عشقت قلب محطم

part7

في اليوم التاني داليا علي آخرها ومتعصبة من ماهي وحركاتها بس طبعا مش عايزة تبين لاي حد هي خلاص مقررة أنها تبقي لوحدها عشان ما تجرح ولا تتجرح وفي نفس الوقت عايزاه ليها لوحدها بالعربي مش عارفة تاخد قرار
فضلت تفكر في طريقة تتخلص بيها من ماهي من غير ما يبان أنها السبب فكرت ازاي تطفشها من هنا وجاتها فكرة الي خلتها تبتسم بشر نزلت تحت تحضر الغدا مع مامة ادم واستغلت أن مامته طلعت من المطبخ ومسكت ازازة العصير بتاعة ماهي وحطت فيها حبوب وقفلت الازازة تاني بسرعة وبعد شوية دخلت ماهي المطبخ
ماهي : صباح الخير
داليا: صباح النور
راحت ماهي ناحية التلاجة واخدت الازازة وشربت منها وطلعت بعدها برا وداليا سامعة صوتها بتهزر مع ادم
ماهي بدلع :يلا ياادم بقي انا بقالي فترة ما روحتش جيم يلا بقي عشان تدربني
داليا واقفة بتشيط من الي بيحصل
ادم بابتسامة: حاضر ياستي يلا
وقبل ما يطلعوا من باب الفيلا وماهي مسكت بطنها
ماهي بالم: اه يابطني ...اه
ادم بقلق : ماهي مالك
ماهي بالم: مش عارفة بطني حتموتني
وجريت ماهي بسرعة علي اوضتها وفضلت في الحمام ساعات اثر الملين الي داليا حطته في العصير وداليا واقفة مبتسمة وحاسة بانتصار
داليا في سرها: عشان ما تبقيش تاخدي حاجة تاني مش بتاعتك
اخر اليوم ماهي مع ادم في المكتب
ماهي : علي فكرة أنا حاسة أنها هي السبب في الي حصلي
ادم: مستحيل داليا هادئة جدا مش حتعمل حاجة زي كده ابدا ....وبعدين انا وافقت علي الخطة الي بنعملها عشان عارف انها مش حتاذي حد
شيرين: فعلا ياماهي داليا طيبة اوي ومستحيل تعملك كده تلاقيكي بس انتي الي كلتي حاجة مش كويسة وعملت معاكي كده
ماهي : ممكن برضوا .......طيب ايه ناويين علي ايه معاها
ادم ييأس : بقالنا ٣ايام وبرضوا ما اتحركت ولا باين عليها غيرة ولا بتدي اي رد فعل
شيرين بحزن: ايه يا ابيه ما تقلق حترجع صدقني .....بص بكرا الصبح تقول لماهي انك عايز تفسحها وحنشوف رده فعلها ايه
ادم: اوكيه ياشيرين
====================
تاني يوم الصبح وهما بيفطروا
ادم: بقولك ياماهي ايه رايك النهاردة اخدك افسحك في القاهرة كلها انتي بقالك كتير ما جيتي هنا
ماهي: بجد ياريت اوي
ادم: خلاص افطري واجهزي علي طول
ماهي: انا خلصت ثواني وحلبس
وفي نفس اللحظة داليا الي شرقت لما سمعتهم حيطلعوا
شيرين: ايه ياحبيبتي مالك ....خدي اشربي
داليا: لا انا تمام
شيرين : ما تاخدنا معاك ياابيه انا وداليا
ادم: معنديش مشكلة بس داليا ممكن ما توافق
داليا بسرعة من غير إدراك: لا موافقة .....قصدي قصدي يعني عادي مفيش مشكلة
ادم بابتسامة : طيب اطلعوا اجهزوا وانا حجهز العربية واستناكوا برا
ادم في العربية ولقاهم التلاتة طالعين من باب الفيلا
وجريت ماهي وقعدت جمب ادم من قدام وداليا حطق نفسها تمسك ماهي تقتلها
قعدت داليا من ورا وهي عينها ما اتشالت من عليهم ولا من علي ماهي وهزارها المستمر ولا من دلعها الي بتظهره
ماهي : ممكن تودينا برج القاهرة انا من بدري جدا عايزة اروحوا
داليا : لا بلاش البرج
ماهي : ليه بس ده حلو اوي
داليا : معلش مش حقدر أطلعه
ماهي : خلاص خليكي انتي في العربية. احنا حنخلض وناجي
ادم بص لماهي بحدة بس ماهي غمزتله بمعني  استني
وصلوا وادم وشيرين وماهي نزلوا وكلهم في انتظار انها تنزل بس ما نزلت ادم كان بدأ يتعصب من ماهي بس ثواني وسمع صوت داليا
داليا : ثثواني انا جاية معاكوا
ادم حس بسعادة وشاف أن كلام ماهي جاب نتيجة وفعلا طلعت معاهم وبقوا فوق جدا كلهم دخلوا عادي الا داليا الي داخلة وهي مرعوبة من الارتفاع وماشية ماسكة في الحيط من كتر خوفها
ادم: داليا في حاجة
داليا حركت رأسها بمعني لا
ادم حس بأنها خايفة فمسك أيدها الي اول ما مسكها لقاها بتضغط عليها من كتر خوفها حس ادم أنه كده بيضغط عليها
ادم: ماهي ..شيرين يلا بينا كفاية كده
ماهي: لسه بدري ياادم احنا لسه داخلين
ادم بحدة : انا قولت كفاية يلا بينا
شيرين : طيب حنروح فين
ادم: حخليهم يجهزوا مركب لينا يلا بينا
حست داليا بفرحة من اهتمامه وانها فعلا نفسها تركب مركب
وراحوا وفضلوا يلفوا في النيل بيها وداليا كانت جايبة الكاميرا بتاعتها رغبة من شيرين وفضلت تصورهم وبعدها بدأت تصور المناظر الطبيعية ومنظر المية
ادم: شكلك جميل اوي انتي وبتصوري
داليا حست بكسوف بس طبعا ما بينت ليه : متشكرة اوي
خلصوا المركب وراحوا شارع المعز وفضلوا يتمشوا وياخدوا صور وكانوا مبسوطين اوي وطبعا داليا فضلت مراقبة ماهي وبتحاول تخليها بعيد عن ادم بأي طريقة
وخلص اليوم وراحوا عشان يروحوا بس داليا راحت بسرعة وقعدت في الكرسي الي جمب ادم
داليا: معلش اصلي رجلي وجعتني من اللف فعشان كده قعدت هنا
كلهم مبسوطين من الي بيحصل واكتر واحد مبسوط هو ادم الي كان حيطير من كتر السعادة والي اتاكد أنها فعلا بتحبه
وصلوا البيت ودخلوا كلهم باين عليهم تعب اليوم وكل واحد طلع علي أوضته وطلعت داليا اوضتها بعد ما اتاكدت أن ماهي دخلت أوضتها
غيرت داليا هدومها ووقفت في الفرندة وفضلت تفكر مع نفسها
هو الي بعمله ده صح ......هو بيحبني ...بس اكيد مش حيتحمل حبي ليه كتير .....طيب ما تسببه يشوف حياته ليه بتحاولي تبعدي ماهي منه ......هو مش بيحبها.....طب ما تسيبيهم .....لا مش حسمح ليها تقرب منه ......يوه بقي انا دماغي حتتشل انا حروح انام احسن
تاني يوم صحيت داليا قررت خلاص أنها حتسيب ادم لماهي ومش حتحاول تمنعها منه وفعلا نزلت داليا عشان تفطر بس المرة دي ما قعدت جمب ادم وقعدت جمب مامته وادم لاحظ أنها بتبعد عدي اليوم وداليا مش بتبص ليه حتي ولا يتركز مع ماهي زي كل يوم بالعكس خالص دي زي ما يكون عرفت الخطة وسيباهم يعملوا الي عايزينه ادم حيتجنن دخل اوضة المكتب وفضل يتحرك في مكتبه مش عارف ايه حصل ما امبارح كانت تمام ايه حصل
شيرين : ايه حنعمل ياابيه ...داليا مفيش حاجة محركاها حتي لما قولنا أنها خلاص بدأت تفك امبارح قفلت تاني النهاردة ايه الحل
ادم بياس : مش عارف ياشيرين سيبيني دلوقتي
فضل ادم يفكر الليل كله لغاية ما نام في المكتب من كتر التعب والتفكير
تاني يوم صحيت داليا ما لقت ادم في الأوضة نزلت سالت عليه الخدم قالولها أنه طلع النهاردة الصبح بدري
داليا حست بقلق واستغربت أنه ما دخل الأوضة من امبارح
عدي اليوم وجه الليل الكل قاعد بيهزروا ويضحكوا الا داليا الي حاسة بقلق من الصبح من ساعة ما صحيت وما لقته
وبعد شوية دخل خالد من باب الفيلا
خالد: مساء الخير
الجميع : مساء النور
ام ادم: اتفضل يابني تعالي اومال فين ادم
سكت خالد
داليا بخوف : فين ادم ياخالد
خالد بحزن: ادم في المستشفي
داليا انصدمت لدرجة ما بقت قادرة تقف علي رجليها
خالد: ادم عمل حادثة وهو حاليا في غيبوبة لو ما فاق خلال ٢٤ ساعة مش عارفين وقتها حيفوق امتي
داليا من غير وعي ولا إدراك لاي حاجة حوليها : وديني عنده ياخالد ......لو سمحت
خالد : حاضر ياداليا بس انتي كويسة
داليا بدموع ملت وشها في ثانية هزت راسها بمعني أيوة واخدها خالد وراحوا المستشفي ودخلت داليا الأوضة وقعدت جمب ادم وفضلت تبص ليه كتير مش عارفة تتكلم
داليا بالعقم بسبب حزنها: اااددم ااادم لللوو سسسمحت قققومم ااااددم اااانا عااارففة اننني تتتعبتك مممعايا كككتيير وانننت فففاكرررنني مششش بحححببك بببس واااااللللهي بحححبك ااااننا ما كككننتشش ععععاييزة اابققي تتتععبباك زززي هههششاام بببسس ععععششانن خخخاطططري قققوم وواااانا حححفضل مممععاك مششش حسسيببببك قققومم(ادم ادم لو سمحت قوم ....ادم انا عارفة اني تعبتك معايا كتير وانت فاكرني مش بحبك  بس واللهي بحبك انا ما كنتش عايزة ابقي تعباك زي هشام بس عشان خاطري قوم وانا حفضل معاك مش حسيبك قوم  )
فجأة وهي بتتكلم لقت ادم فتح عينه
ادم: انتي هبلة لو انتي فاكرة اني حتعب من حبك داليا الي انتي عديتي بيه انا عارف أنه كفيل يخليكي تعبانة بالشكل ده بس صدقيني هشام ده ما حبك زيي عشان كده واحد زييه ما قدر حبك بس انا ياداليا بحبك والله بحبك جدا كمان ومش هقدر اتخيل حياتي من غيرك بس انتي قولتيها اهو انك حتفضلي معايا
كل ده بيحصل وداليا في صدمة ايه ده ادم كويس ومفيهوش حاجة بس علي قد ما هي مصدومة علي قد ما مبسوطة ومن غير تفكير رمت نفسها في حضنه وحاولت تتكلم بس من زعلها عليه حست الكلام مش راضي يتنطق وادم حس بيها أنها عايزة تتكلم ومش عارفة
ادم : من غير ما تتكلمي انا حاسس بكل الي نفسك تقوليه
وفي اللحظة دي ادم دفن وشه في شعرها وفضلوا ساكتين وهما علي نفس الوضعية دي دخل عليهم خالد
خالد : احم احم نحن هنا
ادم بابتسامة صفرا : ايه الي دخلك ياثقيل
خالد: لا انا بقول بس نفضي الأوضة لحد محتاجها وبقول نطلع بقي
ادم: يلا انا حغير هدومي ونمشي
وفعلا غير وطلعوا وهما طالعين وقفهم خالد
خالد: داليا ما تزعلي مني علي الخبر الي قولته بس دي كانت فكرة ادم بصراحة
ابتسمت داليا وحركت رأسها بتفهم للموضوع
خالد: طب تمام انا استأذن بقي
ادم: سلام يا فاعل الخير انت يلا بينا عشان كلهم مستنينا في البيت
واول ما وصلوا جات ماهي بسرعة ناحيتهم وحطت أيدها علي كتف ادم
ماهي : عشان تعرف بس اني وجودي كفيل يغير كل حاجة يابني انا وش السعد عليكوا
ادم لاحظ عين داليا الي مركزة علي ايد ماهي الي حطاها علي كتفه
ادم بابتسامة : ماهي داليا حتقتلك لو ما قولتيلها دلوقتي أننا اخوات في الرضاعة
داليا بصدمة من كلامه : اختك في الرضاعة
ادم: اه ياستي كنت عايزينك تغيري قررنا نجيبها هي عشان تساعدني في الموضوع في الاول والاخر هي اختي
داليا: نهار اسود
ماهي: ليه بس اسود
داليا يتأسف: ماهي انا اسفة بجد
ماهي باستغراب من كلامها: اسفة علي ايه مش فاهمة
داليا: اصلي انا الي حطتلك حبوب في العصير يومها وجابتلك مغص
ماهي فضلت فاتحة بقها ومتنحة ليها وبعدين بصت لادم وشيرين الي اول ما بصتلهم بصوا في السقف
ماهي : بقي هي دي البريئة الهادية الي ما مستحيل تاذي حد
داليا يتأسف : والله اسفة بس انا ما كنت اعرف انكوا اخوات عشان كده كنت عايزة اطفشك بصراحة بس استغربت لما لقيتك لسه قاعدة
وفي اللحظة دي انفجروا كلهم من الضحك ومش قادرين يبطلوا ضحك وبالذات بعد ما ماهي طلعت جري ورا داليا الي فضلت تجري في البيت كله وهما بيجروا ماهي اتكعبلت بس مسكها بسرعة خالد الي كان داخل من برا واول ما مسكها سندها وقال
خالد: ايه شغل الاطفال ده
ماهي بنرفزة : شغل اطفال ....وانت مالك
ادم بضحك: انتوا حتفضلوا كده علي طول من صغركوا بتتخانقوا ارحموا امي
ماهي : مش شايفه بيقول ايه
وبعدين مشيت وسابتهم وراحت قعدت مع داليا وشيرين
ادم بضحك : ايه ياعم ايه الي جابك
خالد : الي جابني موبايلك ياافندي
ادم: تصدق نسيته
خالد: وتفتكره ليه ما خلاص مخك بقي مشغول بحاجات تانية غيره
ادم: طب انام بدل ما المك
خالد: طب ياعم انا ماشي واه صحيح انا إجازة الاسبوع ده كله ما ترن عليا
ادم بهزار: حاضر ياحبيبي بس طمني عليكي عشان قلب الام بيتعب علي ابنها
خالد مكمل الهزار : حاضر ياماما وما تقلقي حشرب اللبن واغسل سناني
ومشي خالد وراح ادم ناحيتهم لقاهم بيتكلموا في الحفلة
داليا : بصي انا كلمت المكتب عندي وقولتلهم يبنظمولك كل حاجة حتبقي حفلة جامدة
ماهي : طيب خلونا نختار الفساتين بقي
شيرين : بصوا الفستان ده انا اخترته انا وداليا
ماهي: جامد زوقك تحفة ياداليا ....طيب تعالي نختار ليا
وفضل ادم يتابعهم وهما بيختاروا وهو يديهم رأيه
ماهي : فاضل دورك ياداليا
داليا : مش عارفة محتارة بين الفستانين دول
ماهي : الاسود حيبقي تحفة عليكي ولا ايه ياادم
ادم: كل الفساتين حتبقي عليها عثل
ماهي : مش وقت محن والنبي قول رايك
ادم: اختاروا الي انتوا عايزينه انا طالع انام تعبت اوي النهاردة
داليا بهزار: طبعا ما هو من الحادثة ياحبيبي اطلع
طلع ادم وبعدها بشوية طلعت داليا دخلت الاوضة لقت ادم نايم راحت جمبه وقعدت وفضلت تبص علي ملامحه وهو نائم
داليا: تصدق انك عثول اوي وانت نائم زي الطفل الله
وفجأة ادم اتكلم : يعني أنا وصاحب مش هقول برضوا
داليا برقت لما لقته لسه صاحي جات تقوم لقته مسكها من أيدها بسرعة ايه رايحة فين عايزة تنامي علي الكنبة برضوا
داليا : للللا ابدا
ادم بعد ما حس بتوترها : طيب تعالي
وخلالها تنام علي دراعه وضمها ليه
ادم: انا كل يوم بعد ما كنتي تنامي كنت أقوم واخليكي تنامي علي دراعي وانتي ما شاء الله نومك تقيل تقل محصلش وده كان بيساعدني جدا
بصتله داليا باستغراب بس كانت مبسوطة من حبه ليها وفضلوا يتكلموا ويهزروا لغاية ما ناموا
===================
تاني يوم
صحيت داليا لقت ادم لسه نايم قامت براحة من جمبه وخدت دش دافئ ونزلت لقت شيرين قاعدة زعلانة
داليا: مالك ياشيري
شيرين: شادي زعلان اوي
داليا: ليه بس
شيرين : عشان محدش بيهتم بيه وانا بحسه بيزعل بس مش بيبين يعني دخلت النهاردة أوضاع بقوله ايه رايك في الفستان قالي حلو من غير نفس وانا حسيت زعلان عشان محدش بيهتم بيه وأبيه ادم دائما لما بكلمه علي الموضوع ده يقولي أنه عايزه يبقي راجل وأنه بيدلعني عشان بنت
داليا: طب خلاص سيبي الموضوع ده عليا وانا حخليه ابتسامته ما تختفي خالص اتفقنا
شيرين بابتسامة : اشطا اتفقنا
قامت شيرين وبعدها راحت داليا اوضة شادي خبطت وشادي سمحلها تدخل
داليا: صباح الخير
شادي : صباح النور اتفضلي ياداليا
داليا: بص بقي انا في حاجات كتير عايزة اعملها عشان حفلتكوا انت وشيرين فبعد اذن حضرتك لو مش حضايقك عايزاك تغير هدومك وتأجي ورايا علي الجنية
شادي : حفلتنا اول واحدة تقول الكلمة دي ....عموما ثواني وحاجي وراكي
داليا: جميل اوي
طلعت داليا لقت ادم نازل من فوق
ادم: صباح الفل ياقلبي
داليا بابتسامة: صباح النور ....بص بقي الحفلة بكرا اه بس في حاجات عايزين نجهزها من النهاردة
ادم: النهاردة ايه بقي الي عايز يجهز دلوقتي
داليا : هو في شوية تجهيزات انا حعملها انا والبنات والمطلوب منك حاجة صغيرة خالص
ادم: ايه هي
داليا: عايزاك تاخد شادي وتختاروا لبس الحفلة بكرا مع بعض
ادم: طيب ما ينزل هو ويجيبه بنفسه
داليا: وانت تقربله ايه ......مش اخوه ولا أنا بتهيالي
ادم: انا شامم ريحة شيرين في الكلام
داليا: لا شيرين ولا غيروا هو حاسس بالوحدة عشان محدش ريهام بيه وطول الوقت أوامر وبس
ادم: انا خايف عليه وعايزه يبقي راجل
داليا: حيبقي بس مش كده ....فعشان خاطري بقي خده واختاروا مع بعض لبس الحفلة اتفقنا
ادم: حاضر ياستي من عيوني انتي تؤمري
طلع شادي لقاهم واقفين
داليا : يلا بينا ياشادي  عشان تعمل الي قولتلك عليه
ادم: لا انا حاخد شادي وننزل تظبط نفسنا ونجيب لبس الحفلة مع بعض قولت ايه ياعم
شادي بفرح : طبعا ياادم اكيد يلا بينا
طلعوا مع بعض وراحت شيرين لداليا
شيرين: داليا بجد ميرسي اوي اوي اوي انتي ما تعرفي انتي غيرتي حاجة في عيد ميلادي دائما كانت بتخليني مش عارفة استمتع بيه ابدا
داليا: وانا ما يرضيني زعلك ياقمر
........:هاي ياجماعة
شيرين: ايه جابها دي دلوقتي

يتبع
SHIMAA _ABDELBAST