30 ڤوت و90كومنت
_____________
كيف جاي محمد بيتكلم طق الروشن وتلفتت بصدمه وهي تشوف في الواقف
دانية بصدمه : زهرة
زهرة وهي في يدها بنتها وتأشر لدانية ان تنزل بسرعه
شبحت لمحمد وهي تفتح في الباب بسرعه خدت شنطتها ونزلت تجري تخش للحوش 🏃🏻♀️
اما محمد طول داس بنزين ومشي مايبيش يحطها في موقف وهوا مش فاهم شي
خشت زهرة تجري لدانية يلي واقفه تاخد في نفس بخوف شبحت زهرة : زهرة في حد شافني منو
زهرة:خفت حسين يشوفك لان قالي سيارة منو لما تلفتي شفتك كذبت عليه قتله صاحبتها روحت بيها
دانية: اه انقذتني لكن كيف عرفتي محمد كان مشبحتوش وجهه
زهرة : نفس السيارة يلي روحت بيك المره يلي فاتت😁
إبتسمت دانية اما زهور واجهتها: دانية خيرك مش على بعضك
دانية : شي من التعب اعطيني نشوف زهور
••••••••••••••
في السيارة و رأسه منفوخ ليها ربع ساعه وهي تدوي حرفيا
نور : اني نور نزار تخليني في المزين ساعة كاااامله اني اخت العروسة تخليني كيف رضيتها فيا كيف رضيت للجمال والرقي والفخامة هاذي كلها تقعد في مزين مايسواش طفري الصغير كا.....
كرم بعيطة: خلاص الزح تقول كفرنا اسكتي ليك ربع ساعه تدوي
نور شبحتله من فوق للوطه : انت كيف تعيط على نور نزا....
كرم: اياااااه علينا ايااااه
وصلت ونزلت تجري لدارها باش تلبس قفطانها ويرفعهم لصالة
كانت واقفة وهي تحاول تلم في شعرها يلي لواته كودة خشت نور شبحته و وقفت
نور: شن اديري يا مختشه خليه نازل احلا
تلفت مودة لنور ؛ زعما لوطه احلا
نور كيف جاي بتتكلم بس ركزت في يلي لبسته في رقبتها ويدها و وذانها إبتسمت : صار هوا هذا علاش عطل عليا ❤️
مودة مفهمتش في البداية بعدين لما شبحت عيون نور على شنو مركزة فهمت إبتسمت مودة ونزلت رأسها تتفكر
أنت تقرأ
القرار ليس بيدي
Romanceفي عيلة ما في حد كبيرها الا جدها المسيطر ويلي يحب يتحكم في كل بمزاجه قدر يسيطر على صغاره ويربيهم ويتحكم في حياتهم زي ما يبي لكن هل حيقدر على أحفادة ....بين كل قصص حبهم ،حزنهم ،ألمهم هل حتقعد عائلة مصطفى متماسكه او حتتدمر
