كنت تقف مغمضة العين وتحاول تنظيم انفاسها مع الهواء العليل الذي يضرب شعرها المموج بلطف
" انتي فاكرة نفسك ف تياتنك "
" ي خي خضتني "
" انتي عندك جفاف عاطفي ي ميريام "
" جفاف عاطفي !!! لا ي سيدي انا بحاول استمتع بالمنظر ده واشيل اي طاقة سلبية من جوايا واهدي عقلي شوية "
" ده ازاي ده " اردف يحيي متعجبة
" هقولك هات ايدك كدة وافردها وبعد كدة غمض عينك ... وحس بكل نسمة هوا بتضرب وشك "
كانوا واقفين وايديهم ممدود ف الهوا مغمضين العين
" هاا وبعدين " قال يحيي بتافف
" خد نفس عميق وطلعه ببطى ... افتكر كل حاجة وحشة حصلتلك وخرجها مع كل نفس انت بتطلعه "
" ياااه ده انا علي كدة هاخد اسبوع عشان اخرج كل وحشة جوايا "
" مش مهم ... المهم انها تخرج عشان تعرف تفكر بشكل صح .. عشان تبقي احسن "
مر الوقت وهم لم يشعروا به كل منهم يريد ان يخرج الكامن ف مكنون صدره من الالم ... وجع ... فالجميع يمر بلحظات سيئة لكن البقاء لمن يجعل تلك اللحظات لا تتحكم ف حياتها
" خلصتي ي ميريام " اردف يحيي بنفاذ صبر
" انا مستنياك انت تخلص " اردفت ضاحكة
" طيب انا خلصت " اردف وهو ينزل يديه جانبا ثم اكمل
" لا بس تمرين لطيف "
" اتمني تكون ارتاحت " اردفت باسمة
" ده انا ارتاحت راحة اينعم الناس افتكرتنا مجانين بس مش مشكلة "
" ي سيدي نعيش ونتجنن هما العاقلين خدوا ايه من الدنيا "
" انا عارف ي ختي " اردف فضحكت ع اسلوبه الساخر
" بقولك ايه انا جعان تعالي اعزمك ع العشا ونروح "
" طب ايه رايك لو انا عزمتك المرادي "
" اااه ابتدينا قلة العقل يلا ماما قدامي الله يرضي علينا وعليكي "
" لا مش هينفع انتي عزمتني بدري ... يبقي انا اعزمك المرادي "
" انتي هبلة ي بت .. هو انتي خراجة مع عواطف"
" بقولك ايه ماهو ياما اعزمك انا ياما روح كُل بعيد عني "
" ايوة بس انا مش عايز اكل لوحدي ... انجزي ي ميريام ي ستي لما نرجع مصر ليا عندك عزومة ... بس يكون اكل بيتي ايه رايك " اردف محاولا اقناع ذات الراس المتيبس كما اطلق عليها
" امممم خلصانة يلا بينا "
" تعرفي ي بت رشدي كل ما كنت اقوله مخنوقة ومتضايقة كان يخرجني نتمشي ف شوارع اسكندرية ونشرب حمص الشام وناكل درة " اردفت فتحية وهي تدور بعينها ف المحل الذي دلفته هي واميرة
" الله ي خالتي قمة الرومانسية " اردفت اميرة بعيون ولهانة
" هو ان جيت للحق ... كان رومانسي قووي رجل ولا كل الرجالة "
" قوليلي ي اميرة ايه رايك ف الفستان ده "
" حلو اوي ي خالتي بس فيه منه مقاسك "
" مقاسي ده ايه .. ده ليكي انتي ادخلي قيسيه "
" لا شكرا ي خالتي انا مش عايزة " اردفت اميرة ب احراج
" ياختي ومن امتي الكسوف ... ادخلي قيسيه عايزة اشوفه عليكي يلا ي بت انا مش بحب الكلام الكتير وخدي قيسي دول كمان "
أنت تقرأ
سمراء وجميلة
Mystery / Thrillerمن المؤلم ان يراني الناس قبيحة فانا لم اخلق من ذاتي نظرت في مراتي وانا اري نفسي فتاة ذات شعر ناعم وطويل ببشرة حنطية وعيون واسعة برموش كثيفة وانف متوسط وفم متوسط قد كنت متوسطة في كل شئ فلماذا اذا يعايرني الناس بلوني ويشبهوني بالسوداء دون عن اختي فأ...
