9ڤوت و13 كومنت حلقة جديدة
••••••••
قعمزت نحت بوتها وحطت رجليها في الحوض ، وهي تفكر محستش الا بحد دفها وطاحت في الحوض وهي تصيح
أساوروهي تقاوم :ياكلاب
مها وشهد وقفوا يضحكوا عليها وهي تغرق وتحاول تسحب نفسها للأعلي
مها طبست لوطه: حاولي تقربي على مهاب بس حندفنك وانتِ حيه 😆
شهد جبدت اختها: هي مها تعالي قبل مايشوفنا حد😰
اما أساور قعدت تحاول تطلع وتصيح باش يجيها حد
كان يتمشي في المزرعة رغم الكلام يلي قالتهوله الا انه حيستغل الفرصة يلي قاله عليها جده
سمع صوت عياط مشي يجري جيهة شبحها ونصدمه نحه تيشرته ونقزلها يجري جبدها في حضنه وهي تبكي بصوتها: طلعني مهاب طلعني بسرعه
قامها في حضنه وطلعها من الميه وهي قاعده تبكي تكره البحر وتكره الميه كل ماتتفكر شن صار لخوها التؤام كان تلقاء تبخر الميه💔
مهاب طلع من الحوض وهوا يشبحلها يده قعدت تقرب وتبعد يبي يمسح دموعها ومش قادر
شبح لبنات جاين ف ناض ومشي نصدموا وجوها يجروا دانيه خافت على أختها
دانية قربت منها : أساور شن صار علاش خشيتي في الحوض أو طحتي شن صار
اساور قعدت تبكي على صدر أختها من الهم يلي ركبها وكيف اذكرت خوها
جابولها البنات فوطه وخشت للحوش بدلت حوايجها ودوشت نزلت لوطه لقت بوها مقعمز بحدا جدها
أساور: جدي بابا اني نبي نروح الحوش نرتاح ونفكر شويه
لطفى: اي بابا روحي عادي اهو عمر ولا مهيمن ..
قطع عليه مصطفى: اهو مهاب مروح وتروح معكم موده وريفان
أساور: مالك وأسامه مروحين خليني نروح معهم جدي
مصطفى: لا بنتِ بتروحي مع مهاب وانتهى الموضوع
مشت و قعمزت على دروج مابين موده وريفان طلعوا ودوشوا وبدلوا و ركبوا مع مهاب وطلعوا
طول الطريق ساكتين مافي حد تجراء وتكلم موده وريفان يشبحوا لبعض مش عارفين شن يديروا....وصلوا الحوش طول نزل وهوا قاعد حتى مدارهاش على p سكر سيارته ومشالها
مهاب : أساور
تلفتت ومتبيش تشبحله
مهاب : اعطيني رقمك
أساور ضحكت: شنو، لا انت انسان غريب فعلا
مهاب: مش على خاطر سواد عيونك جدي يبي هكي وقالي لو ملقيتكمش تتكلموا وتتفاهموا حيصير الزواج غضب علينا
أساور تعفلقت ومشت : تلقاء عند موده هونا
وصلت لحوشهم ركبت بدلة لبست توته نزلت للمطبخ جعانه دارت توست وقعمزت قدام تلفزيون تحاول تتناسه يلي صار اليوم .... مش منتبهه بكل بتلفزيون القدامها تحاول تفكر اول مره تحس جدها معها يفكر بدون قلب فيها .... كانت ديما دلعوته ويلي تبي هي كيف يزوجها لمهاب وهوا يعرف انها تكرها وماحباش بكل وزاد غضبها بشكل مش طبيعي لما تفكرت شهد ومها وكيف حذفوها في الحوض وخدت قرار انها حتحاول مع مهاب عناد فيهم فاقت من سرحانها لما هرب ضي قامت شعرها وربطاته... 5 ثواني ونفتح المولد بروحه قامت صونيتها والتوست يلي مكلاتاش حطتهم في المطبخ وركبت لدارها قعمزت على سريرها وفجاءة بدوا دموعها ينزلوا💔
أنت تقرأ
القرار ليس بيدي
Romansaفي عيلة ما في حد كبيرها الا جدها المسيطر ويلي يحب يتحكم في كل بمزاجه قدر يسيطر على صغاره ويربيهم ويتحكم في حياتهم زي ما يبي لكن هل حيقدر على أحفادة ....بين كل قصص حبهم ،حزنهم ،ألمهم هل حتقعد عائلة مصطفى متماسكه او حتتدمر
