Unicode
------------"ဘယ်သူဆက်တာလဲ"
မင်းမြတ်စေရာက ဆိုဖာပေါ်ထိုင်နေသောရတု
ပေါင်ပေါ်ကို ခေါင်းအုံးကာ လှဲနေရင်းကနေမော့
ကြည့်ပြီးမေးလာသည်။ရတုရောက်ပြီးလို့ ထိုင်နေရုံရှိသေး ဖုန်းက
ဝင်လာတာမို့မင်းမြတ်ကအတင်းပေါင်ပေါ်လာ
အိပ်ပြီးစပ်စုနေတာ။သူ့အရပ်ကြီးကလန်ကလား
ကဒီဆိုဖာပေါ်မှာဘယ်လိုမှမဆန့်။ဒူးအောက်ပိုင်းကကြမ်းပြင်ပေါ်ကိုတွဲလောင်းချထားပြီးကို
ရတုပေါ်လာလှဲနေတာဖြစ်သည်။ဒီနေ့ကသူ့ schedule မရှိ၊ကျောင်းပိတ်ရက်
နှင့်လည်းတိုက်ဆိုင်တာကြောင့် သူ့ကွန်ဒိုခန်းမှာပဲ
Home dateလုပ်ဖြစ်ကြခြင်းဖြစ်သည်။
ဆိုရှယ်မီဒီယာပေါ်က ဓာတ်ပုံတွေအကြောင်းကို
သူ့ဘက်ကလည်းဘာမှပြောပြမလာသလို ရတုကလည်း
မမေးဖြစ်သေးပေ။ညတုန်းက အလုပ်ပြီးချိန်သူဖုန်းဆက်လာတော့
အတော်လေးကို ညနက်နေပြီဖြစ်သည်။
နားထောင်ရသော အသံလေးကလည်း ပင်ပန်းနေပုံ
ရတာကြောင့် ဖုန်းတောင်အကြာကြီးမပြောခဲ့ကြ။ပင်ပန်းနေတဲ့လူသားက ရတုအခန်းpassword
နှိပ်တဲ့အချိန်မှ နိုးလာတာနဲ့ကွက်တိတဲ့လေ။
အချိန်ကြည့်တော့ ၁၁နာရီ။ အခုလည်း
ပေါင်ပေါ်မှာအိပ်ချင်မူးတူး။"ကူးကူးဆက်တာ...သူ့အဒေါ်တွေ့ပေးတဲ့
ကောင်မလေးကိုသွားကြိုပေးပြီး အိမ်ပြန်
လိုက်ပို့ဖို့အကူညီတောင်းတာ။အဲ့ဒါကျွန်တော်သွားရမလား"ရတုက မင်းမြတ်ရဲ့ ပွယောင်းနေတဲ့ ဆံပင်တွေကို
လက်တစ်ဖက်ဖြင့် ညင်ညင်သာသာလေးသပ်တင်ပေးနေ၏။ထို့နောက် အသစ်ဝင်လာသော msgကိုကြည့်လိုက်ပြီး
"Rosé Onlyမှာတဲ့ ပို့လာတယ်၊
အဲ့ကောင်မှာဘာအရေးကြီးကိစ္စများ
ရှိသွားရတာလဲမသိဘူး"ရတုက ပို့လာသော တည်နေရာကို ကြည့်ရင်း
ပွစိပွစိ။ရည်းစားနဲ့အေးအေးဆေးဆေးလေး
ချိန်းတွေ့မလို့ပါဆို အနှောင့်အယှက်တွေက
ပေါ်ပေါ်လာတယ်။"Rosé Only? မင်းသူငယ်ချင်းတော့ ဆိုင်ရှင်က
အကြွေးနဲ့သိမ်းသွားပြီထင်တယ် ဟားဟား"