يوم الجمعة الدوشة في المقسم المعتاده كل واحد يصيح على التاني يخف روحة والصلاة بتفوتهم دوشة كل جمعة بينما البنات يضموا في حوسة الفطور
طلعوا بسياراتهم لصلاة الجمعة واختفت دوشتهم معهم
أساور : قداش ما كانوا مدايرن دوشه رهيبة😀
ريفان وتفرغ في الزيتون: بالله متعودتيش عليها كل جمعة 😒
أساور تجفف في الإماعين يلي يغسلوا فيهم دانية وفرح: صدقيني مش حنتعود واني كل جمعة ننساه دوشة يلي قبلها
فرح بنعس : عيت يا بنات عيت من روتين يوم الجمعة الممل هذا يمشي غير كان في الشقا 🥱
ضحكت موده يلي كانت ترد في الإماعين : المشكله انك عالقه في العيله مش حيتغير النظام لان تموتي🤣🤣
ضحكت دانية على فرح كانت اكثر واحده تكره تقاليد العيله وخطيبها ولد عمتها😆
فرح: لا حبوبه شبه طالعه شويه ولد عمتي مش عمى يعني بنقعد في جهتهم أكثر " بفرحة وضحكة شر" واحسن حاجة مش حنجيكم الا للغدي ونفتك من غسل اماعين الفطور يلي كل جمعة ينولودا اكثر وبنقعد راقدة 🥹 اخخخ ياربي امته بنتزوج
كميلة جايه بتكشيخ : نهارك حرف انت وياها وياها ما فالحة الا في اللقوني والهدرزة خوفي روحك انتِ وياها الرجاله معاش يعطلوا بنطيبوا الغدي😡😡😡
فرح : ميمه شن تقولي تي كيف طلعوا هما 😫
كميلة: اسكتي يا فرخة احسن مانحشيلك حاجة تانيه اضميها 😠
أساور و موده قعدوا يشبحوا لبعض وشادين ضحكتم وهما يتفحكروا الجمعة يلي فاتت لما علقت عليها خلتها اضم دار التقعميز حتى من البساط قماته مجرد ماطلعت كلهم طربقوا بالضحك 🤣🤣🤣🤣
فرح : اي اي اضحكوا يا كلاب مش ناسيتهالكم ولا واحد جت عاونتني كلكم هربتوا ☹️
أساور مشت باستها في خدها : ياوخيتي الحراجه نبي تولي فالحه حنى تمشي لمعتي كامله مكمله حوش كامل ماتخديش فيه نفيص ساعة 🤣😘
فرح: ياوخيتي انتِ مانقدرش نحرجك من مش عارفه علاش🥲😘
دانية تلفتلها: تاخد فيك باللسان يا خفيفه
كملوا الإماعين وداروا لوده على الحوش يلي يبي الكنس والمسح داروا
كميلة: طلعوا البسيطاط والمنديرات يا بنات جدكم يبي يتغداء في الجنان الجو قنين
دانية : حاضر ميمه غير نكنسوا الجنان بس
نادية : يا أساور. أساور تعالي سلم بنتي
سيبت أساور يلي في يدها ومشت لأمها : أيوا ماما
نادية: ماما سيبي يلي في يدك وبري طيبيلنا كيكه الليمون يبيها حدك خلي نشربوا بيها الشاهي بعتالي
أنت تقرأ
القرار ليس بيدي
عاطفيةفي عيلة ما في حد كبيرها الا جدها المسيطر ويلي يحب يتحكم في كل بمزاجه قدر يسيطر على صغاره ويربيهم ويتحكم في حياتهم زي ما يبي لكن هل حيقدر على أحفادة ....بين كل قصص حبهم ،حزنهم ،ألمهم هل حتقعد عائلة مصطفى متماسكه او حتتدمر
