سمراء وجميلة

الرابع

" فينك ياسطا الدنيا قلبة حريقة بره وانت قاعد هنا بتسمع ميوزك " اردفت ميريام لسليمان الذي يجلس وحيداً ومنفردا في البلكون الخاص بمنزلهم
" ليه في حاجة حصلت " قالها سليمان بانتباه
" لا ابدا ابوك معلق اخوك عشان بيشقط اعتماد "
ضحك وهو يعتقد ان هذه الاسرة لن تتغير ابدا
" قاعد لوحدك ليه بقي "
" حابب اقعد مع نفسي شوية "
" أمممم ليه مضايق من حاجة "
نظر الي السيارات التي تسير في الشارع ولم يجب
" مالك يا حبيبي " اردفت ميريام بحنان وهي تلعب بخصلات شعره
" تعبان شوية " اردف وهي ينظر للاسفل
" تعبان من ايه "
" هو انا وحش يا ميريام "
" مين اللي قال كدة "
" انا اللي بقول كدة انا وحش مش كدة "
" ليه بتقول علي نفسك كدة "
" عشان حاسس اني مليش لازمة .... ميريام انا السنة الجاية هتخرج ، حياتي بعد كدة هتمشي ازاي ، انتي عارفة اني مليش في التجارة ولا شغل المحاسبات كل اللي اعرفه اني هنزل اشتغل مع بابا اشيل معه شوية ، بس ..... "
" بس ايه " اكملت وهي تربت علي ظهرها تشجعه علي المواصلة
" انتي عارفة اني مش حابب كدة ، مش قصدي مش حابب اساعد بابا ، بس مش حابب تبقي ديه نهايتي ياميريام ، انتي عارفة اني كان عندي طموح وعايز اوصل وابقي حاجة كبير ، كنت عايز احس اني متميز في حاجة ، يعني وصلتي للي انتي عايزه وبقيتي دكتورة وحققتي اللي نفسك فيه ،واميرة مكنش في دماغها تعليم وسبحان الله جتلها فرصة وبقيت صحفية حابة شغلها وعارفة هي بتعمل ايه كويس ، وانااا ..."
اردف وهو يمسح تلك الدمعة التي ساقطت من عينه
" انا عايز اعرف انا مين ياميريام ، نفسي احس اني ليا لازمة ، نفسي اعمل حاجة ابقي شاطر فيها فاهمني "
اخذته في حضنها وهي تربت علي ظهره
" فاهمك ياحبيبي فاهمك "
" تجي بقي نرد علي كلامك ، مش معني انك فشلت مرة تبقي ديه نهاية مش معني ان كان نفسك في حاجة ومخدتهاش تبقي ملكش لازمة وفاشل ، انت مش فاشل بالعكس انت عندك مميزات كتير بس انت مش مكتشفها "
" انا عايز من المميزات الكتير ميزة واحدة بس "
" مانت مش هتعرف ايه هي مميزاتك وانت قاعد تسمع ميوزك "
" طب اعمل ايه انا حاسس نفسي تايه "
" طيب قولي ايه اكتر حاجة بتحب تعملها "

سكت لفترة طويلة بعض شي " ولا حاجة "قالها وهو يحاول ان يمنع دموعه 
" يعني مش حاسس بشغف ناحية اي حاجة "
نظر في الاتجاه الاخر وهو يرد عليها بالنفي
" ديه ملهاش غير حل واحد "
" وايه هو "
" انك تتصالح مع نفسك اللي مخصامها "
" عفوا مش فاهم "
" هسالك سوال بصراحة انت كان نفسك في سياسة واقتصاد وحاولت وحاولت توصلها ومقدرتش .... شايف ايه السبب  اللي خلاك موصلتش "
" اكيد انا قصرت في حاجة "
"  شوفت هو ده السبب .... يابني اللي حصل حصل ومش هتقدر تغيره انا عارفه انك اجتهاد كتير عشان توصل بس خلاص اللي حصل حصل ونصيبك واختيار ربنا ليك انك تدخل الكلية ديه دلوقتي لو هتقعد تلقي اللوم علي تقصير او فشل مش هتعدي المشكلة اللي انت فيها ....... يبقي اول حاجة لازم تحصل انك تحاول تطبب علي نفسك ، قولي لو واحد صاحبك جالك وقالك انه غلط في حاجة او في مشكلة انت هتعمل معه ايه ؟"