده خطيبي
خالد: وهي مراته
كلمتين قالهم دخلت الكل في صدمة من الي قاله
مي بغضب : انت بتقول ايه مرات مين
خالد : زي ما بقول لحضرتك كده ..........كل واحد فيكوا علي شغله يلا ايه الي موقفكوا كده
انصرف الجميع علي مكاتبهم وفريق داليا طلع برا ولم يتبقي في المكتب غير ادم وداليا ومي وخالد
خالد : ادم لو سمحت عايزك
ذهبا ادم وخالد بعيدا عنهم
ادم بغضب : مرات مين ياخالد انت اتجننت
خالد : اهدي ياادم انت مش فاهم حاجة
ادم : افهم ايه
خالد : كل الكلام الي قالته مي كدب ياخي لو طفل مش حيصظق كلامها ......وغير كل ده انا شوفت كل حاجة بعيني
ادم : مش فاهمة قصدك ايه
خالد : ادم انا رجعت الشركة امبارح لاني كنت ناسي ملف كنت عايز اشتغل عليه وانا داخل لقيت مي بتاخد القهوة من الأوفيس بوي وبتحط فيها حاجة أنا افتكرت أنها حاجة ليها هي بس بعد الي جيت ولقيته دلوقتي انا بقي متاكد انها هي الي عملت كده
ادم: برضوا كلامك ما ياكد الي حصل وما يديك سبب انك تقول انها مراتي
خالد : ادم صدقني بقي بلاش تعاند وبعدين حتي لو مش هي الي عاملة كده الي انا قولته ده عشان ينقذ داليا من الموقف الي هي فيه انت مش شايف نظرات الموظفين ليها ودي بنت والكلام مش حيخلص
ادم : خالد اسمعني كويس تطلع دلوقتي تنفي كل الكلام الي قولته حالا لو سمحت
خالد : لا ياادم مش حنفي حاجة أنا لو قولت غير كده تبقي داليا ادمرت حرام عليك
فكر ادم في كلام خالد ولقي أنه فعلا لو عكسوا الكلام ده حياذي داليا جدا
ادم: خلاص يبقي تطلع تنفي الكلام ده قدام مي علي الاقل
خالد بضيق : ماشي ياادم بس مسير الايام حتثبتلك
رجعوا المكتب لقوا مي بس الي موجودة
خالد: فين داليا
مي بغضب : غارت في داهية
خالد: انسة مي كل الي قولته من شوية كذب ادم ما اتجوز داليا ولا حاجة بس احنا قولنا كده عشان الموظفين والكلام ما يكتر
مي : موظفين ايه وهما مالهم
خالد: آنسة مي دي سمعة شركة وسمعة ادم من سمعة الشركة ولو حد اتكلم برا حتبقي مصيبة علينا
اخدت مي شنطتها ومشيت
======================
في منزل داليا
الاب : يابني اختك ما جات من امبارح انا قلبي مش مرتاح
حسام : برن مش بترد يابابا
الاب: لا انا مش مرتاح انا حنزل اشوفها بنفسي
في تلك الأثناء دخلت داليا من باب المنزل
الاب بلهفة : داليا كنتي فين يابنتي
ظلت داليا صامتة
حسام : مالك ياداليا ساكتة ليه كنتي فين ياحبيبتي من امبارح
اتجهت داليا لغرفتها وأغلقت باب الغرفة خلفها
قام الأب متجها لغرفتها لكن أوقفه حسام
حسام: سيبها يابابا شكلها تعبانة
الاب: اشوف مالها بس يابني انا مش مطمن
حسام : انا عارف داليا يابابا طالما مش بترد يبقي في حاجة خنقاها اوي ومش حتعرف تتكلم دلوقتي
سمع الاب لكلام ابنه وجلس علي مقعد يفكر فيها
داليا في غرفتها تجلس خلف الباب تضم قدميها لصدرها وتبكي دون توقف هي مش مصدقة الي حصل لغاية دلوقتي وليه بيحصل معاها كده ظلت تحدث نفسها حتي نامت دون أن تشعر
=====================
صوت عالي جدا خلاها تصحي مفزوعة وجدت هاتفها يرن وكان المتصل أميرة وسارة
ومن ناحية أخري حد بيخبط علي الباب قامت داليا بسرعة تفتح باب الأوضة وقبل أن تنطق بكلمة كان وجهها قد تلقي صفعة قوية من أبيها وحسام يحاول ابعاد ابيه عنها وداليا في حالة من الصدمة والذهول ابيها الذي يعشقها ضربها
الاب : بقي انا اديكي الحرية والثقة وتخونيهم ليه بتعملي كده
حسام : يابابا اهدي اكيد في سوء تفاهم
الاب بغضب : سوء تفاهم ايه انتي مش شايف الخبر الهانم اتجوزت ادم السيوفي وانا مش عارف
حسام : داليا الكلام ده حقيقي ولا ايه ما تفهمينا
في تلك اللحظة باب الشقة خبط وفتح عايدة الباب وكانت سارة وأميرة دخلوا اوضة داليا بسرعة أميرة اخدت داليا في حضنها وسارة طلبت من والد داليا أنها تتكلم معاهم وتفهمهم كل حاجة
وبالفعل خرج حسام وأبيه وسارة وشرحت ليهم كل حاجة
في تلك اللحظة شعر الاب بالغضب من نفسه أنه ضرب بنته وأنه قلل من ثقته فيها وازاي يصدق حاجة زي دي
في تلك اللحظة دق الباب وفتح حسام
خالد: ده بيت الآنسة داليا
حسام:ايوة مين حضرتك
ادم: انا ادم السيوفي وده استاذ خالد
حسام : اهلا بحضرتك اتفضل
دخل ادم وخالد وجلسوا مع والد داليا
ادم : حضرتك والد داليا
الاب : اه انا مين حضرتك
ادم : انا ادم السيوفي.
خالد :معلش ياادم اسمحلي انا اتكلم واشرح لاستاذ محمود الي حصل
الاب : انا عرفت كل حاجة
خالد : بس صدقنا حضرتك الخبر طلع من الشركة ازاي انا مش عارف ووصل الاخبار بالطريقة دي واحنا حفاظا علي بنت حضرتك جايين نطلب من حضرتك أن يتكتب كتابهم دلوقتي قبل ما حد ينشر خبر تاني وما نعرف نعمل ايه
في اللحظة دي طلعت داليا من الأوضة وسمعت الي قالوه
داليا بغضب وبكاء وصراخ وتلعثم معا: للللللا ممممش مموافففقة اااانننت فاكرررررني اااااييييه
(لا مش موافقة انت فاكرني ايه )
لم تكمل كلامها وشعرت بدوار وفقدت الوعي اسرع ناحيتها حسام وقام بحملها ووضعها علي فراشها وسط خوف الجميع واتصل ادم بالدكتور وبعد الكشف
الاب: ايه يادكتور طمني بنتي مالها
الدكتور: هي عندها صدمة عصبية ..انا كتبتلها علي مهدئات وادتها منوم عشان ترتاح شوية بس ياريت محدش يتعبها ولا يوترها لأن ده مش في مصلحتها
الاب : متشكر اوي يادكتور .....حسام وصل الدكتور
خرج الدكتور وجلس الجميع يفكرون في الي حصل ليها وايه الحل
بعد وقت اتفتح باب اوضة داليا فضلت باصة ليهم كلهم وبعد دقائق من الصمت
داليا: انا موافقة
الكل مصدوم من تغير رأيها المفاجئ راحت سارة وأميرة ليها وقفلوا عليهم باب الأوضة
سارة : داليا انتي متأكدة من الي انتي قولتيه ده
داليا : أيوة ياسارة
أميرة : داليا مش انتي الي حد يجبرك علي حاجة حبيبيتي قولي لو في حاجة جابراكي
داليا: مفيش حاجة ياجماعة انا موافقة اني اتجوزه
فلاش باك
داليا فاقت ما لقيت حد في الأوضة بعد دقائق لقت الباب بيتفتح ودخلت مرات ابوها
عايدة : انتي فوقتي
هزت داليا رأسها بمعني أيوة
عايدة : بصراحة كده رفض ابوكي لابن اختي كان من حظه الكويس طول الوقت فخور بتربيته ليكي وادي آخرة تربيته وحريته ليكي قالت ما قالت وخرجت من الأوضة
نظرت داليا ليها نظرة حادة علي الكلام الي بتقوله وفضلت تكلم نفسها ليه جاية تقول الكلام ده دلوقتي معقولة تكون شمتانة في بابا ......طبعا ما هو طول الوقت بيمنعها تفرض سيطرتها عليا وطول الوقت بيسندني ومديني الثقة والحرية دائما بس لا انا مستحيل اخلي حد يكسرك ولا يقال من تربيتك ليا
باك.....
داليا : لو سمحتوا ياجماعة ما حد يتكلم معايا في الموضوع ده
بعد وقت قصير دخل حسام الأوضة
حسام : داليا المأذون برا
داليا : حاضر ياحسام جاية وراك
وبعد دقائق طلعت داليا وقعدت جمب والدها
وسألها المأذون : آنسة داليا موافقة علي الجواز من استاذ ادم محمد السيوفي
داليا: موافقة
وكتب الكتاب وأصبحت زوجة ادم السيوفي
يتبع
SHIMAA_ABDELBAST
أنت تقرأ
عشقت قلب محطم
Romanceالرواية عن بنت اسمها داليا بنت جميلة وعفوية بس الزمن غير من صفاتها بقت إنسانة من غير روح بطلت تؤمن بحاجة اسمها حب او وفاء وبطل روايتنا ادم الي حيغير مجري حياتها الرواية مزيج بين صفات عكس بعض خيانة ووفاء حب وكره وتحتوي علي بعض المواقف المضحكة ات...
