هالو طبعا معليشي يا بنات بتتحملوني الأيام هاذي في أوقات تنزلي او لو منزلتش حلقةأو تأخرة أختي كيف جايبه واني الاخت الوحيدة يلي عندها يعنى كله فوق رأسي ف صبروا عليا شويه لان يكمل هالإسبوع ❤️
15 ڤوت و30 كومنت=حلقة جديدة
•••••••••
مودة ضحكت وطلعت لمالك وهي فاصله منه روحت للحوش قررت تمشي ادير طلع على أساور لقتهم الزوز مقعمزين في الجنان ويشربوا في الشاهي
أساور: معرفتش كيف نتصرف اقسم بالله يا دانية قطعتلي قلبي
دانية : لازم نخلوها تنسه عمر يا أساور لان مش حيتوجع الا قلبها
أساور قرنت حواجبها: علاش يعنى عمر ونفصل على جنى امورهم مش تمام بكل
دانية بحزن : يلي بنقولك عليه توا مانبيشي يطلع جدي خطب ريفان لعمر
أساور بصدمه وعيونها مفنصات: كييييف ريفاااان ! تبصري دانية ولا
دانية: للاسف وهوا مسكين مش عارف كيف يجيبها منين او من وين
بعدت من حوشهم بعد ماسمعت هذا الكلام القطعة الباقية يلي في قلبها ماتت خشت لحوشهم وركبت لدارها طول قبل من عوايدها طل على بوها وأمها قعمزت على سريرها بدون روح تقول حد طعن قلبها بموس مش قادره ادير رد فعل مقعمزه زي الجماد وخلاص شويه بس وبدت تبكي بهستريه الانسان الوحيدة يلي حباته حيكون لغيرها ولا هوا حاس بيها 💔
خش للحوش وهوا يسمع في صوت بكي مش طبيعي ركب يجري وصل لدارها وهوا يشوف فيها من الباب كان مفتوح شويه ومنهاره بالبكي جاي بيخشلها بس فكر في حل خير نزل طلع تليفونه واتصل بيها
قامت تليوفونها وردت عليه : ايوا مهاب
مهاب بصوت مذعور: أساور ونبي تعالي موده مش عارف خيرها تبكي بهستريا واني مش حنقدر ندير شي
أساور ناضت : هي هي جايه
سكرت عليه : هي دانيه امشي معاي موده اشبح خيرها
مشوا وهما يجروخايفين عليها طقوا الباب فتحلهم مهاب الباب دانية ركبتلها تجري
أساور بخوف: خيرها صار حاجة 😨
مهاب كان واضح عليه ملامح الخوف على وجهه: منعرفش اني كنت رافع امي لحوش خالتي وهي كانت عند صاحبتها مندريش عليها حتى روحت لان سمعت صوت بكي
خشت دانيه: موده خيرك
موده قاعد تبكي بهستريه قربت منها دانيه وحضنتها: خلاص مودتي اهدئي اهدئي
شويه وخشت أساور سكرت الباب : شن في
دانية دارتلها بيدها منعرفش وهي قاعده اطبطب على مودة
قريب ربع ساعة باشي مودة بدت تهدئي شربوها ميه ومقعمزين جنبها مش عارفين خيرها
أنت تقرأ
القرار ليس بيدي
Romansaفي عيلة ما في حد كبيرها الا جدها المسيطر ويلي يحب يتحكم في كل بمزاجه قدر يسيطر على صغاره ويربيهم ويتحكم في حياتهم زي ما يبي لكن هل حيقدر على أحفادة ....بين كل قصص حبهم ،حزنهم ،ألمهم هل حتقعد عائلة مصطفى متماسكه او حتتدمر
