" تجيبهملي من تحت طقطيق الارض انا مش عايز اليوم يعدي غير وهم معايا كلامي واضح "
_ ...............
" انا مليش دعوة بكل الاعذار ديه قدامك ٢٤ ساعة يكونوا فيها قدامي "
" اما ربيتك يا رمزي انت والعيال اللي معاك مبقاش انا رأفت "
في المصحة
" ازيك يابطل " اردفت ببتسامة جعلت عيناها تضيق قليلا
" انا كويس الحمدلله "
" يارب ديما ، ها ايه اخبارك انهاردة "
" احسن شوية الليل كله وانا بقلب كلامك في دماغي "
" ووصلت لايه "
"اقتنعت جداا معاكي حق المفروض اقف علي رجلي وحقق حلم والدتي "
" ايوة كدة ياجدع هي ديه الاخبار اللي تفرح بجد "
" بصراحة يا دكتورة انا مش عارفة اقولك ايه "
" بص اولا انا اسمي ميريام تمام بلاش دكتورة ديه انا مش بحب الرسميات ثانيا بقي ياسيدي انا معلمتش حاجة انا عملت اللي اي حد مكاني كان هيعمله "
" مفيش حد بيحب الخير لحد دلوقتى "
" مين قال صوابعك مش زي بعضها وزي مافي الحلو فيه الوحش برضو "
اردف في نفسه " معقول في حد كدة "
" سارحت فايه "
"فيكي " قالها وهو مازال ينظر في عينها
اردفت بتوتر وخجل وهي ترجع خصلة من شعرها خلف اذنها " احم طيب استاذن انا عشان اشوف باقي الحالات "
" ليه بس متخليكي قاعدة معايا شوية "
" هو انت مش بتخرج من الاوضة ليه يافارس "
" اخرج اروح فين "
" انزل يابني تحت سوا في الريسبشن او في الجنينة اتعرف اللي الناس شوف العظة اللي في حياتهم متقفلش علي نفسك "
" ماهو ...."
" ماهو ايه " جلست وهي تضع يديها اسفل ذقنها وهي تسمتع له
" بصراحة حاسس اني مليش وش اشوف الناس واتكلم معاهم كدة هيقولو ايه "
" ياباشا ولا هيقولوا ولا هيعيدوا واللي هيتكلم يبقي مش بيفهم اللي حصلك وارد انه يحصل لاي حد مش ليك انت بس ده بالعكس ده انت قوي عشان تفضل صامد .. علي فكرة انا شوفت في عينك انك عايز تتغير من اول يوم بس حاسك مش عارف ازاي ... او خايف من حاجة "
" ماهو بصراحة انا كنت اعرف واحد اسمه عزيز .. عزيز ده كان زيي غارق في نفس المستنقع بس مش عارف يطلع منه ويوم ما قرر انه يخرج منه ... مات " انهي كلامه وهو يتنهد بحزن
" الله يرحمه ويغفرله .... بص مش شرط ابدا عشان هو للاسف مات يبقي بسبب العلاج ممكن يكون جسمه ضعيف واخد جرعة زيادة جابت أجله في اسباب كتير للموت بعيدا عن العلاج فمش شرط ابدا ... وخليك عارف انت مش ضعيف ويمكن بسبب الرياضة اللي كنت بتلعبها جسمك صامد للحد دلوقتي ... انا مش شايفك ضعيف ابدا ... انت قوي جداا "
" انتي مش عارفة انا بقيت برتاحلك قد ايه "
اردفت ضاحكا " تسلملي يارب "
" المهم عايز حاجة دلوقتي "
" سلامتك "
" انا ماشية عشان اشوف باقي الحالات ووعد بكرة هجيلك تاني اوكي يابطل "
" اوكي "
ودعته وهي تبتسم حقا هو لطيف تراه كطفل صغير يبحث عن منقذه من يشجعه بحق ابتسمت عليه وذهبت في طريقها حتي قبلت ذلك الافندي
" ازيك يا ميريام "
" انا كويسة ازاي حضرتك ؟ "
" معقول مابقش كويس بعد ماشوفتك "
" ميرسي جدا لحضرتك بس خير عايزني في حاجة "
" كل خير يا ميريام " اردف وهو ينظر لها بابتسامة اعجاب
دقيقة .. اثنتان ... ثلاثة
" ممكن اعرف حضرتك عايز ايه .. اكيد مش عايزني عشان تبصلي بالطريقة ديه " قالتها بحدة حتي ينتبه علي تصرفاته
" احم انا اسف بس سرحت شوية ، انا كنت عايز اسالك علي المريض اللي وكلتك بيه "
" هو كويس جدا وادينا بدانا اول خطوة في طريق العلاج " قالتها بعمليه
" تمام ، انا كنت عارف انك قدها وقدود "
" بنتعلم من حضرتك يادكتور ... عايزني في حاجة تاني "
" لا تقدري تروحي تشوفي شغلك "
" طيب عن اذنك "
" ابو تقل دم امك " اردفت وهي ترحل بعيدا عنه
أنت تقرأ
سمراء وجميلة
Mystery / Thrillerمن المؤلم ان يراني الناس قبيحة فانا لم اخلق من ذاتي نظرت في مراتي وانا اري نفسي فتاة ذات شعر ناعم وطويل ببشرة حنطية وعيون واسعة برموش كثيفة وانف متوسط وفم متوسط قد كنت متوسطة في كل شئ فلماذا اذا يعايرني الناس بلوني ويشبهوني بالسوداء دون عن اختي فأ...
