القرار ليس بيدي

الحلقة 23

35 ڤوت و100 كومنت

__________________

مالك بصدمه : بدر

خش بدر وهوا يشبح للحوش: تي وينكم الزح ليا سنه نخبط

وكيف جاي بيخش شده مالك بصدمه على وجهه قاعد مش مستوعب : تي غير تعالى وين ماشي تحساب روحك صليت لعشي وجيت ليك 5 سنين مهناش راهو

بدر إبتسم وحضن ولد عمه: ليك وحشه ولد عمي

مصطفى من الدار: منو يا مالك

بدر كيف جاي بيمشي : حييي صوت جدي المعكرش استحشته هوا وقوانينه

مالك شده مره تانيه: بدر استنه شويه الزح خليني نتنفس تي اني حطيتك في قبرك

بدر تنهد : قصة طويله ولد عمي قصة طويله استحشت العيله قلهم بالله نبي نشوف امي وبوي وخوتي

مالك إبتسم وهوا يفيق على عقله : به خليك هنى خليني نقول الموضوع بهدو احسن ما حناي تحسابك جن

بدر ضحك وسط حزنه

مالك خش لدار وكلهم مركزين معه : ااا في خبر هوا يفرح بنقوله باهي

مصطفى : قول انطق

مالك : بدر عايش

فجاة صار صمت غريب باش ينوض لطفى من صدمته بصوت يرجف : ب بدر ولدي عايش

مالك : هوا يلي خش من الباب توا

ناديه ناضت بين خطوات بطيئة وهي تقول في عقلها اني اكيد رقدت وهذا حلم ولا..... طلعت لصاله وهي تشوف في الشاب طويل قدامها بعيون بنيات وشعر أسود وهي تفصل في ملامحه

بدر قعد واقف في صدمه هاذي امه يلي يشبها امه يلي مشافهاش 5 سنين تجمد في مكانه وهوا كان طول طريقه يقول ويهدئي في نفسه باش يقابلهم ب بدر القديم يلي اكيد حتى نسوا بس أول ما جاته امه وحضنته نسي كل شي وحضنها بقوة دموعه نزلوا وهوا طاح على ركابه الشوق والحنيه ورئحة الام كان مش عايشها لمدة 5 سنين

نادية تحضن فيه بكل قوتها وهي مش مصدقه روحها تبكي بصوت: قولي مانلمحش اني قولي مانحلمش اني ياماما قولي لاني مش مصدقه انك في حضني توا

بدر بصوت مغصوص من بكاه: استحشتك امي

وهني زادت ناديه من البكي وهي تسمع الصوت الرجولي يلي فقدته سنين

طلعوا لطفي دانية وأساور وعمر ومهيمن يشوفوا للمنظر وبدوا بشويه يطلعوا الا شهد يلي قعدت في دار تبكي خايفه تطلع ويكون مش هوا

أول مابعدت أمه وهي تمسح على لحيته الطويله وهي تبوس فيه في خدوده وجبهته لان هوا جبدها وباسها من جبهتها كلهم دموعهم نزلوا من المنظر ام وطفلها ليهم سنين مفترقين حست بيد على كتف ناديه وكان لطفى يبي دوره خلاص ناض بدر من على راكبه وهوا يشوف في دموع بوه خداه في حضنه بطريقه قويه وفمه يرعش من البكي استحش ريحة الامان يلي كان يحس بيها في بوه السند والعزوة بوه كان بيطيح بس بدر ما خلاشي شده بالقويه باش مايطيحش كان يقوله انت ديما مكانك فوق ماطيحش لحد ولا ليا