عشقت قلب محطم

part 17

ماهي : شيرين الحقيني
وشاورت علي رجل داليا
شيرين : يانهار اسود ....يلا بينا بسرعة علي المستشفي
وفعلا نزلت شيرين وماهي بداليا الي كانت في عالم تاني وطلعوا بيها علي المستشفي
فضلوا الاتنين مستنين برا الأوضة وبعد شوية طلع الدكتور
ماهي بقلق : خير يادكتور طمنا
الدكتور باسي :هي كويسة نوعا ما بس  جسمها ضعيف والحمل كان في أوله والواقعة علي الرغم انها مش قوية اوي بس أثرت علي الحمل انا اسفة المدام اجهضت وكمان حالتها النفسية مدمرة انا نصيحتي تروح لدكتور نفسي كويس عن اذنكوا
ومشي ...مشي وسابهم وراه في صدمة مش متخيلينها في يوم واحد يفرحوا بوجود طفل والطفلة يروح في نفس محدش لحق يفرح أو يشوفه
ماهي وشيرين في صدمة وبكاء علي الي حصلها بعد شوية طلعت الممرضة
ماهي : لو سمحتي ممكن ندخل ليها
الممرضة : اه تقدروا بس ما تطولوا
دخلوا لقوا داليا ضامة رجليها لصدرها وعينيها شاردة في الفراغ والدموع بتنزل من غير توقف
ماهي: داليا ....حبيبتي بلاش السكوت ده
بصت ماهي لشيرين
شيرين بدموع : حبيبتي صدقيني ربنا حيرزقك بطفل جميل .....ده قدر محدش يقدر يغيره
كل الكلام ده وهي في عالم تاني مش بترد مفيش اي رد فعل منها عيون بتبكي وبس صمت من حولها
طلعت ماهي وهي بتبكي علي منظرها وعلي فرحتها الي كانت عائشة فيها من كام ودلوقتي بقت فاقدة لاي شعور ....بعد شوية لقت خالد جاي ناحيتها
خالد : ماهي في ايه قولي طنط قالتلي انكوا في المستشفي في ايه
ماهي فضلت تبكي وتقول الي حصل لداليا
خالد قلبه اتقطع لما شافها بتعيط أخدها في حضنه وحاول يهديها
وطلعت شيرين وهي خالتها مشابهة بحالة ماهي خالد قعد ماهي وحاول يهديها
خالد : فين ادم
ماهي : مش عارفة ....انا مش عارفة ايه الي حصل بالظبط بينهم
خالد : طب خلي بالكوا منها وانا حخلي الحرس تحت وحروح اشوف ادم
طلع من المستشفي وهو بيحاول يتصل بادم بس موبايله مقفول
راح الشركة ما لقاه راح شقته ما لقاه فضل يفكر كتير وبعدها طلع بعربيته علي مكان متاكد انه خيلاقيه فيه دخل لقي ادم قاعد عند البار وبيشرب انواع مختلفة من الخمور
خالد بغضب : ايه الي انت بتهببه ومن امتي بتشرب انت مش بطلت من زمان اوي
بص ادم ناحيته بصة خالية من الحياة وكمل شرب
في اللحظة دي رمي خالد الكوباية من أيده
ادم يلا مبالاة : هات واحد تاني
خالد بعصبية : ما تفوق بقي
ادم بكل طاقة غضب فيه : ملكش دعوة بيا انت سامع
وساب المكان كله ومشي
طلع خالد وراه لقاه ماشي ما ركب العربية فضل ماشي وراه خالد حسن أن توازنه اختل فمسكه بسرعة قبل ما يقع ادم شاله أيده من عليه
خالد وقف قدامه وقال : اسف ياصاحبي بس ما سبتلي حل تاني
وضربة لكمة قوية جدا خلته يقع في الأرض بمساعدة الكحول الي بيشربه وشأله وحطه في العربية وطلع بيه علي شقته حطه في السرير وطلب من شادي يبقي جمبه ونزل هو راح المستشفي
شيرين بلهفة : لقيته
خالد : ما تقلقيش هو بخير .....داليا عاملة ايه
شيرين بحزن متملك منها : علي نفس حالتها الدكاترة بيقولوا أنها اتعرضت لصدمة عصبية قوية اتسببت في فقدانها النطق بشكل مؤقت
خالد : حد من اهلها عرف
ماهي : لا ....مش عارفين اصلا نقولهم ازاي
خالد : محدش يقولهم حاجة .....خلينا نشوف حنعمل ايه وايه اصلا الي حصل
عدت الليلة ادم نايم في عالم تاني اثر الكحول وداليا برضوا نائمة بس اثر حقن المهدئات
في اليوم التاني
صحي ادم ودماغه حتنفجر من الصداع هو وقف شرب من سنين بس رجعه ليه الكسرة الي حس بيها قام من السرير طلع من الأوضة لقي خالد قاعد في الصالة مستنيه يصحي تجاهله ودخل الحمام اخد دش وغير هدومه وطلع
خالد : ممكن اعرف ايه الي حصل وليه رجعت تشرب
ادم بحدة : ملكش دعوة ياخالد
خالد. بحدة : مليش دعوة ازاي ايه حصل لكل ده
ادم فاكره بيتكلم عن الشرب ما يعرفش أنها كانت حامل واجهضت
ادم : اسمع انا دماغي حتنفجر فخليك ساكت لو سمحت
خالد بنرفزة : انت اتجننت يعني الطفل مات وانت قاعد بالبرود ده
ادم بعدم فهم : طفل ايه الي مات ...طفل مين
خالد : داليا اجهضت ياادم
ثلاث كلمات كانت كفيلة تهد جبل ....مش فاهم ....مش عارف .....مش مصدق .داليا اجهضت ..داليا كانت حامل
قام من مكانه ومسك خالد من قميصه
ادم بعصبية : مين دي الي اجهضت هي امتي كانت حامل
خالد بهدوء : ده الي كانت حتقولهولك امبارح أنها حامل
ادم سابه وافتكر لما ساب أيدها بعنف ووقعت فهم أن الوقعة هي السبب
رجع لورا تاه في أفكاره بس ما تاه كتير بسرعة اخد مفاتيح العربية ونزل بسرعة وخالد وراه وطلعوا علي المستشفي
راح ناحية اوضتها ودخل علي طول لقاها نائمة علي السرير ضامة رجليها لصدرها وعينيها شاردة في الفراغ والدموع مش واقفة عن النزول
علي قد ما منظرها وجعله قلبه بس افتكر الصور والشات فقسي قلبه
ادم بجمود : ابني مات ....كنتي السبب أن كل حاجة حلوة تحصلي وكنتي السبب برضوا أن حياتي تتحول لجحيم وانا مش حسامحك علي اي حاجة لا علي استغلالك لحبي ولا خيانتك ليا ولا علي موت ابني
ولف وكان طالع بس وقفه صوتها المرهق
داليا وهي بتتكلم بكل صعوبة كلمة واحدة قالتها : طلقني
علي قد ما الكلمة كسرته إلا أنه بأن كجبل جليد مش متأثر وما اتكلم ولا رد وطلع من الأوضة علي طول
خالد : ايه الاخبار
ادم بص ناحيته بنظرة خاوية من الاحساس وفضل مكمل مشي
خالد : خلو بالكوا منها وانا حروح وراه
وفعلا طلع وراه لقتها ماشي من غير عربيته وكأنه تايه مش عارف يروح فين
لغاية ما وصل لمكان علي النيل مفيهوش حد قعد وقعد جمبه خالد
ومن غير اي مقدمات بدأ ادم يبكي ...
دموع الرجل صعبة جدا نزولها يعني تدمير كيان من جوا
لاحظ خالد دموعه حضنه وحاول يخفف عنه
خالد : ادم عشان خاطري ايه الي حصل لكل ده
ادم والدموع علي خده طلع موبايله واداه لخالد وبدأ يتكلم
ادم : انا في حياتي ما حبيت حد غيرها وعمري ما ححب ...اتعلقت بيها زي الطفل الي بيمسك في أمه بس ليه ....ليه ما قدرت حبي ليها ليه استغلته ...
========================
في مكان تاني في بيت سليم
سليم : برافو عليك بصراحة ما كنت متوقع انك حتعرف تعملها
هشام : عيب عليك ياباشا ...مادام كله بتمنه الي انت عايزه حيحصل
سليم بابتسامة : وانا مبسوط منك اوي بصراحة عشان كده انسي الي اتفقنا عليا وححولك مليون علي حسابك ايه رايك
هشام بفرحة : بجد .تسلم ياباشا ده كله فضل حضرتك
سليم : اتفضل انت
طلع هشام من المكتب ودخلت مي الي كانت في قمة سعادتها
مي : مش قولتلك ...مفيش الذي لادم قد أنه يبعد عنها
سليم بابتسامة : دماغك طلعت سم ....بس عجبتني
مي: عيب عليك
سليم : وهشام ده حكاية لوحده
مي : مش قولتلك ده كلب فلوس ده ساب داليا  عشان الفلوس ....مش حياذيها عشان الفلوس
سليم : انا كده حاسس اني مرتاح اوي وانا شايفه بيعاني زيي في يوم من الايام
مي : وانا في قمة سعادتي وهي مدمرة ....ده انا كمان عرفت انها كانت حامل واجهضت ...يعني حالتها بقت zero
سليم بابتسامة شر : ولسه
=====================
علي النيل
خالد : ادم انا متاكد ان في حاجة غلط
ادم بعد ما هدي: غلط ايه ياخالد الرسايل من موبايلها والصور واقعية انا طلبت من واحد يشوفلي الصور دي فعلا ولا لا ....واكدلي أنها سليمة مش متفبركة
خالد فضل مركز في الرسائل وقت
خالد  وهو مركز في شاشة الموبايل : ادم ..بص
ادم : في ايه
خالد : ركز كده في الرسائل ....الرسائل دي كلها مبعوتة في وقت واحد وكاني في حد كتبهم من تليفونها في وقت واحد بسرعة
ادم : مش فاهم
خالد : هي داليا اليومين الي فاتوا كانت بتطلع
ادم : كانت بتنزل المكتب بتاعها
خالد : قوم معايا علي مكتبها
ادم بلامبالاة : حتعمل ايه ياخالد في مكتبها
خالد : قوم بس وفعلا راحوا بسرعة وطلعوا علي المكتب
أميرة : ازيك يابشمهندس ادم ....ازيك يا استاذ خالد
الاتنين : اهلا بيكي
أميرة : داليا مش هنا ما جات النهاردة شكلها لسه تعبانة من امبارح
خالد : شوية ....آنسة أميرة اليومين الي فاتوا في حد جه لداليا هنا في المكتب
أميرة : العملاء بتوعنا ...داليا مش بتعمل اي مقابلة شخصية هنا
خالد : يعني مفيش حد جه هنا او هي طردت حد أو اي حاجة زي كدة
أميرة بقلق : لا مفيش حاجة زي دي ...هو في حاجة داليا كويسة
خالد بسرعة: لا ما تقلقيش هي كويسة خالص .....عن اذنك
أميرة : اتفضل
مشي ادم وخالد وراحوا المستشفي
خالد : فين موبايل داليا
ماهي : معايا اهو
خالد : ايه الباسورد
ادم :١٥٦١٩٨٥
خالد بصله وكتب الباسورد
شيرين : ده عيد ميلادك
ادم دماغه حتنفجر من كتر التفكير
خالد فتح الوتساب ما لقي رسائل دخل علي المكالمات لقي رقم غريب
خالد : رقم مين ده
ادم بعد ما شاف الرقم : مش عارف
ماهي وشيرين بيبصوا وساكتين وخالد لاحظ نظراتهم
خالد : في ايه يا ماهي
ماهي : مفيش حاجة
خالد : ماهي لو في حاجة مخبينها قولولها من فضلك انتي عارفة ايه سبب الي حصل بين داليا وادم ...وبدأ يحكيلها
ماهي بسرعة : لا والله حفهمك ياادم
ادم : تفهميني ايه
بدأت ماهي تحكي كل حاجة حصلت ومن اول ما قابلته يوم الفرح وتجاهلها ليه ولما طلب يقابلها علي أنه عميل والإهانة الي اهانتهاله في الكافيه
خالد بص لادم : يبقي الصور دي مش بتبين حبهم الصور بتبين خناقتها ياادم
ادم تايه في الكلام الي بيتقال .....شك فيها ....شك في حبها ....موت ابنه بتهوره ....كل ده عمال يدور في دماغه صداع حيرة لخبطة ...ما استحمل كل ده قعد علي اقرب كرسي بسرعة
خالد بلهفة : ادم مالك
ادم فضل ساكت مش فاهم حاجة
ادم : انا غبي ...موت ابني ودمرت اغلي حاجة علي قلبي بنفسي بتهوري وغبائي
خالد : ادم ما تحملش نفسك فوق طاقتها اهدي كل حاجة حتتصلح
ادم : يتصلح ايه ياخالد ......خالد انا دمرت كل حاجة بايدي بتخلفي
خالد : اهدي ....اهدي.
ادم : ماهي لو سمحتي هي صاحبة
ماهي بحزن : لا نائمة الدكتور أداها مهدئ من شوية ولسه نائمة
قام من مكانه ودخل بسرعة لقاها نائمة وآثار الدموع علي وشها
قعد قصادها وفضل يمشي أيده علي شعرها وهو بيعيط قصادها
ادم : انا اسف...انا عارف اني جيت عليكي وما فهمت ..كان المفروض تقوليلي من الاول ...سامحيني ياداليا عشان خاطري سامحيني
فضل يعيط وهو ماسك أيدها بقوة وكأنه حاسس انها ممكن تكون اخر مرة
طلع ادم من الأوضة اثر الدموع باين عليه بس ملامحه باين عليها الغضب
خالد : انت رايح فين ياادم
ادم : حجيبه
خالد راح وراه بس ادم منعه وطلب منه يخلي باله عليهم لغاية ما ياجي وراح لحسام
حسام : ازيك ياادم عامل ايه
ادم : تمام
حسام : مالك في حاجة
ادم : مفيش ....حسام كنت عايز منك عنوان هشام
حسام : هشام ليه
ادم : لو سمحت من غير أسئلة عايزة اعرف عنوانه
واداله العنوان
طلع من البيت وكله طاقة غضب وصل تحت العمارة وسال البواب وقاله علي الشقة
طلع ادم وفتحله هشام ومن غير اي كلام ولا اي حاجة ادم ضربه في وشه ودخل الشقة قفل الباب عليهم
يعد شوية
ادم قاعد علي كرسي وقدامه علي الكرسي التاني هشام متكتف
هشام : ياباشا والله ما ليا دعوة
ادم : هشش أخرس يلا ..
قام ضربه بعصابة علي أيده
ادم : دي ايدك الي مسكتها بيها أصلها كانت معصباني اوي في الصورة
وهشام من الناحية التانية بيتالم
ادم : ليه ....ليه واحد زيك يكون سبب دمار حياتي ....تعرف انا مش حقولك حخليك تتمني الموت زي الافلام الهابطة توتو انا حخليك تعيش اللحظة نفسها فعلا بس استني ده انا محضرلك برنامج تحفة
هشام : انت حتعمل ايه
ادم وهو بيتكلم بطريقة تقول إنه فقد عقله : استني ياحبيبي ....استني دي مفاجأة
هشام بخوف : ياباشا والله ما انا ده هو
ادم : انا وهو اتكلم براحتك انا كده كده ناوي اقطعلك لسانك ..يوه بقي كده خليتني اقولك علي المفاجأة فين عنصر الانبهار دلوقتي
هشام : تقطع ايه ياباشا
ادم : هي اغنية مش بحب اعيد كلامي ولا اقولك عشان انت حبيبي حعيد ....بقولك حقطعلك لسانك امم أصله كان سبب مشاكل عندي
هشام برعب: مش انا والله ده سليم
ادم بنظرة نارية : سليم مين
هشام ببكاء : سليم رفعت هو الي قالي اعمل كده وهددني ياباشا وانا ما كنت عارف اعمل ايه غير اني اوافق
في اللحظة دي وكأن بركان انفجر جوا دماغ ادم
ادم : سليم ....سليم ....تمام اوي
طلع موبايله اتصل بخالد وقاله علي العنوان وجه خالد علي شقة هشام
خالد : ايه ده مين ده
ادم :ده الحيوان الي كان الصور
خالد : وليه شكله كده .....ده مش باين ليه ملامح اصلا
ادم : مش وقته ياخالد عايزك تاخده علي المخزن
خالد : وانت حتعمل ايه
ادم : سليم الي عمل كده
خالد بصدمة: سليم
ادم : أيوة .....ونهايته علي ايدي انا
خالد : استني حاجي معاك
ادم وقفه بايده: محدش حيجيبه غيري روح انت اعمل الي قولتلك عليه
ومشي واخد ٣ عربيات حرس غلاظ الجتة معاه
طلعوا علي فيلا رفعت منصور ونزلوا الخرس اتولوا أمر الحراسة بتاعة سليم الي برا الفيلا ودخل هو لقي رفعت قاعد وجمبه مي الي كان نفسهم بيطلع بصعوبة من خوفهم بسبب دخلته ومنظره
ادم ببرود : سليم فين
مي بخوف بتحاول تداريه ورا وش قوي : مش موجود وايه الي جابك هنا
بص ادم ليها بنظرة نارية وتتحرك ناحيتها وكل ما يقرب خطوة ترجع هي لورا لغاية ما لزقت في الحيطة
ادم بجمود : في يوم من الايام الي منعني اقتلك انتي أو ابوكي واخليكوا شحاتين هو داليا الي في يوم من الايام كنتي عايزة تموتيها والي اخوكي كان السبب أن حياتها تدمر
بتسمع لكلامه بخوف ومش عارفة تداريه ونفس بيعلي ويهبط بصعوبة
رفعت : ادم باشا صدقني سليم مش هنا
بص ادم ناحيته
ادم : ما تقلقش قريب حسمعك خبره (بص لمي) وانتي جهزي نفسك للحساب
ومشي من غير اي كلمة وطلب من رجالته يعرفوا مكانه باي طريقة واول ما يوصلوا ليه يبلغوه وطلع علي المستشفي
طلع الدور الي فيه اوضتها لقي في دكاترة بتتحرك بسرعة حس أن فيها حاجة راح بسرعة لقي الدكاترة متجمعة عند اوضتها
ادم بسرعة وخوف : في ايه ياخالد داليا مالها
خالد : داليا فجأة بدأت تصرخ وتتشنج من غير سبب
حاول يدخل الأوضة بس الكل منعه بس صوتها خلاه يوقف الكل ويدخلها
دخل لقاها بتتشنج وبتبكي وتصرخ
ادم بخوف : داليا اهدي ....داليا ..انتي سامعني
ادم بغضب الدكاترة : ما تعملوا حاجة بسرعة
الدكتور اخد الحقنة من الممرضة بسرعة واداهالها ودخلت في عالم تاني ادم بص لمنظرها لقاها كان جسم من غير روح جسمها كله عرق تحت عينها اسود شعرها أشعث من الي حصلها طلع الدكاترة برا وبدأ يعدل هدومها وجسمها ويريح شعرها ومسح العرق الي علي وشها وقعد جميعا وعيونه كلها دموع
ادم بصوت مبحوح : وعزة جلال الله لاجبلك حقك من الي كان السبب وبعدها حخليكي تاخدي حقك مني ...انا السبب ...سامحيني .......

يتبع
SHIMAA -ABDELBAST