سمراء وجميلة

الحادي عشر

" تملي معاك ولو حتي بعيد عني في قلبي هواك "
كانت تلك الكلمات تصدح من مسجل سيارته وهو يدندن معاها بهدوء ..
وهي تضع سماعات الاذن الخاصه بها تنظر الي النافذة بشرود نظرة شاردة .... ابتسامة حزينة ... هذا ما كنت تفعله في السفر
نظر لها في مراة الامامية للسيارة .. حزن عليها بعض الشي .. يكره رؤية الحزن المتجمع في مقلتيها .. حسنا هي لا تخصه .. لا يهتم لامرها .. ولكنه يكره ان يري احد حزينا .. فهذا يعتبر اهانة لوجوده
اقترب منها ببط ...ببط وهو يقترب من اذنها .. شاردة لا تشعر به وبدون مقدمات
" توووووووووووت "
" يخربيت سنينك خضتني "
" يقطعني .. الخضة مش حلوة عشان الجنين "
" جنين!!! "
" اه ابننا يا ميرو انتي نسيتي ولا ايه "
" انت عندك خال اهبل "
" لا عمتي كانت سمينة شوية "
ضحكت بياس وهي تضرب كف علي كف
" الا قوليلي يا ميرو "
" ايه ميرو ديه يابني انت مسافر مع ابن خالتك "
" دلع ميريام ميرو "
" وتدلعني ليه انت من بقية اهلي ابعد عني انا خلقي ضيق ومش ناقصة "
" لا ميرو خلي خلقك استريتش الرحلة لسه طويلة ولازم ناخد وندي مع بعض في الكلام "
" يا صبر ايوب "
" ايوب مين !! مفيش غير انا وانتي في العربية "
" تعرف تسوق ساكت "
" ساكت !! ده انا لو سكت اتحرق "
" يابني انت عايز من امي ايه "
" وربنا ماعارفها امك انتي هتجبيلي مصيبة طب شوفتها انا امك قبل كدة عشان اعوز منها حاجة "
" ريلاكس ميري .. ريلاكس انا مش هتعصب اهدي "
" انتي مجنونة بتكلمي نفسك "
" ممكن تسيبني في حالي "
" يعني استاذ رؤوف مصحيني وجايبني الجريدة علي ملا وشي من الفجر عشان تقوليلي ممكن تسيبني في حالي " اردف اخر جملته وهو يقلدها في الكلام
" يا سيدي انا اسفة بس انا قولتلك انا كنت قادرة اسافر لوحدي فانت كان ممكن ترفض "
" مش من الرجولة ان يقولي علي واحدة متعرفش حاجة في بلد جديدة وبتعمل حاجة عشان اختها واسيبها "
" طيب انت عايز مني دلوقتي "
" احكي معايا انا عيني بتروح في النوم وباين عليا هنام "
" طيب سيبني اسوق مكانك وريح انت "
" لا عربيتي محدش يسوقها غيري "
" ياعم يحسن تتقلب بينا تعالي انزل ريح شوية وانا اسوق مكانك مش حوار "
" طيب احكي معايا هتخسري ايه يعني "
" ايوة يعني انت من بقية اهلي عشان احكي معاك "
" قالها سعد زغلول قبل كدة مفيش فايدة .. انا اسف حطي اير بودك في ودانك وغوري "
" اير بودك !!!! "
" اه اير بودك .. اير بود اللي هي السماعات والكاف تعود عليكي "
" ده انت ظلمك اللي عداك من خامسة ابتدائي "
" انتي اللي مبتفهميش في اللغة .... طيب تقدري تقوليلي جمع جوافة ايه "
" جمع جوافة ؟!!! "
" اه تعرفي "
" لا معرفش "
" جوافةز "
" جوافةز؟!!!!"
" ايوة مش في الجمع بنحط ابستروف اس "
" ده انت لو سمعوك علماء اللغة هيشنقوا نفسهم "
" ليه "
" عشان جابوا عالم فقيق من علماء اللغة "
" انا مبحبش اتكلم عن نفسي كتير ياخت ميرو "
" متقوليش ياميرو "
" ليه هو ميرو وحش "
" يابني انت عايز تشلني"
" معاش ولاكان يا ابلة ميرو اللي يشيلك برضو كدة "
" طب قولي انت اشتغلت مع اميرة قبل كدة "
" لا والله محصليش الشرف "
" بجد ؟!!! "
" ايوة بس يعني اكيد اعرفها في النهاية احنا بنشتغل في نفس المكان .. بس شغل شغل منزلتش معاها قبل كدة "
" وليه استاذ رؤوف بعتك انت علي وجهه التحديد "
" مش فاهم "
" قصدي يعني ليه مبعتش حد اشتغال مع اميرة قبل كدة ... علي الاقل كان هيقدر يفيدني اكتر اشمعنا انت "
" معرفش ومسالتش هو قالي انزل انت وانا نزلت "
نظرت امامها بشرود وهي تحاول ان تفهم ما يحدث وتجمع الخيوط ببعضها هناك شي لا تفهمه ... هناك شي خفي