7 ڤوت و7 كومنت =حلقة جديدة
••••••
جت عمتهم خيريه هي وزهرة وسلموا عليها وباركولها وقعدوا يعاونوا فيهم
نادية: انت ِ قعمزي بري بطنك واصله لحلقك وتبي تعولي
أساور: اي مبردها من بكري نقولوها قعمزي شي قعمزي حتى هنى هدرزي معانا
دانية جابتلها الكرسي : قعمزي بلا فلاحة زايده
زاهرة : باهي وانتوا وقفتولي زي العسكر 😂
كملوا كل شي ماشاء الله وحطوهم في حفظات السلايط واللحم ملحوا ودجاج تبلوا والحوت نظفوا وفتحوا والسلايط واتيات حطوهم في الثلاجة الخارجية ومشي كل واحد لحوشه باش يغسل ويبدل هذاكا هوا حتى المغرب اذن
واقف بدشمبر حايره مش عارفه شن تلبس طقطق الباب
أساور: خوشي
خشت دانية :تشبحلها ان شاء الله قاعده مبدلتيش
أساور: درت شعري ومكياجي مزال اللبسه اما احلا نلبس القونه ولا القفطان
دانية: القفطان هلبا حلو البسي هوا والبسي معه مداسك البودري يهبل
أساور: تمام اي صح حلو مع المداس البودري
دانية: اعطيني الماسكرا متعك متعي كملت
أساور: هونا على الشكماجه
طلت دانيه ولبست قفطانها ولبست وشاحها ومداسها كان طالعه طرف طلعت من دار ونزلت لوطه لقت بوها لوطه
أساور: شنو بابا مزال مابديتوش
لطفى: لابدينا غير جاي بناخد ولاعه
أساور بضحكة: توا يا بابا جاي ومتعب روحك الولاد كلهم عندهم 🤣
نادية بتفنيصة: اساور عيب اسكتي
أساور بعيون البراءة : اسفه ماما.... هي يا دانيه خلي نطلعوا مع بعض🥹
نزلت دانيه كانت لابسه سروال واسع وبلوزه طلعوا كلهم من الحوش ولقتهم كلهم متجمعين الا عيله واحده مشت قعمزت بحداء جدها
أساور: شكر على الزردة الحلوة ياحلو😘
مصطفى هز راسه بضحكة : شن نقولك اني على الكلام هذا
أساور: شن فيها ندلع في جدي اني مش عيب ولا حرام
قطع عليها صوت بغيض رن في وذنها
مها: جدو كيف حالك
مصطفى: اهلين بنتي الحمد الله
شهد : اهلين جدو كيف حال صحتك
مصطفى: الحمد الله وين هالغيبه معاش تبانو
شهد : والله ياجدو امتحانات وقرايه
مصطفى: باهي ربي يوفقكم
نجوي: اهلين بوي كيف حالك وحال صحتك
أنت تقرأ
القرار ليس بيدي
Romanceفي عيلة ما في حد كبيرها الا جدها المسيطر ويلي يحب يتحكم في كل بمزاجه قدر يسيطر على صغاره ويربيهم ويتحكم في حياتهم زي ما يبي لكن هل حيقدر على أحفادة ....بين كل قصص حبهم ،حزنهم ،ألمهم هل حتقعد عائلة مصطفى متماسكه او حتتدمر
