تأشيرة إلى وكر الشيطان

شبح الماضي

القدر والمصير والصدفة أه ....... كون كانو ديما فصفنا مستحيل نحسو بحلاوتهوم يمكن ملي كيلعبو لعبتهوم القذرة كيكسرو فينا ألف خاطر ولاكن من بعد الأزمات كنقواو...... كنعرفو الوقت المناسب والمكان المناسب و مع الإنسان المناسب أه... كنعرفو بلي إلى تجمعوا هاد الثلاثة مع بعض مستحيل يكون قدر ومستحيل يكون مصير أو صدفة ولاكن كيما ديما كنتعماو كنتكلخو و كنتسرعو ويمكن بلاصة منرضاو بالخبزة الحافية كنرضاو بنصها ويابس ثلاثة ديال البنات و فأريج العمر غيعيشو أسو تسافيرا فالتاريخ لأخطر دولة فالعالم........سيداتي سادتي البلوغرز زينيبِيويس جاتكوم بكوكتيل من الأكشن والدراما والرومانسية وبزااااف ديال الجرئة و السفالة ............................
💛

كَالسة كتكتب القصة الجديدة فبيتها جامعة شعرها كعكة مهملة و خصلات خضرة مشعكة منو كتبات جملتها الشهيرة : ت..... حيياتييي مينيكاتي
سدات البِيسي ديالها وهبطات سوتياناتها مزيان و رمات عليها الفوق تالبيجاما ونزلات تصايب باش تعشى وبدات تنكَر : تفو تايرجعو لما نتفتهوم القحبات فاك.... كنعيط ليهوم تاوحدة مكتجاوب هووووووف .
صوطات الخضرة وشوات الستيك ومشات تاكل يالله كلسات وهزات بالفورشيط الستيك لفمها وهي تسمع الدقان تأفأفات وناضت حلات الباب وهي طلع حاجبها: وأش كانت كدير معاك المرضي
_راه كونا فنفس البواط ومن بعد ديك الفضيحة اللي دارت خفت يطمع فيها شي حد وجبتها
زينب: و زكِي معانا دبا أش دارت أمحسن
محسن: كترات فالادوز وناضت كتويركي لحوالا
زينب: خرجات على راسها المصيبة أوييييلي أراها لي مدها ليها مرخية وشعرها كامل عرقان

أجيو نتعرفو على زينب هي بنت طويلا وفورمتها هي هاديك خمرية ومنمشة عندها عينين كبار و زيتيين و صابغة التحت تشعرها بالخضر ومعا شعرها فالأصل بني مايل للبرتقالي فبالمنطق غيكون كيرلي هي بنت يتيمة لا أب لا أم تبناتها عائلة فبريطانيا ملي كانت عندها ربع شهور ومن بعد ماتو فاش كانت عندها سبع سنين..هي مقرياااش بزاف بحال نهى اللي من بعد تعرفو عليها الموهيم هي ميكآب أرتيست و بلوغر تالجمال معروفة فأميريكا وبريطانيا و عارضة أزياء على مواقع التواصل الاجتماعي ويوتيوبر عمرها 17عام وهاد العام عندها الباك

أما نهى فكبر منها بعام وخدات الباك ديالها داك العام بأعلى معدل فالمغرب ولاكن دارت سنة بيضاء ومدفعات لحتاشي جامعة باش تدخل قدها قد صحاباتها شعرها غري وعينيها زورق وسمرا طويلا ورقيقا طبعا حيت تاهي عارضة أزياء Gucci ووجه إعلاني بحال صاحبتها ماماها ماتت ملي كانت فعمرها 15عام نتاقلات عند زينب حيت ببساطة صحابتها بزوج هنا

أما أصغر وحدة فعندها 16 عام هبة نص مغربية ونص لبنانية شعرها طوييل وكحل وصبغاه من التحت بالزرق والغوز تاهية يتيمة الأم والأب من بعد نعرفو قصتها هي أطول وحدة فيهوم و أقبح وحدة تاهية عندها الباك واللي دوزوه هدا شحال وكيساينو غي نتائج هي بنت بيضا بزاف وملامحها حادة كتلمح القوة ديال شخصيتها غي فستيلها لي عل على عكس زينب اللي إلى شفتيها تقدر تقول ملاك أنا قلت تقدر تقول ملاك وخا البلاصة اللي فيها مفيهاش الملائكة 🤣 هبة عينيها حجليين أو بندقين كطير وكتموت على لي كومبا دالبوكس وديما محاطة فيهوم