ادم بغضب وخوف: حادثة ايه انتوا فين
المتصل قاله علي المستشفي الي انتقلت فيها ولحسن الحظ كانت المستشفي بتاعته جري بسرعة ناحية العربية وطبعا خالد كان وراه وطلعوا علي المستشفي بسرعة واول ما نزل دخل المستشفي زي الاعصار واول ما دخل راح الاستقبال وسأل عنها وقالوا ليه أنها في الطوارئ
جري ادم وراح الطوارئ بسرعة وكان عايز يدخل بس منعه الدكتور وادم بكل غضب ضرب الدكتور لغاية ما طلع دم من بقه وبعد معاناة من خالد قدر يبعده عن الدكتور
خالد : انا اسف يادكتور بس لو سمحت ادخل شوف حالتها بسرعة
قام الدكتور ودخل الأوضة وبعد وقت طلعت داليا من الأوضة والدكاترة حواليها والعين بيها بسرعة
الدكتور : جهزوا اوضة العمليات بسرعة
ادم مسك دكتور وسأله: هي فيها ايه
الدكتور : الحادثة كانت شديدة وعملت معاها كسور ونزيف داخلي واحنا حاليا نقلناها العمليات وانشاء الله خير ما تقلق
ادم بنبرة حزن مائلة للبكاء: لو سمحت عالجها انا مستعد اسفرها حالا
الدكتور: احنا حنعمل الي علينا وانشاء الله خير
ومشي الدكتور وقعد ادم علي الارض وفضل يبكي وطبطب خالد علي كتفه يواسيه
خالد: ما تقلقش والله حتقوم بخير قوم ياصاحبي خلينا نروح وراهم قوم
وفعلا ادم استجاب لكلامه ووقف وراح عند اوضة العمليات وفضل رايح جاي وشيرين فضلت ترن عليه وفضل يكنسل عليها لغاية ما زهق من كتر الرن رمي الموبايل في الحيط واتكسر
=========================
في الفيلا
شيرين: لا ادم ولا داليا بيردوا هما راحوا فين بس دلوقتي
ماهي: مش عارفة غريبة اختفاءهم دلوقتي
والدة ادم: ايه ياحبيبتي ما ردش عليكي
شيرين بياس : لا ياماما
شادي : ايه ياجماعة متجمعين كده ليه
شيرين: برن علي ادم وداليا ومش بيردوا
شادي : هما راحوا فين طيب
شيرين : مش عارفة
شادي : انا شوفت ادم طالع من شوية وكان وراه خالد انا حرن علي خالد اشوفه
في المستشفي
خالد : أيوة ياشادي
شادي : ايه ياخالد فين ادم وداليا فينكوا كلكوا
خالد: داليا عملت حادثة واحنا دلوقتي في المستشفي
شادي: حادثة ايه انا جايلكوا
وقفل الخط وطلع بسرعة وركب العربية وركبت شيرين معاه وفي عربية تانية ركبت ماهي ووالدة ادم وطلعوا علي المستشفي
بعد وقت طويل الدكتور طلع من اوضة العمليات
ادم: خير طمني داليا عاملة ايه
الدكتور بحزن : احنا قدرنا نوقف النزيف بس العربية لما اتقلبت أثرت علي حركة رجليها وسببت ليها شلل في الرجلين وكده مش حتقدر تمشي
قاطعه ادم وقد فقد كل ذرة من عقله ومسك الدكتور من قميصه
ادم بكل غضب: انت بتقول ايه انت اهبل هي مين دي الي اتشلت داليا حتقوم بالسلامة ومش حيحصل ليها اي حاجة انت سامع
خالد خلص الدكتور من ايد ادم بصعوبة
خالد للدكتور: امشي انت بسرعة
ادم بغضب: سيبني ياخالد ده اهبل هو فاكر نفسه دكتور دلوقتي تفصله من المستشفي وتتواصل مع اكبر الدكاترة في لندن مش حسمح أنها تحس نفسها مكسورة طول ما انا عايش
الدكتور التاني الي كان متابع حوار ادم والدكتور الاول ادخل
الدكتور : ادم باشا اهدي عشان اشرحلك الموضوع
خالد: تشرح ايه يادكتور
الدكتور : ادم باشا ما سمح لزميلي يكمل كلامه حالة مدام داليا ليها علاج بس حيبقي صعب شوية حتحتاح عملية ودي صعب أنها تتعمل هنا ودي تقدر تتواصل زي ما حضرتك قولت مع مستشفي كبيرة في لندن حقول لحضرتك عليها بس ده حياخد وقت عشان يجهزوا لحضرتك كل حاجة
ادم بنبرة كلها الم : يعني مراتي حتقوم تاني علي رجليها صح
الدكتور : باذن الله حضرتك مفيش حاجة بعيدة عن ربنا استأذن انا
مشي الدكتور وطلعت داليا من العمليات ونقلوها في اوضة مجهزة بكل حاجة وادم فضل واقف برا بعد ما قالوا ليه أن دخوله مش حينفع دلوقتي وفضل ادم قاعد قدام الأوضة وحاطط رأسه بين كفيه
في اللحظة دي جه شادي وشيرين ووالدته وماهي وراحوا ناحيته
والدة ادم: داليا مالها يابني
وادم فضل ساكت
فرد خالد وقلهم علي الي حصل
وبان الحزن والصدمة علي ملامح الكل وفضلوا ساكتين وشيرين بتعيط لانها شافت أن هي السبب
وبعد شوية ادم قام من مكانه وطلب خالد ياجي معاه
ادم: انا عايز اعرف الحادثة دي حصلت ازاي
خالد: ما تقلق انا كعرفلك حاجة خليك انت مع داليا وانا حرجعلك بعد شوية
وفعلا ادم راح عند الأوضة بتاعتها وفضل يبص عليها من الازاز الي برا وبعد شوية جات الممرضة عشان تدخل ليها
ادم بسرعة: لو سمحتي انا عايز ادخلها
الممرضة: يافندم كده ممكن تضرها
ادم بترجي : والله ما حعمل حاجة أنا عايز اطمن عليها من قريب لو سمحتي
الممرضة : طيب حضرتك تعالي معايا اوضة التعقيم الاول
وفعلا لبس ادم لبس معقم ودخل وقعد جمبها وفضل يمشي أيده علي شعرها
ادم:انا مش قولتلك خلي بالك من نفسك وانتي قولتي حاضر ...كده ياداليا تزعليني منك ...مش بتسمعي كلامي خالص .....داليا لو سمحتي قوميلي عشان خاطري....انا لما عرفت انك في المستشفي انا قلبي وقف ....قومي بقي عشان خاطري
الممرضة :كفاية كده حضرتك لو سمحت اتفضل اطلع برا
ادم استجاب لكلامها وما طول وطلع فعلا وبعد وقت جه خالد لادم وعلامات وشه مش مطمئنة
خالد: في خبر مش حلو خالص
ادم: ايه حصل
خالد : الحادثة ما كانتش عادية الحادثة مدبرة في حد شال الفرامل من العربية
ادم اول ما سمع كلام خالد وبدأت الغضب يتملك منه لدرجة أن عروق أيده ورقبته بدأت تنفر
ادم بصوت غريب مزيج من غضب وحزن ورغبة انتقام: عرفت مين الي عمل كده
خالد: اه ......ظهر في كاميرا الفيلا أن في واحد من الي شغالين عندك في الفيلا هو الي عمل كده ولما ضغطت عليه قال إن مي هي الي طلبت منه يعمل كده
ادم: تطلع بيه علي المزرعة دلوقتي ياخالد لغاية ما داليا تطلع من المستشفي وبالنسبة لمي ما حدش يعرفها اي حاجة
خالد :اعتبره حصل
وطلع خالد من المستشفي وبعد وقت طويل خالص الممرضة قالت إن داليا فاقت وطلبت الدكتور بسرعة عشان ياجي
وادم أصر أنه يدخل معاهم فدخل والدكتور بدأ يعملها فحص كامل وبدأ يمهدلها حالتها
داليا بتعب : بس يادكتور انا مش حاسة برجلي زي ما تكون منملة جامد
الدكتور بص لادم وادم شاورله يطلع برا وفعلا كله طلع بس ادم طلب من الممرضة تفضل موجودة عشان لو حصل حاجة تبقي جنبها
ادم: حمد الله علي سلامتك ياحبيبتي
داليا ومازلت تعبانة : الله يسلمك ياادم ....هو الدكتور ليه ما رد بقوله رجله منملة اوي هو ده من الحادثة ولا ايه
ادم: داليا بصي الي حقولهولك انا عايزك تفهميه وتبقي هادئة خالص
داليا بتوتر: في ايه ياادم
ادم: بصي ياحبيبتي الحادثة عملت معاكي مشكلة صغيرة خالص وحتتحل قريب باذن الله
داليا: في ايه ياادم ....انا مش حاسة برجلي ليه هي انقطعت
ادم: لا ياحبيبتي بعد الشر عليكي .......كل الحكاية أن الحادثة أثرت علي الحركة عندك وبقي صعب انك تمشي بس في الوقت الحالي بس إنما حنسافر برا ونعمل عملية وحترجعي احسن من الاول مسة مرة
في اللحظة دي ادم ما سمع صوت داليا مكنش في أي تعابير علي وشها كل الي بأن دموعها الي ملت وشها
ادم قرب منها ومسح دموعها وخدها في حضنه
ادم: حبيبتي والله الحل موجود وحترجعي احسن من الاول بكتير
بصله داليا بحزن وانكسار وحاولت تتكلم
داليا: ييعنني اااناا ببقييت ممششلوولة للييه
(يعني انت بقيت مشلولة ليه )
ادم قاطعها: ما تقوليش الكلمة دي انتي تعبانة وحتبقي احسن من الاول وانا جمبك وعمري ما حسيبك لحظة واحدة
ادم شاور للمرضة أنها تديها اي حاجة تهديها وفعلا أدتها حقنة مهدئة ونامت وادم سابعا ترتاح وطلع برا لقي حسام ووالد داليا جايين
الاب: بنتي ....بنتي فين
ادم: ما تقلقش ياعمي هي نائمة دلوقتي
حسام: داليا حصلها ايه ياادم
ادم: الدكتور بيقول أن الحادثة أثرت علي حركت رجليها ومش حتقدر تمشي دلوقتي بس قالي أنها محتاجة تسافر برا في مستشفي كويسة وهناك حيبقي افضل ليها وانا متواصل مع المستشفي ونسافر
بعد الاب وحسام مستنين أنها تفوق عايزين يطمنوا عليها
وبعد وقت ادم حس بتعب والد داليا
ادم: عمي تقدر تروح انت وخلي حسام حضرتك شكلك تعبان اوي
الاب: انا مش حمشي من هنا غير لما اطمن علي بنتي الاول
حسام: يابابا انت هنا من امبارح وانت مش حتستحمل التعب ده ياحبيبي روح عشان خاطري
الاب: انا قولت الي عندي مش حمشي غير لما اشوفها. اطمن عليها
فسكتوا واول ما صحيت داليا الممرضة قالت لادم وقام ادم ووالدها وحسام عشان يدخلوا بس الممرضة رفضت دخولهم كلهم وقالت واحد بس الي يدخل قادم رجع لورا وخلي والدها هو الي يدخل ودخل لقي بنته بتعيط
الاب: داليا ياحبيبتي انتي كويسة
هزت داليا رأسها بمعني لا وفضلت تعيط
الاب أحدها في حضنه وفضل يعيط
الاب: حبيبيتي ما تبكيش انا الدكتور وادم طمنوني وقالوا إن حالتك ليها علاج وانك حتبقي احسن من الاول ......ايه النظرات دي بقي انتي مش مصدقاني طيب ورحمة مامتك ياحبيبتي تاني حتبقي كويسة انتي عارفة انا عمري ما حلفت بيها كدب ابدا عشان خاطري ما تبكي تاني وبعدين انا جايب بنت قوية فين داليا الي بشوفها اقوي من حسام
ابتسمت داليا لكلام باباها الي طمنها شوية
الاب : أيوة كده ما تحرمنيش من ضحكتك دي خالص
ادم: الله الله بقي بتخنيني وتضحكي لعمي وانا لا
ضحكوا علي هزار ادم
ادم: انا دخلت بتسحب اصلا الممرضة واقفة زي الحارس ما صدقت أنها مشيت
داليا بعد ما هديت وقدرت تتكلم : ادم انا عايزة امشي من هنا عايزة اروح لو سمحت حاضر ياحبيبتي حقول للدكتور حتي لو طلبت اجبلك المستشفي لغاية البيت عن اذنكوا
طلع ادم وراح للدكتور وطلب أنه يخلص إجراءات خروجها من هنا
الدكتور: مش حينفع ياادم باشا مدام داليا محتاجة رعاية اكتر هنا
ادم: شوف ايه المطلوب واعمله في عندي في البيت
الدكتور: خلاص انا حبعتلها ممرضة معاها في البيت
ادم: تمام خلص كل الإجراءات بسرعة وجهز كل حاجة
وطلع ادم وراح لداليا الي لقاها قاعدة ساكتة
ادم: ايه الجميل ساكت ليه ....يلا بقي عشان تغيري هدومك عشان نروح
فرحت داليا بس لقت أنه صعب أنها تقوم وتغير لوحدها فرجعت سكتت تاني
ادم: سكتي تاني ليه
داليا وهي حاسة بانكسار : مش حعرف اغير لوحدي
ادم: وانا روحت فين ياحبيبتي
حست داليا باحراج وادم لاحظ ده
ادم: قصدي يعني شيرين راحت فين استني حخليها تدخل تساعدك ...بس عايزك تحطي كلامي الي حقوله في دماغك الي عندك ده مش عيب وانا بقولهالك حترجعي احسن من الاول وحترجعي تفتكري الايام دي وتضحكي عليها
هزت راسها بالايجاب وهي مبستمة وطلع ادم ونادي علي شيرين ودخلت شيرين تساعدها في اللبس
وبعد شوية دخل ادم لقاها جهزت ودخل معاه حسام
حسام : ثواني حجيب كرسي واجي
ادم مسكه بسرعة وقاله :كرسي ايه انا هنا الي حعملها كل حاجة وداليا مش حتقعد علي اي كرسي
وراك ناحية داليا وشالها وهي كانت مكسوفة جدا وهو شايلها والمستشفي كلها شايفاهم
فتح حسام باب العربية الي ورا
ادم: لا افتح الباب الي قدام داليا حتقعد جمبي
وفعلا فتح الباب وادم قعدها وربط الحزام وظبط الدنيا ومشي بيها ووراهم شادي ومعاه شيرين ووراهم خالد ومعاه ماهي ووالدة ادم ووراهم والد داليا وحسام ده غير عربيات الحرس
ووصلوا الفيلا ودخلت داليا وادم شايلها وطلع بيها علي الاوضة وقعدها علي السرير وخلاها ترتاح
وبعدها نزل ادم وقعد مع الكل
ادم: بصوا بقي ياجماعة اي حد حيقعد مع داليا يخلي باله كويس اوي من اي حاجة حيعملها لأن حالتها النفسية تعبانة وفي الحالة دي حتبقي حساسة جدا
الكل سمع كلامه وبعد شوية دخلت أميرة وسارة
أميرة : ادم لو سمحت عايزة اطلع لداليا اطمن عليها
ادم: اه طبعا انفصلوا بس لو سمحتوا محدش يحسسها باي حاجة
سارة: ما تقلقش يابشمهندش عن اذن حضرتك
وطلعت أميرة وسارة ودخلوا الأوضة لقوا داليا قاعدة وسرحانة
أميرة بطريقة هزارها المعتادة : الجميل سرحان في مين ...في ادم صح صح
سارة: بس بقي بطلي صداع مش ناقصينك خالص
داليا فضلت تضحك علي خناقهم المستمر
داليا: بس منك ليها وتعالوا
وراحوا الاتنين وحضنوها وفضلوا يضحكوا ويهزروا وقت ومحدش حسسها باي حاجة
أميرة : يلا بينا ياسارة نسيب داليا ترتاح
داليا: تمشوا ايه بس اقعدوا
أميرة: يابنتي تلاقي ادم حسموت ويدخل يطردنا عشان يقعد مع القمر ده
وفي اللحظة دي انفجرت داليا وسارة في الضحك من هزار أميرة
وفعلا طلعوا من الأوضة ونزلوا تحت وسارة هي ونازلة سمعت ادم بيقول لخالد أن الي عملته مي مش حيرحمها عليه ففهمت أن مي هي السبب
نزلت سارة وأميرة وبعد ما طلع خالد سارة وقفت مع ادم
سارة: ادم انا اسفة انا مش قصدك اسمعوا والله بس الي عمل كده في داليا هو مي
ادم: اه هي
أميرة بنبرة بكاء: نعم بقي انا صحبتي قاعدة في السرير مش قادرة تتحرك بسبب دي
ادم: اهدوا ياجماعة بعد اذنكوا حسابها معايا يبقي زفت عليها وعلي أهلها
أميرة وهي فعلا بدأت تبكي : ورحمة ابويا ما في حد حيرحمها من ايدي
مسكتها سارة وفضلت تهديها
ادم بابتسامة: ما تقلقيش وانا والله اخلص انتقامي ولاجبهالك تتطلعي كل الي نفسك فيه بس الصبر
وفعلا أميرة هديت ومشيت هي وسارة وبعدها ادم طلع فوق لداليا لقاها بتحاول تجيب الموبايل الي علي التربية بس بعيد شوية عنها فراح بسرعة وجبلها الموبايل واخدته
داليا :ادم انا مش حجبرك تفضل معايا وانا كده لو انت عايز تطل....
قاطع كلامها ادم :عارفة ياروحي لو الكلمة دي قولتيها تاني حعمل معاكي ايه
داليا: هو انا لحقت قولتها اول عشان اقولها تاني
ادم : وانا مش حسمحلك تقوليها اول اصلا داليا انا مفيش حاجة حتبعدك عني ابدا
وفعلا سكتت وبعدها بشوية
داليا : ادم ممكن تنادي شيرين
ادم: في حاجة عايزاها
داليا باحراج : لا بس كنت عايزاها تساعدني بس ....
ادم فهم أنها عايزة تدخل الحمام
ادم: طب اساعدك انا علي فكرة أنا زي جوزك يعني
ضحكت داليا علي طريقة كلامه وهزت رأسها بالموافقة وفعلا شالها وساعدها
ادم: انا حنزل تخليهم يحضروا العشاء ليكي وجاي
وفعلا طلع ادم ونزل تحت بس اتفاجا لما لقاها داخلة الفيلا .........
يتبع
SHIMAA_ABDELBAST
أنت تقرأ
عشقت قلب محطم
Romanceالرواية عن بنت اسمها داليا بنت جميلة وعفوية بس الزمن غير من صفاتها بقت إنسانة من غير روح بطلت تؤمن بحاجة اسمها حب او وفاء وبطل روايتنا ادم الي حيغير مجري حياتها الرواية مزيج بين صفات عكس بعض خيانة ووفاء حب وكره وتحتوي علي بعض المواقف المضحكة ات...
