DUK NISAN DARE....

15

'''DUK NISAN DARE...!'''

*(Unlimited love, Countless love, limitless love, unconditional love, deep love, True love is a strong and lasting affection between spouses or lovers who are in a happy, passionate and fulfilling relationship, It's hard to wait around for something that you know might never happen. But it's even harder to give up when you know it's everything you want.)*

*HAUWA A USMAN*
     ~JIDDARH~

'''Wattpad:- HauwaAUsmanjiddarh'''

1️⃣5️⃣

Yadda ta tattara gaba d'aya hankalinta akan tv ta rafka tagumi hannu bibbiyu ba k'aramin mamaki abun ya bashi ba.

Nan ta lalace zaune d'aure da towel ko kofin data gama shan Cinnamon bata mayar kitchen ba, takai awa biyu zaune tana kallan wasan kafin aka gama..!

Ajiyar zuciya ta sauke a fili kana ta tashi tana fad'in..

"Yaya duk sanda Marshall zayyi wasa ka sanar dani please zan kalla.

Bakinta da take maganar ya kalla abun dake bayyane saman fuskarshi ya girmi mamaki.

"Kaji Yaya!.

"Naji yace yana sakin murmushin cin nasara akanta, tunda gashi har ta soma zama ta kalli ball har tana cewa a sanar mata idan wani d'an ball zayyi wasa...

Ta juya ta shige kitchen ta mayar da kofin sannan ta shige bedroom dan sanya kaya a jikinta...

Duk inda tayi idonshi na kanta yana kallanta baki bud'e, abunda yake ji ya girmi mamaki kam.

Yasan koya fad'a a main gida ba yarda zasuyi ba, gwara ya bari idan ta gama fad'awa da kallan ball d'in yadda bazata iya bari ba ya bada labari dan karma yaje ya sanar musu su rink'a tsokanarta tazo ta dena bayan ya soma jiyo k'anshin nasara.

Kaya ta sanya marasa nauyi ta kwanta rigingine tana jinta sakayau kamar jaririyar da aka haifa yau...

K'irjinta ya rink'a bud'ewa a hankali wani irin sanyi me dad'i na shiga zuciyarta,
Ta dad'e kwance tana tunani had'e da mamakin kanta na zama ta kalli ball da kanta., saida aka kira sallar Magrib kana ta mik'e ta shiga kitchen d'ora abincin dare.

Indomie ta dafa musu data ji attaruhu da bushasshen kifi, tayi sharr ta zuba mishi a plate ta zuba tata a plate ta had'o musu shayi.

Suna cin abincin tace " Yaya a wacce k'asa Golden Legs yake da zama yanzu?

" Yafi zama a Landon..! ko Cardiff.

Ya bata amsa a tak'aice, saboda ya cika bakinshi da indomien,.!

Shiru babu wanda ya kuma cewa wani abu har suka gama ta kwashe kayan takai kitchen ta shige bedroom ta fad'a saman bed ta sauke ajiyar zuciya a fili.

Addu'o'in kwanciya bacci tayi kamar yadda sunnah ta koyar ta d'auki romote d'in AC ta d'an k'arata kad'an tana rufe idonta da niyyar yin bacci...!

Amma sai me..?

Bacci ya gagara, data rufe idonta Marshall take gani tsaye gabanta fuskarshi d'auke da murmushin data kasa mantawa dashi wanda ta gani manne saman  fuskarshi lokacin dayaci ball...

Da sauri ta bud'e idonta tana fad'in " Astagfirullah!

"Lafiyata kuwa?

Ta tambayi kanta, juyawa tayi ta gyara kwanciyarta tare da lumshe idonta, aiko tana rufe idonta ta kuma ganinshi, da sauri ta bud'e idon had'i mik'ewa zaune saman gadon...

"Ya Rabbi!

"Meya sameni ne..!?

"Anya nice kuwa?

D'an marin fuskarta tayi tana fad'in " Maryama! Maryama Bukar Bugaj'e wake up mana..!