هيثم بفضول : ماباغاش تعرفي عليا ؟
هبة بنفخة : هئ من محبتي فيك 😂
هيثم خنزر فيها : زعما انا للي معشوق فيك !!!
هبة بفضول حطات السوندويتش: علاش فجوجل الاخبار على حياتك الشخصية منعاااادمة تقريبا ؟؟!
هيثم تبسم بالسر و رشف من كاسو: ماكانخليش الصحافة تدخل فحياتي....
هبة : من هادشي للي فدارك مستحيل تكون كيف كايصور ليك الاعلام العربي ...
هيثم ضحك : وعلاه نتي كيف كايصورو ليك ؟ بعدا شرحي ليا كيفاش بتلاتة بيكم صاحابات بزاف وكل وحدة فيكم فمجال ؟
هبة رشفات من كاسها: مامختالفاتش بزاف حنا هدفنا ماشي نكونو متشابهات ولاكن نكونو متكاملات... حنا فحال البوزل كل وحدة فينا مهمة باش تكمل الصورة... وبصح انا ماشي فحال للي كايصور ليا الاعلام... انا قبح...
هيثم عاود ابتسم ولاكن هاد المرة بينها : وهادشي علاش نتي هنا...
هبة تقادات فالجلسة: دبا بصح ...فين البنات...
هيثم شاف فيها بحزم : نوضي غانديك عندهم...
ناضو و بمجرد وصولهم للباب لقاو الطائرة الخاصة ديال عائلة جين او جوزيف وصلات
هبة وهي كاتبعد الشعر على وجها و كاتهضر بجهد باش يسمعها: شكون هادشي ؟
هيثم شد على كاسكيطو وجرها ليه شاد فيها: الهيرنانديز...
هبة ضارت شافت فيه: اللي هومااا ؟؟؟
جين من وراها: عائلتي.....
نهى وقفات و حنا هي المروحية ديال الطائرة مطيرة ليها شعرها و كايشوفو فهاد الدخول الدراميتيكي حتى تحل الباب و نزل منو كأول شخص رجل فأوائل الخمسينات شعرو كحل و رطب طويل متخليلنو شعرات من الشيب و جامعو عيون ضيقة و دائرية نوعا ما و غامقة مع ملامح كلها قوة و رجولة كان لابس قميجة كحلة و فوقها كويرة فنفس اللون و دجين رمادي كلاص مع بنية ضخمة و رياضية عطياه شكل اصغر من عمرو.... نزل و تلفلت للشخص الثاني و اللي كان عكسه تماما امرأة فنصف الاربعينات تقريبا بشعر اشقر دهبي كاري لفوق كتافها و بشرة بيضاء منمشة نوعا ما...عيون كبيرة و لوزية فالعسلي و محاوطها الاخضر اللغامق من الجناب كانت بقميجة حريرية فالبيج و سروال فنفس اللون لاكن درجة اغمق شوي مع صاك إرميس فالبني و طالون بنفس اللون ... كانت العكس تماما لاي حاجة فالراجل للي شد فيديها اول مانزلات من الطيارة كونها قمة فالانوثة و الرقة و الجمال...
جين قرب ليهم شوي و نطق: وصلتو بكر من ماتوقعنا!!!!
خوان جر مراتو و فاتو: ماغانتسناش ادنك باش نحمي شرفي...
جوزيف من وراه كايقرب و يهضر: ولاكن هي عندها كاع الدلائل اللي كايأكدو بلي وقع شي غلط و ماشي هي إليسا...
قدس ضارت بسرعة: كيفاش ماشي اليسا- نطرات يديها من خوان- خوان واش زعما....
خوان ميل راسو كايفكر و جين بحالا تدعق بدا غير كايشوف فالفراغ و يحرك راسو بلا: لا لا ... لا ماشي هكا باش خاص نستقبلوها... لا ماشي هي ...
هيثم فحالا فهم و عض على لسانو و البنات طبعا كل وحدة تشوف فالخرى زي الاطرش فالزفة
قدس صافي ركابيها فشلو شدات فيه مزيان لاطيح و يدها كاترعد على راسها: خوان خواااان ديني... دييني عند بنتي...داااااباااا
خوان زير عليها فحالا معنقها: كلشي غايبان غير ارتاحي...
خرجو بزبة و استقلو طونوبيلاتهم نيشان للمصحة للي كانت خارجة على المدينة شوي و وسط الطبيعة
أنت تقرأ
تأشيرة إلى وكر الشيطان
Acciónهاد القصة مميزة بزاف ماشي حيت فيها بزاف ديال الاحداث ولاكن حيت تقدر تورينا الوجه الآخر للمشاهير فشتى الميادين و حيت فيها تلاقح ثقافات دول متباعدة ديانات مختالفة و احداث صادمة ... سيداتي سادتي الى لعب القدر لعبتو حتا واحد ما يقدر يغير اللي غيوقع غتعي...
