##############المغرب#############
حلات عينيها الخزيين على وجه ماماها قريب منها بزاف شهقات بخوف وناضت رجعات اللور وهي كترعد سدات عيناها وعودات حلاتهوم ملقات واللو بدات كتحاول ترد النفس بقات شي نص ساعة علاما رتاحت وناضت دوشات ولبسات شورت قصير بزاف كحل ولاصق مع ميني تيشورت تاهو كحل طالع على كرشها شعرها بوكلاتو ودارت ليه كريم خفيف ومشات جمعات الدنيا بالخف سيقات وجمعات البيوت من غير بيت والديها مقداتش تحلو هبطات تشوف الكوزينة مالقات تاحجة تكال هزات تيليفونها ودارت كوموند التقدية اللي بغات شي ربع ساعة و جاتها صاوبات الكابوتشينو ديالها مع البرد ديال الفجر وقفات فالبالكو وبقات كتشوف لبعيد فالغابة اللي قدامها حتى وصلاتها شي ريحة كتعرفها غمضات عينيها أول مرة تحس بهاد التبورشة من هاد البرفان بلاما تحس نطقات: عثمان....وعات على راسها وشربات من الكاس وقالت: خاصني نشرب الدوا وإلا غيجيوني شي هلواسات يا سلام.....أما وراها كان واحد راسم نص ضحكة وساهي فيها وخا يبغي يتقلق منها مكيقدرش ببساطة كيبغي كل تفصيل فيها زعم وقرب منها وعنقها من خصرها وتكا براسو على عنقها هي تجمدت فاللول ولاكن فالخر دارت ابتسامة هادئة باسها فعنقها وهي تحط الكاس على الحيط ودارت عندو وشافت فيه وعنقاتو عثمان: اللي شافك يقول الخطأ مني ماشي منك
البالكون⬇️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبسة زينب⬆️
زينب: كنت عارفة بلي ماباغيش تشوفني يعني وخا نقلب عليك مغنلقاكش
عثمان بدا كيلعب فالكيرلز تشعرها وضحك: شنو دبا خليتي شعرك على طبيعتو باش نسمح ليك
زينب ضربات ليه يديه: راه ملقيتش البلاك ولا السيشوار باش نصايبو
عثمان باسها بوسة سطحية فشفايفها: فراسك أنا كنحماق عليك
زينب رضات ليه البوسة: فراسي
عثمان ضحك فوق شفايفها: كاتسالي معايا بالتواضع ديالك
زينب بقات كتشوف فيه وفنضراتو ليها هي عارفة بلي هي أغلى حاجة عندو فهاد الحياة وعارفة بلي غضور غضور وهو اللي غتبغي وهو اللي غتزوج بيه عنقاتو بقوتها كاملة ومع هو طويل وصلات غي لسدرو تصدم ومن بعد ضحك وهز ليها راسها وغرقو فقبلة فرنسية حنينة نخليوهوم ونمشيو عند بطلتنا الثانية هبة اللي كانت وقفة قدام المراية غير بدوبييس حمرين عريانة وكتدهن بواقي الشمس: تفو أهوووووف ياربي حرام هكا حرام شي يلبس اللي بغا وملي هبة تلبس دو بيس ساعتاين تحرق كاملة الضلم هدا الضلم واش أنا اللي ختاريت هاد البيوضية بحالا غندير الإشهار لفير آند لفْلي فاك
دخلات عندها نهى تاهي بدو بييس برونزيين وتكات فالفراش: الله.. واحد الشميسة مشهيتها ليك وواحد اللون خديت شوفي شوفي وليت كنبري بلا هيلايتر
هبة تنفسات بعمق وهي تهز المشطة وزفات عليها بيها لراس :هادي باش عمرك متحاولي تفقصيني تاني..نيني نيني...شوفو تبرونزيت شوفو وليت كنبري الله يحرق الزامل بوك أنا كلي مطبعة هنا حمر هنا غوز هنا طارت منو الجلدة غي قوليلي واش هادي حالة
نهى كتحك الضربة: وأنا مال مي فيك نتي اللي بلقا كي الدجاج الرومي وأصلا مكتشوفيش الشمس بزاف حيت ديما فالديبويات نهار كتشوفي الشمس بغيتيها تولف داتك دغيا أي أبنت الحرام زراقت الدقة
هبة: عطيتك..أجي واش زينب فالفيرمة تعائيلتها حيت قالي الشيفور دالها التقدية لتماك
نهى ناضت تقادات فالكلسة وشافت فيها: زينب عمرها دخلات مع داك الباب من داك النهار المنحوس
نهى:
أنت تقرأ
تأشيرة إلى وكر الشيطان
Romansaهاد القصة مميزة بزاف ماشي حيت فيها بزاف ديال الاحداث ولاكن حيت تقدر تورينا الوجه الآخر للمشاهير فشتى الميادين و حيت فيها تلاقح ثقافات دول متباعدة ديانات مختالفة و احداث صادمة ... سيداتي سادتي الى لعب القدر لعبتو حتا واحد ما يقدر يغير اللي غيوقع غتعي...
