ضحيه 398
بقلمي طيبه سعد @tee___ba
تبدأ الأحداث المهمه بسنه 2019
نور الهدى بس شافت امي راحت جرت الكرسي وكعدت يمي و طلعت من جيب بنطرونها ورقه
نور الهدى: شوفي زينه هاي الورقه أخذيها واقريها ومن تخلصين من عدها شككيها(مزقيها)
زينه : ليش شبيها هاي الورقه
نور الهدى: تحجي بصوت خافت وعيونها على الباب غرفه الضيوف
اششششش نصي صوتج لا تجي امج وتسمعنا هاي رساله من اخوي ياسر حلفني انطيج ياها امانه أخذيها يله أخذيها لا امج تجي وتشوفها
زينه : خلت الورقه جوه علبه الطرشي الي جانت على المائده الطعام وبهل أثناء اجت امي
نور الهدى : خاله راح افررش السفره
ام زينه: لا زينه تفرشها
زينه : من انطتي الورقه واني ما مطمئنه لمحتواها خاصه بعد ما عرفت هل رساله من ياسر
زينه :: لا خلي نور الهدى تفرشها اني تعبت من الزلاطه باوعت النور الهدى بنضره بمعنى فرشيها
راحت نور الهدى وأخذت السفره
وامي ونور الهدى ينقلن بالأكل وامي ترزل بيه لين ما انقل وياهم
أخذت الورقه ورحت اصعد لغرفتي بالطابق الثاني وسمعت عمتي صاحت بصوت عالي
ساميه: شنو نعزمج ست زينه غير تجي تتغدين تسولفين وينه بالجذب ما كلتيلي شلونج عمه شبيج
ضميت الورقه بجيبي ولبست بشت لين جنت لابسه تراك لانه ابن عمتي نضراته مو راحه
رحت كعدت يم عمتي
زينه :لا عمه مو قصدي اتهرب منكم بي جنت تعبانه من الدوام
ياسر :اي شخبارج بالمدرسه
زينه : الحمد الله
ما اكلت شي وكمت من السفره رحت للحمام اغسل
الصراحه اني طبيعتي هادئه وانعزاليه علاقاتي محدوده قليله الاختلاط وخاصه بكرايبي ك عمتي ساميه و خلاتي و خوالي وعمامي و لولدهم و بناتهم ولا اثق بيهم
وخاصه بيت عمتي ساميه وابنها ياسر و نور الهدى كلش ما ارتاحلها ولا احجيلهم أسراري و حته صديقتي زهراء الي بالمدرسه احبها بس مو كل أسراري انطيها شي محدود
زينه
غسلت ادي وما احس ياسر وراي من شفته طلعت
قاطعني وكف بطريقي وكال
ياسر : احبج
زينه : وخر مني ياسر
ياسر: اريد جواب ياله اوخر
زينه : ياسر اني ما عندي مشاعر تجاهك والله احسبك اخوي الجبير
أنت تقرأ
ضحيه 398 ( مكتمله )
Mystery / Thrillerقصه حقيقيه 100% قصه حقيقيه لبنت عمرها ١٤ سنه وقعت ضحيه للماده القانونيه 398 بعد تطبيق القانون بدأت معاناتها
