تأشيرة إلى وكر الشيطان

الجزء الثالث

تكركبات نهى من الناموسية بالضحك بدات كضحك دورات وجها وجا نيشان مع واحد المجلة تحت الناموسية ديال زينب جراتها وتعجبات : أساسيات السفر لكولمبيا السياحة والثقافة الكولومبية منيتك أحنينتي والله تكتحلمي الدول المشبوهة مستحيل يخليك حبيبي مراد تمشي ليها
نتراتها منها: راه شريتها غي باش نعرف أشنو ممكن نعطيه فالكادو
هبة الفريفرة نقزات: علاش واش هو كولومبي
زينب: متعمريش راسك بيه أصلا راه ساكن فروسيا وأي واحد عندو عرق مغريبي غيحلم بروسية
هبة عقدات حواجبها بستغراب: بحرا قلتي كولومبي
زينب: لا باه بريطاني مغريبي ومو مغريبا
هبة: تا داك نوا مغريبي
زينب عقدات حواجبها بستغراب: لا.....نهى: سي مغربي ماماه مكسيكية وباباه مغريبي
زينب: شكرا على المعلومة اللي إلا سمعنا عثمان كنهضرو عليها يمكن يقتلنا
هبة تكات: الله على راحة الله سينغل هههه سيليباطير أنا سيليباطيييير
نهى قرصاتها: أنا راه مخبوطة ماشي مخطوبة
زينب: أنا أونكوبل أه ولاكن مكنبغيهش.....مع كملاتها حل الباب عثمان هاز كرتونة فالغوز بيبي ونبايل بويض شاف فيها شوفت الضمار الشامل وحد الشوفة خلات زينب تعدب فبلاصتها حط البواطة و وطرطق النبايل فوجها ومشا بقا كولشي ساكت وبالأخص زينب تبلوكات وضرها خاطرها حسات براسها خيبة وممزياناش هبة هزات البواطة وحلاتها قدام زينب ونهى اللي غيشافت وسطها حلات فمها على الجهد أما زينب بدات كتبكي بلاما تحس كانو التصاور اللي تصوراتهوم حياتها كاملة وفكل تصويرة هو راه كان معاها فيها هزات أول وحدة كانت هي وياه باقي صغار هو كبر منها بعاماين كانت لابسة كسوة غوز ودايرة كْرينات وهو حداها كانت كتشوف بالكاميرا وهو كيشوف فيها ولات كلها كترعد بقات غادة بالخيط لآخره وشافت التصويرة كانت آخر تصويرليهم فسطح بناية فنيويورك تأفأت وهي تجي عينيها على سيدي هزاتها وخرجو البنات باش يخليو ليهم شوي دالخصوصية دارتها فالبيسي وهي تصدم الفيديو كانو فيه لقطات معمرها شافتهوم ولا ساقت ليهوم الخبار واش تصورو كانت يا إما كضحك أو كتهدر أو كتدير شي حراكات يا أما بوجها أو بجسمها وفالخر كانت تصويرة ليهوم بزوج كيتباوسو ومكتوب فيها for my everything ماعرفات ماتدير سدات البيسي ودارتو فصاكادو ودارت تيليفونها وهزات شي كريمات وبدلات عليها وخرجات لقات طوموبيلتها واجدة حيث كاملين واخدين البيرمي على سطاش ركبات وهي تبان ليها نهى كتشوف فيها عرفاتها غتكون مقلقة تاهية راه بنت عمتو ديمرات و موقفات تال واحد الباب كبير بزاف ديال المزرعة



المزرعة⬆️



فاش كانو عايشين هي وعائلتها واللي من بعد تعرفو المأساة اللي سراط ليهوم قلبها تقبط عليها و سدات عينيها متجاهلة الأحداث اللي كيزروها هبطات من الطوموبيل ووقفات حدا بلاصة السوارت والبصمة حلات بالبصمة ديالها ورجعات دخلات الطموبيل وكسيرات باش توصل من البوابة الرئيسية للباب دالفيلا كضرب ثلاثة دقايق بالطونوبيل وصلات الباب وهي تولي كاملة كترعد هزات عينيها الباب وهي تشوف راجل فأوائل الثلاتينات شعرو رطب بزاف و عينيه فالبندقي وطويل مكدر وحداه مرا أية فالجمال شعرها ليموني مخرص و عينيها ملونين كانت الشوفة فيها كتريح بدات كتبكي شوي وهي تشوف بنية دايرة قرينات ولابسة الزي الموحد ديال فرقة مخابرات بريطانيا كانت كتجري وهي تصادف الكلب ديالها الي فالأصل قدو قدها فالعمر
زينب: هوووو آش لاا متخليش المجرمين يهربو غيديو الفلوس آش هجم عليهوم.......نطالق الكلب و زينب بسرعة لعند واليديها القانونيين وطيحوهوم زينب: وييي قبطنا الأشرار آش(سميت الكلب حيت كري وفلون الرماد )أخر براكاج تم بنجاح
ماماها(جورجيا ): أيي أبنتي قبطينا أووو
ريان: بنتي نوضي أبابي لبسي كسيوة كي البنات وانتي دايرة كي الزوفري
جورجيا: خلي عليك بنتي ملي غتكبر غتكون أفضل عضو مخابرات فالعالم
زينب: أنا بغيت نكون بحال آش عميلة و عارضة كلاب ضربات على راسها هههه بغيت نقول عارضة بنات زوينات بحال ماما
ريان: حيث معرفتيش ماماك شحال عدباتني باش غير تدير العكر
جورجيا: حتارم راسك أسي العميل معاك وحدة من ملكات جمال الكون غي سكت بقاو كيضحكو وشافو فيها دارو فيها واحد الإبتسامة حرقاتها دارو ليها باي باي وختافاو وخلاو المسكينة غتحماق بابكة كتضرب فالكيدون بيديها: لااا لا لالا لا اهئ اهئ اهئ لا ردولي ماما بااااباااا عافاااااكوم اهئ اهئ اهئ لا ردولي آش.....بقات كتبكي شي ساعتاين تاتهدات ودخلات اللدار ما شافت فوالو ومبغاتش تشوف أصلا طلعات لواحد البيت ساست الفراش و تلاحت نعسات