تأشيرة إلى وكر الشيطان

الجزء السادس

حلات عينيها بشوية وعاودات سداتهم من الإضاءة القوية فالبيت رجعات حلاتهم بشوي وهي غتموت من الألم اللي كتحس بيه بان ليها هيثم مفهمات والو ذاكرتها صفحة بيضا معاقلة على والو ركزات فيه بزاف وهي تغمض عينيها من الصدمة كلشي داز قدامها كل لقطة وكل تفصيل تفكرات شحال ترجات وطلبات فيه يحبس ووالو غمضات عينيها كثر ودمعة سخونة هبطات على خدها تزيد تحرقو شهقة بألم لدرجة فاق هيثم شاف فيها وهضر بخوف: زيي..زينب واش بيخير كضرك شي حاجة
زينب بضعف: قول واش مكضركش شي حاجة....بغيت نمشي بحالي
هيثم بأسف:زينب عفاك رتاحي راك عيانة وخاصك تهدني...زينب عاد زادو دموعها: اشنو درت يا سيدي ربي فحياتي حتى نتعاقب هاكا والله حتا عييت...هيثم حس بيها شحال غتكون مقصحة قرب بشوي ليها وباسها فجبهتها: متخافيش انا ديما غنبقا معاك
فهاد اللحظة اخر واحد كان خصو يشوف هاد اللقطة هو نووا مع وقف وحل الباب مع هيثم باسها على جبهتها جمد بحال شي بركان كيتسنا ايمتا ينفاجر ضرب الباب بالقبضة ديدو حتى قفزات زينب غير شافتو كانت غتنتر الصيروم وتقتلو الحمد لله ملي حبسها هيثم ولاكن دخلات فحالة هستيرية جاو الاطباء دربولها برا ووالو السيدة موالفة المهدئات زادوها دوز خرا كثر عاد فقدات الوعي ناض هيثم عند نوا وهو حالفها فيه مشا خرجو وهو يقول ليه: مال مك زملتي البنت ماعمرها اداتك واصلا فين كتعرفها نتا
نوا: متحمقش دينمي هاديك اللي لداخل راه هي ديك القحبة اللي باعتني انا وخوها
هيثم راسو غيتقسم كيحاول يتفكر ولاكن والو صعر:هادي اللي لداخل راه كنعرفها من سبع شهور عمرها جات لكولمبيا وانساgرام ديالها فيه تصاور من خمس سنين دبا قولي منين خرجتي باستنتاج بلي هي اليسا ؟
نواا شاف فيه مدة وخرج
• نرجعو لفيلا
ضو تالصباح بان حلات عينيها وبدات كتحاول تستوعب هزات راسها من صدر جين وهيا كتشوف فملاميحو اللي جامعين بين اللاتيني و الشرقي جات تنوض بمرة وهو يفيق ولاكن محلش عينيه بقا مدة كيتسناها اش غتصنع ناضت بشوي وجات تحل الباب لقاتو مسدود بدات كتقلب على الساروت والو ملقاتوش قربات منو وبدات كتشير بيديها تأكدات واش ناعس حطات يديها على جيبو وهي مركزة معاه حتا غوت وخلعها هي من الخلعة طاحت وهو ميت عليها بالضحك جين من بعد شافها تعصبات سكت وشاف من البالكون: فراسك نتي الوحيدة اللي طلع عليها الصباح
نهى ناضت كتسوس حوايجها: كيفاش
جين: حمدي الله عينيك شفعو ليك...قرب منها وكمل هضرتو:اما كون قتلتك لبارح
نهى شافت فيه وزادت قربات: نتا غير فكر تحط يديك عليا وغتشوف
جين زادت عجباتو بجرأتها دوز يديه على القصة كيبعد الشعر من عينيها وقال بالداريجة:مادا بيا توريني شنو غنشوف
نهى استافزها هزات ركبتها تاهزاتها وعطاتها لحجرو
طاح حداها وهو كيتحلف عليها وهي كتقلب منين تخرج هو فاش طاح طاحو معاه السوارت غي عسفات عليهوم وهي تلفت هزاتهوم ومشات طايرة لباب غير دارتهوم تنطرات وهزها البلكون رماها و بقا شاد يدها الليسرا وهي كتبكي وطلب فيه شاف فيها وقال ليه بنبرة تهديد: بشرط واحد،غتسني على واحد الورقة
نهى بخوف: اه اه ايا حاجة
جرها وطلعت جلسات فوق الفوتوي فين نعسو وهي كترعد وتبكي حط قدامها ستيلو و مداد يالله غتقرى وهو يضرب الطبلة بيديه: غنباتو هنا دغيا
شافت فيه:واش غنسني على شي حاجة معرفاهاش؟
جين ضحك ونزل لمستواها: وهنا حلاوتها game on
بدات كترعد وكتفكر غي فالبنات واش طاري ليهوم هزات يديها وسنات شافت فيه وهو يشير لبلاصة البصمة بصمات وهز الورقة وهنا خدم مخها بالعرض البطيئ وقدرات تقرا العنوان الي كان بالخط العريض بالإنجليزي: شهادة عبودية  عقلها حبس مفهمات والو بقات كتشوف فالمداد اللي فصبعها واللي غيحل عليها ابواب الجحيم
•      #عند_هبة_هيثم#
ضرباتها الفيقة على الما كيقطر عليها ملفوق ..حلات عينيها كيبان ليها هيثم كيضحك والشمس ضاربة فيه كان يالله دوش وكيشوف فيها هي من المنظر اللي شافت يتسحابها ماتت ولا كتحلم: ااااااوه لك شو هيدا(بالبناني)
هو جابت ليه الضحك طلق واحد الضحيكة خلات هبة تدوب فبلاصتها: واو درت بزاف ديال الدنوب فحياتي ولاكن مشيت لجنة....يلاه بدات كتسها وهي تفكر البارح ناضت قافزة مفهم والو شافت فيه وهي كتضور فالبيت بالبينوار تالدوش: زينب و نهى اوييييلي زينب عندها فوبيا من أنها تبقى بوحدها..نهى نهى فينها فين جبتونا المجرم
هيثم داخ وهي كتضور: ممكن توقفي راسي داخ ....قربات ليه وهي تفهم فرق الحجم اللي ليناتهوم هو جابت ليه الضحك كيبان قدامها بحال شي بيدوفيل بدات كتضرب فسدرو وتغوت: فين صحاباتي المجرم اشنو درتو ليهوم واش فراسك الى حاولتي تأذيهوم غنقتلك و......
قطعها ببوسة فمها هي تجمدات فبلاصتها بقات جامدة حتى عضها فشفتها التحتانية عاد دفعاتو بعدات وهي متوترةوحناكها غيطرطقو بالحمورية :بغيت نفطر
هيثم: واخا سيري لبسي
هيا عااااد سرا معاها أش لابسة :ا انا....اا..ش.شكون بدل لي ؟
هيثم:زوينة الوحمة اللي ف فخضك من الليسر زوينة ...خرج وخلاها غتموت من الاحراج بقات كتضور فالبيت حتا لقات الدريسينك واحد البلاصة صغيرة فيها حوايج ديال البنات مفهمات تا لعبة لقات دجين واسع من التحت و قاميجة ديال الستان بلون كاسي لبساتها حسات براسها بحالا سارقة حوايج زينب لقات صمطة لبساتها ولبسات السبرديلا باش جات وشي فيليلات فيهوم اللؤلؤ جمعات بيهوم الشعر اللي على عينيها
اللبسة: