Unicode
------------အင်္ကျီအသစ်ပြန်လဲပြီး ရတု toilet ထဲကထွက်လာတော့ မင်းမြတ်စေရာက မေဂျာဆောင်ရှေ့က ခုံတန်းလေးမှာ အေးအေးလူလူထိုင်စောင့်နေဆဲဖြစ်သည်။
ပြန်လာတုန်းက ထိုလူသားရဲ့ပုံရိပ်ကိုမှတ်မိနေပါသေးသည်။ ကွင်းထဲမှာအသည်းအသန်ကစားခဲ့ရသလိုမျိုး
နားထင်တစ်လျှောက်မှာချွေးတွေစို့နေကာ ပိုလို့ပင်ဆွဲဆောင်မှုရှိနေပါသေးသည်။"အဟမ်း..ကျွန်တော်ကခင်ဗျားပြန်သွားလောက်ပြီ
ထင်နေတာ""အင်္ကျီကရတုနဲ့လိုက်သားပဲ..
ဆင်တူတာရှာပေမယ့်မတွေ့လို့အရောင်တူတာပဲ
ယူလာလိုက်တာ"ရတုက အပေါ်အင်္ကျီကိုလက်ကကိုင်ထားတာဖြစ်သည်မို့
အဖြူရောင်အင်္ကျီက မြင်နေရသည့် ရတုရဲ့ ဖြူနှစ်နှစ် အသားရောင်လေးကြောင့် လင်းထင်းနေသည်။ရတုကတစ်ခြားပြောပေမယ့် သူကတော့သူဝယ်လာသည့်
အင်္ကျီပေါ်မှာသာအာရုံအပြည့်ရောက်နေသည်မို့
ရတုလည်းအင်္ကျီကိုအလိုလိုအကြည့်ရောက်မိသွားသည်။
သူဝယ်လာပေးတာက ရတုဝတ်နေကျ Teeတစ်ထည်ပါပဲ။အဖြူရောင်ဖြစ်ပြီး အလယ်တည့်တည့် ရင်ဘက်နေရာမှာ "You" ဆိုသည့် စာလုံးသေးသေးတစ်ခုသာပါသည်။"ကျွန်တော်ဝတ်နေကျပါပဲ..။
ဟို...ခင်ဗျားကိုဘယ်လောက်ပြန်ပေးရမလဲ"နှစ်ယောက်သား မင်းမြတ်စေရာကားရပ်ထားရာနေရာအထိတစ်ဖြည်းဖြည်းသာလျှောက်လာခဲ့ကြသည်။ဟိုအမြွှာနှစ်ယောက်ကလည်း ဘယ်ကိုလစ်လို့လစ်သွားမှန်းမသိတာမို့
ရတုလည်း ပထမအတန်းချိန်ကိုလွှတ်လိုက်ပြီး မင်းမြတ်စေရာပြန်ဖို့ကို လိုက်ပို့ပေးနေခြင်း။ဘေးချင်းယှဉ်လျှောက်မှ
မင်းမြတ်စေရာက သူ့ထက်အရပ်ရှည်တာ နည်းနည်းမဟုတ်ဖူးမှန်းသတိထားမိလိုက်တော့သည်။စကားပြောရင် ရတုလည်ပင်းနည်းနည်းလိမ်ပြောနေရတာမို့ ရှေ့ကိုကြည့်ရင်းသာပြောတော့သည်။"ဘာ..မလိုပါဘူးကွ။ အင်္ကျီလေးတစ်ထည်ပဲကို..."
"အဲ့ဒါကျတော့...."
ညီရတုရဲ့ အင်တင်တင်နဲ့ မျက်နှာပေးလေးက သူ့မျက်လုံးထဲမှာတော့ ဘယ်သူနဲ့မှမတူပဲ တစ်မျိုးလေးကြည့်ကောင်းနေသည်။